作為一個公關人, 想比少少意見:
首先要比個讚, 第一次嚟講其實已經做得好好! 以下有啲改善建議, 希望下次可以更好!
內容方面:
1) 以市民為對象
非常同意記者朋友所講, 記者會對像是市民, 目的係透過傳媒向市民傳遞資訊, 因此必須由目標群眾角度去諗, 咩資訊最易入屋 (主要訊息 Key Message), 例如政府同港澳辦記者嘅key message明顯是抺黑示威者, 包括使用”暴亂/ 暴徒/ 邀進暴力分子”等等形容詞, 透過不斷重覆營造”示威者 = 暴力” 嘅形象。由於公眾大都不接受暴力, 所以容易受落, 其中港澳辦發言人叫”港人領憤怒孩子回家 向破壞分子怒吼” 更是直擊淺藍/深藍父母群組。
因此, 下次記者會, 建議在用字方面加強對政府的負面詞語, 例如: 警察已成為無差別暴徒, 警方暴力對待無辜市民, 政府制度暴力, 等等
2) 應對抺黑
現在, 坊間不斷流傳示威會破壞商店, 不少無知市民信以為真, 記者會是一個很好的渠道作出澄清, 必須強調示威者的唯一衝擊目標是政府及警方, 相反, 不少示威者會保護受警方催淚彈攻擊影響的街坊及無辜市民, 營造示威者善良嘅形象, 有助爭取中間派支持。
流程及現場安排
1) 設備及影相位
首先, 必須make sure音響器材正常運作, 可於開始前5-10分鐘作testing。另外, 傳媒需要畫面, 不妨帶備與主要訊息相關的影相道具, 類似遊行的道具/ 警方暴力的圖片等等
2) 新聞稿
未知現場有冇新聞稿比記者, 如果冇, 建議將講嘢內容的文件檔整成QR Code, 比記者朋友現場下載, 主要訊息將更清晰!
最後, 想講好proud of你哋, 香港人加油!