【手牽手做個好朋友】低調置業討論區（303）

管理有乜問題？

兆康要唔要補咗地價先賣得？

https://hk.finance.appledaily.com/finance/realtime/article/20190906/60011800

詹sir直擊啟德Oasis Kai Tak : 『沒有「暴塗」，只有「暴正」！』 E-mail 此主題給朋友
[隱藏]

https://hk.finance.appledaily.co ... e/20190906/60011800

逆權運動遍地開花，就連驗樓的「詹Sir」詹濟南也義憤填膺。他驗收會德豐（020）啟德Oasis Kai Tak時對時局作「直線抽擊」，由主人房玻璃指透明度不足，到廚櫃組合「沒有『暴塗』、只有『暴正』」，甚至跪低檢查廚櫃底也說看見「黑景」，都旨在不滿政府及警察的所作所為。最終還將單位驗樓評分說比8月中林鄭民望27.9分要高，有94分。

詹sir甫入單位，行出露台，看見客廳玻璃窗被多個「鐵馬」鎖住，「係用來鎖住窗塊玻璃，之前有問題嘅玻璃撤回咗㗎啦，掟走咗嘅玻璃已經壽終正寢。等玻璃膠硬化後，合適地撤回鐵馬。（而家開唔到窗？）暫時，平靜後可以開返。（而家開窗會唔會傷到人？）裝得好就唔會傷到人……暫時無危險，不過有陣時開窗就唔好行咁埋，如果唔係我驚整親隻右眼。最怕隻窗啡親隻右眼呢，我擔心呢家人無得還眼呀。」說時以右手遮蓋右眼。

然後他吩咐徒弟康仔遞個布袋：「我嘅布袋入面就好多架撐，就唔係布袋彈……」從布袋取出螺絲批，仔細檢查窗邊玻璃膠，相信已經可以撤回「鐵馬」，「之前好慘，香港持續壞天氣。落吊船做嘢，太大風唔得，落雨唔得，所以有啲嘢堆咗後面焗住做。睇得出交樓前天氣有阻滯，有頭髮唔使做癩痢。」

到主人房，詹sir指：「有件玻璃刮花咗少少，其實無乜大影響，但影響少少透明度。有時透明度不足，刮花少少都幾影響，我都建議換。要換，唔好磨，磨得唔好會變哈哈鏡，透明度更加不足。做嘢要有足夠透明度，變哈哈鏡就最攞命，佢係變形。」

檢查開放式廚房，扭開水喉，跪低之際說：「我成日都話驗樓好，睇嘢好，有時要跪低，成日堅持企硬，點睇嘢？下面咪睇唔到。適當時候，有必要嘅就跪低，跪低先睇到下面嘅嘢。（於是他跪低睇廚櫃底，被問有無唔想睇到嘅嘢？）黑掹掹嘅景色，『黑景』囉！見到黑景點算？我就跪低㗎啦，最終呢，都係走人。話時話，呢個櫃啲油漆髹得幾好喎，真係沒有『暴塗』喎！沒有『暴塗』，只有『暴正』。」所謂「暴正」，他解釋：「裝呢啲咁嘅櫃，最怕『暴正』，即係夾硬整正佢嗰種，返轉頭唔會有好嘢嘅。做建築，裝任何嘢，千祈唔好夾硬整正佢，『暴正』係無好結果嘅。」

企返起身，打開廚櫃上組合櫃看見未放好層板，詹sir就說：「畀你任砌，低有低砌，高有高砌，可以點砌就點砌。（亂砌好難睇？）呢啲唔係靠個樣，至緊要砌得啱用。（就算幾難睇都照砌？）好彩無CCTV睇住啫。我就唔會太暴力，好斯文，1個人砌得啦，唔使3個一齊砌。」驗樓當天正爆出3名警員涉嫌串謀在醫院向一名長者行私刑的新聞。

他總結：「經過各方接受，亦唔係一個洪水猛獸式的獨立調查，分數係高過27.9分好多，係94分。當中有『暴正』、影響透明度的玻璃，有啲石材曾經出現撕裂。窗戶嘅鐵馬，拆時要小心，一唔小心就會造成撕裂，一定要按『步』就班，步正就ok，暴正就唔ok。」

詹蛇