睇過臨床心理學家同私家精神醫生兩年半，你問我答

有過
1. 分裂情感性障礙（Schizoaffective disorders），
即又精神分裂又有情緒問題
2. 躁鬱 (bipolar type II)
3. 抑鬱 (depression)
4. 壓力後群症 (PTSD) 有flash back, panic attack

好咗好多，尤其Depression，我有至少六年
希望幫到大家，亦請大家高抬貴手，
唔好太冇禮貌，太惡死，我仲未完全好返的
純粹想幫到同路人

加油！
有咁多diagnosis既

未好返唔好上連登
小心一陣加深病情

因為有家暴...

我tough咗好多嫁啦！
希望幫到其他人！

我今日休學第一日 準備去睇臨床心理學家😟

最大嘅轉折點喺發生咩事（由狀況差逐漸變好）

覺得香港政府公立的臨床心理學家和政府的精神科有冇用

驚恐焦慮路過 都係睇過心理學家同精神科醫生
大家都要努力

公立的話每次見的時間短，亦唔持續（我朋友個幾月/更有幾個月一次，當然要按情況啦）臨床心理學家自己case多的話，狀態不言而喻...如果廣義地討論臨床心理學，不討論治癒理念(認知 心理動力學 grounding)的話，其實沒有持續的治療，是不夠力的。

因為拋開治療手法，Talk therapy很依賴關係和信心，在治療當中被聆聽，被關愛的感覺，得到的正能源，是需要每星期充電的。

當然，依家好多都是認知治療（公立亦大機會喺），會講求理性同邏輯，不要被感性支配，但在情緒病人重拾理智之前，持續的被關愛是很重要。

但不要以私立就喺好，一次要1200-1800每星期都要睇一次，一年起跳，我要成兩年半，你可以計計條數，仲要好多同路人要食藥。而你開始咗一段以金錢為前提嘅完美關係，你感受過愛，在你未正式可以獨自面對困難前，你對嚟段關係會好有依戀。若果中途要退出，是非常危險的事，必須要有一至兩個session做過渡，但當然都會很不好受。點解我會知？因為我試過囉～ 但後來情況好咗，就兩星期一次，依家真喺有信心面對世界，就自然而然地做termination～

所以我極建議揾大學counselor/therapy/社工，可以持續、可以付擔價錢嘅心理治療，但資歷要小心查考。

出左黎做野，點搵大學counsellor 和社工 ？

精神分裂

係有 a b 人格定係點？

坊間亦好多有心人創立基金，有困難的話可以找找。You never walk alone!

公立的藥絕對冇大家想的這樣糟糕，因為至少是政府醫院的藥，不會超級差，但沒有私立的藥好是事實。至少我的副作用就是都不太長久，亦不太影響生活（雖然肥了許多），公立的不太清楚。精神科的藥有副作用，但也不用太擔心，因為每人都不一樣，更何況再多的副作用也比你傷害自己/令自己受傷強（如果想像癌病和化療的話，應該會明白）。按道理，精神科要覆診，公立不可能出現冇得再睇嘅情況，但時間選擇就會較少；至於私立，因為我看的應該是最好的醫生，比起看公立的朋友，轉藥次數少許多，副作用也是少許多的。至於價錢，診金加三個月藥(4.5粒per day)就要4500-5000，兩年多，我還在覆診，可以計計。

ab人格舊稱多重人格障礙（Multiple Personality Disorder，MPD），現稱解離性身份疾患（Dissociative Identity Disorder，DID），兩個靈魂住一個身體，二十個比利

精神分裂是幻覺幻聽，不要弄錯了～

今日見到個拉法基金，是個CP創立的，可以找找。
應該有機構提供group therpay/資助，也是個選擇。

多謝解說

精神分裂多數係腦部問題？

確實原因未明，
但遺傳佔大多數，所以要結婚生小朋友是個大難關呢
壓力、頭部受傷也是因素之一

第一次睇的話，建議你上youtube睇Kati Morton嘅片，佢本身喺therapist，有個playlist喺講therapy，打Kati Morton Therapy，應該就有的了。其餘的等我落堂再寫。

食藥既效果係咩？個作用係咩？

唔食藥又點。

我分開講
因為一開始我有幻覺幻聽（一般自己唔會知喺幻覺幻聽，舉例來說就喺，你會唔會覺得你男女朋友喺假嘅？你會唔會覺得你男女朋友話你樣衰喺假嘅？而且，幻聽佔的比例較多）食咗兩星期就冇咗，因為我是非常初期的精神分裂患者。

至於抑鬱，要知道情緒病是難管理的，不可能只食一兩個月就得。我食到依家兩年半，但我情緒病已經有六年有多，可見病從淺中醫不是沒有道理的。未食之前，極度抑鬱是基本，我嗜睡亦好攰，自殺意欲高，但情緒藥唔喺開心丸，只是鎮定劑，所以就喺穩定了不少，亦攰到沒有力自殺。每個人食後的感覺林林種種，我自己覺得有人喺我條頸到介咗一刀，個腦仲喺好多自責，但心如止水。都試過兩至三種藥，副作用有作嘔、頭暈、口渴、掉髮、發胖，過兩三個月，身體適應咗，就習以為常，前兩樣都冇咗了～後兩樣就應該喺我自己冇做運動（醫生有同我講過）同夜瞓...

但再後期確診躁鬱，就要再加多隻藥，同唔記得食藥一樣，情緒喺有起伏的，如果足夠細心就會感覺到。PTSD就冇食，心理治療，但有開鎮靜劑。食得多藥，食得耐，抵抗力都會差，女仔照顧唔好會易有婦科病。

至於停藥，應該喺頗多人嘅顧慮，「上癮」二字應該嚇跑了不少人。其實只是介斷反應，由於大部分精神科藥物都喺平衡你腦部缺少嘅化學物質，無論加或減都必須要小心，請交給醫生處理，請將你的顧慮告訴醫生。好多人話唔食藥都得，又如何自己停藥，其實會令復發率高好多。

各樣都有，但最主要喺信仰，
但拋開會被各位不屑嘅宗教因素，
應該話食藥令我足夠穩定嘅情緒去投入心理治療，
而我對我嘅臨床心理學家又非常信任，
關係亦十分坦誠，會少好多因不安/講大話，
拖延治癒進程嘅情況。
喺當中我發現自己身邊有啲咩trigger/有咩toxic嘅人，
令我有咩reaction，我可以如何避免（心理學的skill/technique），或者直接預演可能發生。
同一個信任、專業嘅局外人討論，令固執嘅我願意接受新嘅想法。
令我明白自己嘅價值觀，從何而來嘅想法，又或者喺ptsd入面潛意識嘅想法，都喺喺心理治療入面一齊發現的。
但最最重要都喺兩年半以來嘅相處，佢已經喺一個「足夠好的父母」去再次愛護、指導我，令我知道自己喺有價值的，任何人都喺，冇人值得被貶低或者一世自卑地活下去。大概喺咁～

點睇
一開始搵邊個寫信去政府

我自己喺直接喺私家的，但可以睇普通診所攞轉介信