有冇巨蟹女分享下自己既思維

呃 我作為巨蟹女可以同你講
如果我咁直接同你講感情淡左就真係淡左
因為我會係暗中已經比左好多次機會你
但都係做唔到我理想我就會絕情割 好撚絕個隻
不過隻隻蟹都唔同嘅
但以我呢隻蟹嘅點睇 我會覺得無機

射手座唔該放過蟹蟹啦⋯

好中 佢愈習慣同你一齊就愈自私 倚賴 同唔企人地立場諗
剛分手 4年半 前女友巨蟹
就係呢d原因我提出分手

同個巨蟹女4年半 剛分手
頭2,3年好好 會煮飯同買野俾我好care我好老婆feel
好到係我要對翻佢更好 唔係我個心都過意唔去
基本上咩要求佢都ok 無乜所謂

後來佢自己多手試玩app
就開始出軌 變第二個人
佢死口唔認仲屌翻我冤枉同煩佢
次次都係我搵到證據佢先收皮同斬檻
出過起碼兩次 上左癮咁

每次我都選擇左原諒
想重新好似好似以前咁
但發覺佢已經唔同左
變得好自私好貪令買好多無謂野
要人遷就佢唔會係人地角度諗
好似只係習慣左有我呢個人隨傳要隨到咁
亦無再對我好好 好似生活上我仲排得後過朋友
無人約或者有事有需要先搵我咁
然後佢既social media都無哂我既相

耐左我發現好無安全感 好似同自己一個人拍拖咁 寂寞感
仲成日會亂諗佢講既係真定假
有時都唔知佢真忙累唔覆定同第個傾緊
但又好愛佢 每次想硬d 佢一搵我我又會應約同幫佢打理
唔知係咪緃容左佢

我地都有半年無扑野 錫都少 係拖手唔知點咁 似做兵
早排我忍唔住講左少少 佢就話我煩 成個女人咁
唔鐘意就走 但睇得出佢有d口不對心 心入面又好似會緊張

終於我上星期講左句:
好啦唔阻你 我唔會再主動 頂唔順冷暴力 我就係你煩惱咁 反正我都係所有人和事排最後 除左有用個陣

之後隔左一日先覆我:
工作忙嘛 好多時唔想講野

之後我就無再覆佢到今日 我都好唔開心同矛盾
我個心一直好想見翻以前個佢
如果係而家既佢 真係好難去翻結婚對象

求巨蟹女幫手拆解下
好難捉摸