警世文 機場一戰之我見

原來入機場唔喺癱主要經濟
原來主要喺宣傳, 好呀, 等你地宣傳到全球一半人口知道又點？
你覺得會回應你咩

從來都唔係【癱唔癱】既問題，而係【如何癱】既問題
https://lih.kg/1464999
- 分享自 LIHKG 討論區

求大家睇下同投個票
今晚係轉捩點

今日唔知聽日事
攬炒巴打緊bno條線，美國黎緊推人權及民主法案
點解要自己去斷呢啲戰線?

希望大家都保持冷靜，唔好比仇恨蒙蔽

［文宣煲大佢］有疑似黑社會入機場踩線搞恐襲
https://lih.kg/1465124
- 分享自 LIHKG 討論區

我地已經冇可能再割蓆

其實應該聚焦翻721 811
今晚一場鬧劇
又搶晒焦點

要機場運作正常可以 唔該政府比番五大訴求我地 呢個係政府問題 唔好賴係百姓問題唔該 要受壓既應該係政府 而唔係人民

612 721 811

推

整理思緖，818見

一有d不同意見就被標籤冷氣軍師/左膠，我覺得依家係勇武割緊和理非多d囉

咁多人支持打狗，係因為佢地挑起事端先，block旅客唔比入閘，同白衫鄉黑無差別傷害平民有咩分別，冷靜下啦唔該

今日啲鬼咁易比大家捉到 身上又會有公安證？
https://lih.kg/1465351
- 分享自 LIHKG 討論區

你入機場唔癱瘓咁入嚟把撚？
俾你宣傳到全世界都知咁點？你自己香港人唔實際行動邊個幫到你？成大大個機場春袋係你面前你唔揸？

借問聲？我地今日既行動，對整個運動有沒有一個好處？主要經濟？你唔直接搞金融市場？對運動0幫助什至惡化，做黎做乜

癱瘓機場同之後入夜發生嘅事有乜關係呢？

忽發奇想

尋日籌款超額一倍 有無可能叫攬炒巴登多次報

不過今次係向機場停運受影響旅客道歉

有NOISE 有CREDIT 仲可以重申五大訴求

一次過滿足香港人三個願望 大家又唔洗內鬥同再嘈


攪炒巴團隊請入!!! 不才有拙計 「關於機場運動」
- 分享自 LIHKG 討論區
https://lih.kg/1463142

推

今日有兩個重要信息
一係要拆鬼呢招 對家玩spy防不勝防 要想辦法破狗狗情報網/截取狗狗情報
二係前線手足呢兩個月壓力好大 情緒控制唔好 可能要修養下 和裡非要出場

其實今日好小事 與721 811相比 雞毛蒜皮
文宣 要拆今日單野 盡量冷處理

813「和你非」有感+未來方向

[P牌仔, 由於每日出post 有限制, 所以一次過寫哂小弟對今日機場813既睇法, 歡迎留言討論, 如果認同希望大家可以正皮, 推同share, 唔喜歡都可以比負皮]

先講一樣好重要既野: 我地今次運動係面向住國際社會, 我地做既一舉一動都會俾全世界見到!

目前為止, 我地最強大既武器就係「民意」, 而政府/黑警既武器就係「製造暴力」, 我地而家既民意已經好強大, 相反政府/黑警不斷出醜. 政府不斷「製造暴力」就係想我地出醜, 政府已經急到瀨屎, 不斷犯錯. 我地反而唔需要急, 唔可以中計, 唔好俾機會有位俾佢地入. 只要守住民意, 我地就會贏!

「不分化 不篤灰 不割蓆」, 大家都只係希望香港好. 不過有啲位都希望大家可以理性咁睇番件今日813 「和你非」活動可以進步既空間.


1.阻人上機
無論係咪鬼都好, 一定唔可以阻旅客上機! 唔可以比民意逆轉!

從一開始「和你飛」活動和平示威, 到而家呢一刻唔知係咪比「鬼」滲透左, 變左係癱瘓機場

8.12 機場癱瘓只係誘餌，比大家以為機場癱瘓會對政府有好大損失，而令大家目標由「宣傳五大訴求+國際文宣」去到變成「癱瘓機場」, 一定唔可以變成咁.

雖然結果都係癱瘓機場, 但機場自己停係機場同政府決定既事,

我地主動阻旅客上機係有機會違反人權 (雖然警犬同政府都唔講人權, 但我地要守住呢條底線), 俾旅客走, 架飛機最後停飛, 係機場決定, 而唔係我地去幫旅客「被停飛」

從市場學角度諗, 喺得機場搞「和理飛」, 目標對象係「旅客」, 我地要做應該係文宣為主 (反而癱瘓機場當係bonus, 同埋係政府自己出醜停機場), 不妨準備各種文宣材料(傳單, 舉牌, 甚至播影片) 去俾旅客睇, 好似搞展覽同導賞咁, 俾旅客知道香港發生緊咩事, 我地香港人既五大訴求係乜，點解會有呢場運動。

旅客係我地重要既盟友, 佢地可以幫我地將香港發生既事分享番俾自己國家既朋友/家人, 等更加多人知道香港發生緊咩事,

如果見到旅客，無論黎定係走都好，不妨同佢地傾下計，講下香港既事，或者係自己對香港既睇法(唔一定一開波就講運動, 可以傾下其他野warm up 下先, 見到對方舒服啲先再講, 如果對方唔想再傾都唔緊要, 最重要係表現我地香港人既友善)

不妨加埋以下問候句: (小弟英文唔好, 大家請自己再諗, 如果有英文好既朋友可以寫定啲稿件script比大家去向旅客說明番香港既事就更加好)
Arrival: Welcome to Hong Kong!

Departure: Thanks for coming! Please share what happened in Hong Kong back to your country and friends!

順便同佢地講聲，話阻佢地上機同搞事既人好有可能係警方假扮示威者搞事，解釋番之前啲示威活動既都有過呢種情況

再講多次: 一定唔可以阻旅客上機! 旅客係我地既盟友


以下有另一篇連登文章, 有講BBC 記者對今日阻人上機做法不恰當, 真係要注意
BBC記者：香港機場「和理飛」絕不應變成「停你飛」
https://lihkg.com/thread/1463114/page/1



2.捉鬼:
首先記得, 捉鬼並唔係我地行動既主要目的, 所以捉到鬼唔好咁High, 反而要識利用番鬼去達成我地既主要目的 (五大訴求+國際文宣)

如果發現/捉到鬼, 屌佢/禁固佢其實無乜意思, 我地應該反而係應該諗點樣利用番佢, 幫我地, 比如
1. 睇下會唔會見到佢既行動方針, 再見招拆招 (如果見到懷疑「鬼」)
2. 做文宣, 有合理懷疑所有破壞性行動都係「鬼」做 (e.g. 阻人上機, 自己出手鬼打鬼), 同樣係condom mode
3. 都係做文宣, 向大陸/藍絲朋友宣傳原來大陸公安都好支持香港運動架!
4. 立刻叫傳媒朋友黎影證據(樣+身分證), 影完就當「鬼」係condom 就OK

而今日捉到咁多件公安鬼, 好明顯係故意安排. 前嗰幾次示威都係香港警犬扮鬼多, 今次點解會有咁多咁明顯既大陸鬼? 特別係812 警犬出醜會講明左話會搵人扮示威者之後, 今日就捉到咁多? 成件事似係劇本.

個劇本係咩?
1. 無比人捉到: 負責搞事, 阻人上機, 鬼打鬼 (當一隻鬼揚左, 安排另一隻未揚既鬼玩「鬼打鬼」, 又可以屈示威者係暴徒)
2. 比人捉到: 想我地燥, 搏我地圍屌佢, 甚至行私刑 (你估警犬無諗過隻鬼會揚左? 當然會事前準備好另一份劇本)

而呢啲行為正正就係中共想屈落我地示威者度. 當黑警都要諗辦法去避開鏡頭做衰野既時候, 我地示威者同樣要注意番喺鏡頭前面既表現, 因為傳媒係我地既盟友, 會幫我地影到好多黑警既罪證, 而同時都係會影住我地和平示威者既表現, 比全世界睇到. (而我地做緊既和平示威係光明正大, 根本唔需要避開鏡頭或者阻住記者朋友)

今日見到當鬼被捉到既時候好似交足戲咁, 全部都頭耷耷, 好似好無辜咁, 而大家就喺度圍屌佢, 喺電視見到既畫面就會變成「一班暴徒圍住個受害者行緊私刑咁」(唔好比對家借位做文宣, 大家都知內地傳媒既剪輯功力有幾強)

所以, 我地搵完記者影完證據, 捉鬼既目標都已經達成, 隻鬼對我地黎講已經係condom

當然有機會係有「意見不合既兄弟」會講人「唔可以放人, 乜乜乜咁」, 呢個時候可以同佢講番個捉鬼目標已經達成, 應該放人

但如果佢死都唔放, 甚至想打人, 咁可能係想「鬼打鬼」, 不過都唔好一口就咬定咁佢就係鬼, 但要多加留意佢既舉動 (e.g. 可能會係咁叫人出手, 但自己又唔會打人, 或者大家鼓燥左之後就快速閃人). 通常依呢鬼會喺度大大聲叫, 然後見事成就撒退左 (真正既兄弟係唔會咁架!)

明白咁耐既運動, 我地身邊有好多兄弟姊妹流血受傷, 捉到隻鬼係真係會好想打撚死佢, 但我地都唔可以令之前大家既流血犠牲白白浪費, 只要警犬嗰邊有人因我地既武力而死, 我地一直建立既民意就會逆轉.

對中共黎講, 人命係唔值錢, 佢派一個公安/香港警察出黎俾人打死係覺得無問題, 仲會覺得如果死左公安/香港警察, 令到整場運動民意逆轉, 維持到國家安定, 係好值得既事.

而家中共真係已經無乜招出, 佢做到既就只係想我地自己出醜, 所以我地而家見招拆招, 先堅守和理非, 我地要保護既唔單止係兄弟既生命安全, 亦都唔好俾對家有人死 (佢地自己仆街就無辦法啦)

我地無需要自掘墳墓, 繼續等政府同警犬出醜就夠


3. 未來方向:
「民意」係我地最大既武器, 一定要守住. 同時不得不承認香港只係一個城市, 做到既野可能好有限, 所以個方向係要依賴國際聲音. 黎緊個里程碑係9月美國復會討論香港關係法及人權法案。

當林鄭話緊我地係no stake 既時候, 咁我地咪搵番啲有stake 既外國聲音囉! 咁多國家同香港都有關係/有生意喺香港, 香港有事, 有唔少國家都好關注, 雖然佢地明面上唔敢做太多野同發聲, 但佢地係默默支持緊我地香港!


送多大家一句John Lennon 既quote: (連儂牆之父)
「當抗爭向暴力升級，你便墮入建制的把戲內。當權者會不惜一切地惹怒你，拉扯你的髮鬚，搧你的耳光，引誘你動粗。只要將你迫為暴徒，他們便有方法收拾你。唯一令當權者束手無策的，是非暴力與幽默。」

大家繼續努力! 香港既未來就喺我地手上!

[寫呢篇文章寫左我成差唔多2粒鐘, 感謝你睇哂!!! 希望可以比更多兄弟睇到啦]


最後我見到以下條片幾正, 記錄左811 香港黑警做左咩, 希望大家都可以share下比外國朋友睇下(有中英字幕)
https://www.facebook.com/watch/?v=1291569237687250
https://www.youtube.com/watch?v=GV3MyJtZMsg

Push

我只喺針對文中
當初入機場嘅目的為乜

推

係癱主要經濟，但係係主動同被動既分別
主動唔好被人飛
同政府唔比人飛
係兩回事

天祐香港，再黎過