睇過臨床心理學家同私家精神醫生兩年半，你問我答

呢個係 cognitive behavioral therapy

btw, 絲讀psycho既？你好熟d療程同d terms 即使係患者都未必會咁有認識

而且你仲要bipolar II, 一般而言比bipolar I 嚴重。你依家康復到咁一定勁辛苦

bipolar係hyper定depress 時間較多？如果hyper時間佔多，會唔會仲好過做正常人？

我睇嘅CP主要用psychodynamic theory講好多兒童時期同潛意識嘅嘢，但簡單嚟解釋talk therapy都喺嚟啲模式吧(?) 我嗰時都有mindfulness, drawing, grounding techniques，我估都會各種派別混雜一齊用

嘩多謝你咁睇得起我 我休學兩年，無所事事，諗極都唔明點解自己會搞成咁。睇咗非常多嘅readings/research，連DSM5/世衛個啲診斷我都有睇過，真喺痴咗線。自修入咗大學都有take psycho嘅course～ 依家都想往嚟方向發展，可能又要轉u了

無錯...躁鬱真喺好痛苦...但幸好走咗出嚟...
真喺好明嗰種絕望，想幫下大家

Well好睇你type I/II
個個人都好唔一樣，我自己就depress多
比例大概1:4
傻瓜...hyper喺超越正常嘅hyper先稱得上病
如果你睇上面我reply就知：
Hyper=亂攞男仔電話、每個月買二萬蚊但自己收入得二千、一日去食4餐飯，趕命咁趕、四日通宵作文
喺，當下喺hyper，但喺極度抗奮囉...
躁鬱躁鬱，有名你叫，有躁就有鬱
你永遠唔知個落差有幾大幾辛苦，你仲要承受返個時啲extreme act嘅後過...
酒精中毒/抗奮過頭去bar同十幾個男人上床，過咗兩個星期，有愛滋都喺常有聽聞嘅事...
「我每次的得意洋洋就是向未來借的高利貸」
大概喺咁...絕對不會好過做正常人...

可能要令你失望啦，因為我好少打機，我腦海裏對選擇嘅記憶都喺啲大事大非，未必好貼近你嘅例子，另一方面喺因為我生活嘅種種選擇都有信仰嘅介入。唔喺指我冇自由意志去做選擇，而喺當我需要慎重考慮一件事嘅時候，我會尋求神嘅旨意。但畢竟神唔喺活人，唔會親自説話，但會透過我嘅內心、朋友嘅口說話。

抛開信仰因素，或許遵從內心就會喺我哋嘅共通點。嚟點亦喺我從種種情緒病學懂嘅，其他人嘅想法、社會嘅規範只喺次要，甚至不值一提，自己內心嘅想法，嗰種熾熱嘅衝動（可能就是傳說中女人的第六感）先喺最重要，最需要納入選擇時嘅考量。

至於時機嘅好壞，同選擇一樣，在我而言，一般只要合法合道德，都冇好壞之份，不管咩時機做咩嘅選擇，只要沉下心踏實過日子，無論如何都會有得著。其實人生就喺咁，要不停做選擇，但又怕做錯決定，只要喺按自己心意，對得住天地良心，又對得住自己，就唔會後悔，亦無所謂好壞時機了～

我修的是逍遙道，可能講得好含糊

其實成本dsm5你都睇曬，都記得曬既已經係離成為 clinic psychologist 好近當然啦,個人既說話技巧同 unconditional positive regard 都好重要

加油，可能呢個係你將來你本身試過走出黎，應該會對面對同樣情況既人都好大幫助

有一句我常擺在心中”everything is good thing.” 當再仔細去理解呢句就會感覺”My being have a good reason.”
書中睇到一句：「最大的滿足，莫這於真正的自我被別人所珍愛，而最大的痛苦，莫過於別人所愛的那個你，其實不是真正的你，而是你偽裝的面貌。」
要有真正嘅快樂，必先經歷苦的痛。

最後一句頗有意思，諗起老師講過，如果人冇食過爭鮮，一開波就食築地市場壽司，亦不能食出其出色之處。

多謝你呀！幫到大家我都好開心
明白你嘅意思，應該喺頗多人嘅諗法。
但想講嘅有點多，要少少時間整合，等等啊

我有抑鬱 四年前開始有症狀但拖到半年前先睇醫生
有食開藥 但係病情反反覆覆 好似一直都好唔翻咁 其實睇埋心理學家會唔會好啲？
之前醫生有打算refer我去睇心理學家 但我話考慮下先 始終嗰度又一筆錢
我老母一直好想我停藥 因為啲藥太貴 佢又覺得我冇乜嘢唔洗食（得我自己知自己事。。。）如果睇埋心理學家我覺得佢會屌到我飛天
所以想問下睇心理學家係咪真係好有用？如果唔睇會唔會真係好唔翻？

我先總結幾點：
抑鬱症vs情緒起伏
口述病情與誤診
在人面前沒法真正表達自己

抑鬱症之所以喺病，喺因爲佢長度同深度比一般人有嘅情緒起伏都要更長同深。長度即時長，一般嘅test都會寫兩星期，而所謂兩星期，唔代表要每分每秒都抑鬱，而喺個整體比例、狀態。建議你可以直接寫低記錄自己抑鬱嘅時長、感覺、想法 (this is called journal in therapy world)，同時將你嘅憂慮同你嘅醫生講，佢應該會俾到答案你的。至於深度，就是對你生活影響的深度，有啲人睇精神科/接受心理治療之前，睇嘅喺骨科/心臟外科，喺咪好有意思？因為有啲人有depression會伴隨住痛症/其他不適，檢查極都喺正常，但再仔細一問先知原來喺同抑鬱有關。抑鬱除咗唔開心，鬱悶，絕望，自卑等情緒，仲伴隨好多身體上嘅徵狀：失眠/多覺、沒胃口/胃口大增、身體疲倦。如果以上症狀長達兩星期之久，仲有可能正常上班上課嗎？或許有好壞嘅時候，但整體而言必定差的狀況佔大多數，而且嚴重影響你正常生活，即使你離開壓力來源，情緒仍然久久沒法好轉，大概同抑鬱距離不遠了。

講得玄少少，就算你冇所謂「抑鬱症」，但終日鬱鬱寡歡，又喺好咩？所以「抑鬱症」，都只不過喺個標籤，好讓醫生治療，而病人都有個了解罷了。總結就喺，你心情可以重回正常值範圍內移動、可以按自己意志生活，即使有「抑鬱症」又如何？病徵嘅改善先喺著眼點，咩名根本不重要～

至於口述病情同誤診，可能要令你失望了，的確，精神科一開始嘅誤診率喺較高，畢竟普遍嘅診斷並不會用到儀器（其實儀器喺有的，檢查腦部用的，如果有興趣可以睇睇ETC電療，但只會適用於比較嚴重的抑鬱患者）同平時感冒一樣，一般都會用口述病情，但醫生喺絕對有能力透過你嘅説話分辨真假，以精神分裂為例，可能會有人話自己見到好多幻覺（但一般幻聽出現得較多），而即使患者自己見到幻覺亦不可能覺得喺幻覺（就好似你唔會覺得你嘅男女朋友喺假嘅），所以甚少精神分裂患者會主動上門揾醫生，並且自己發現有幻覺，而同時間衣著整潔（你可以想像有人一直喺你耳邊鬧你，喺咁嘅情況喺好難自理的）
仲有好多想講，但總結而言，有經驗嘅醫生絕對有能力透過你嘅話、狀態、打扮得去分辨，但若要100%肯定治療方向嘅準確性，不單單要靠覆診次數，你平日嘅情緒記錄同向醫生嘅坦誠都要配合呀～
好建議你可以直接將以上問題問你嘅醫生呀～

（調皮地講，dse medic都收三十幾吧，要讀6年，加上實習，你當人流㗎🤣🤣喺咪？比啲信心你個醫生，仲有你自己😉）

至於在人面前沒法真正表達自己，喺頗有意思嘅議題，何解呢？因為有一部分人（如我）恨不得講曬心裏面嘅鬱悶，而有一部分人就冇辦法表達自己，你絕對唔喺獨單一個🤣。第一步喺要明白自己喺「唔敢講」定「唔識講」，定兩者都喺，若果你喺「唔識講（表達自己情緒）」，可以睇返我上面講嘅「想法vs感情」😉。如果你喺「唔敢講」，我建議你寫出嚟，可以直接俾醫生/到時讀，可能你覺得好on9，但的確表達自己喺要時間同練習😣，而你要精準地講出你平日嘅情緒喺真喺重要㗎...我一直會喺到支援你㗎！有咩問題可以再問我！祝你一切順利！

天啊，我真喺好明白嗰種不被理解同掙扎...但唔好怕呀！我走咗出來，你都絕對可以㗎！
心理學家提供嘅喺心理治療，而可以提供類似服務嘅絕對不只心理學家！有社工/大學嘅counselor/therapist/心理學家（我上面打得非常詳細！可以按你嘅經濟能力、需要再做選擇😉）

唔睇會唔好唔返，答案我答你唔到，因為個個好不同，但希望我嘅經驗可以俾少少啟示你。我一開始睇CP只想要個診斷而已，冇諗過要長睇，到後期有幻聽幻覺就必定要食藥的了。食藥令我整個人冷靜落嚟，起碼可以落床刷牙（我當時真的頗嚴重的說），當然食咗藥就必須食落去，否則會有戒斷反應。但我為何要keep住睇CP呢？因為我喺當中得到愛，喺，喺好慘的，我要每星期俾千八蚊買愛。但又喺咪真喺咁可憐呢？又唔喺，因為我明白我傷痛嘅原因，如何去避免，我喺當中建立自信（我之前真喺個自虐狂🤣覺得要不斷自貶，人地先唔會傷害我，但其實我就一直傷害自己）懂得珍惜欣賞自己，甚至推己及人，可以有力去幫大家，用兩年多真喺唔容易的！可能其他人用二十年、四十年、一世，都一直被其他人嘅說話、眼神、期待困住自己，無辦法活出自我，更莫論喺自己嘅未來... 而我用短短兩年，真喺唔容易的...有失有得吧

但有啲人反而症狀嘅困擾比內在傷痛更甚，或許食藥會更有幫助。若果選擇咗一個唔合自己經濟能力嘅方案，一邊睇一邊內疚不安，又會唔會對病情唔太好呢？但我想你知嘅喺，坊間真喺有好多好多機構提供支援，不論喺金錢上，治療上嘅都有！花少少時間找找！同時睇心理治療不等於貴，亦有好多affordable嘅option😉

有問題再問我！祝你一切順利呀！

以前比社工背叛過 唔敢再搵社工了
其實有諗過搵除咗心理學家外嘅人幫手 但我始終覺得佢哋唔夠專業 會背叛我 我都唔會放心將我啲嘢話比佢哋知 講咗都會好撚不安
我知可能係我太驚青 但係始終有個陰影喺度 我放唔低
我下次睇醫生再問下佢啦 唔該曬樓主

而家食緊邊隻藥

你同樓主嘅說話都好有啟發性 想同你哋講聲多謝
不過需要多啲時間先可以完全消化

Sorry以為冇人再睇，冇覆到
當然可以！ tg:abc1874

Lexotan And Efexor

請問大家有無試過Brain Zap? 電擊咁既頭痛..
我本身食緊lexapro (就黎一年)

症狀嘅困擾比內在傷痛更影響你？
我自己兩個一齊睇的