今朝見到有個Post上到熱門，好感動以為有人講文學分析
點知入到一睇呢，除咗標題嚇死人之外，完全無內容
不過見到大家都咁突然關心文學，大家一齊傾我都好感動
但係見到呢位文友咁樣批評，得個吹字又無論述，認真睇唔過眼。只可以話呢位文友出Post其實真係可改善。 例如從結構上，內容鋪排上，文本分析上等等。。。
時間關係，咁我求其講幾點：
1、講文學修養，其實單講文學作品本體論嘅關注，係現當代文學思潮已經轉去留意讀者。咩讀者反應理論、接受理論，自己可以google吓。當《願榮光》咁connect到大家，係咁多受眾心中已經係好作品，就算作品不完美，可接受但要改善，都無問題 ，因為香港人賦予咗佢意義。
2、文學作品唔止關係作品本身，仲好睇語境嘅。即係呢件係咩作品，係咩時期出現，社會背景係點，都係文學審美嘅一環。咁《願榮光》本身係香港時代革命時期之作，未必要顧及傳統文學美感，要點樣大眾化通俗化，人人都易上口受感動先係關鍵。
3、對比台灣民國國歌，同中共國歌嘅分別：
https://www.youtube.com/watch?v=ef3SghEsDZI
https://www.youtube.com/watch?v=7wvyITD2stg
無錯，民國國歌歌詞好，但講真唔係迫你記，邊個識唱？同埋無人教，入面好多字眼都未必明。加上民國國歌好安樂，中國詩經嘅四字句，曲風中正平和。well，即係好眼瞓。
相對中共義勇軍進行曲，人哋革命時期嘅歌，諗嘅係點connect哂當時嘅無產階級，自然吸引好多，講真，我無刻意背加反共，但因為電視日日播都識唱。佢未必詞好，未必動耳，但影響力之大，作為革命歌曲當然勁成功。
4、功利現實咁講，而家無必要反對《願榮光》，因為太古城都集合到咁多人唱，反映呢份香港人寫詞作曲嘅歌，未必係林夕陳亦迅嘅級數，但作為革命歌曲無論背景歌詞mv曲風都好成功。如果係出自專業級詞人歌手，反而無咗呢種we-connect嘅力量。
https://www.youtube.com/watch?v=bVPaRgBdpIE
5、我相信文學文化修養對建設香港成為一個比鄰國更好嘅國家好重要。 當我地屌無文化嘅普通話、共式中文、過度使用歐化語句時，都希望大家關注一下香港嘅情況。
我相信有criticize 係良性嘅，文學賞析就係可以咁。
所以請大家除咗呢個Post，都支持返咁多位係香港寫文學嘅人，文學界出名嘅，網路成日寫嘢嘅，先係建設而非破壞嘅方法。香港寫嘢成日都有人睇唔起，先更要各位香港人關注，光復香港，本地文化都相當重要。
打得太長，講完。
