CK2 中字軍之王II (遊戲界Game of Thrones) 大特價 $120 就有齊所有DLC

法律篇:
最重要嘅法律就係繼承法 繼承法分性別同繼承方式兩方面


性別方面有三種
僅有男性, 男性優先, 男女平等

係僅有男性嘅法律下 你嘅女係唔可以做你嘅繼承人
所以如果你好似呢位人兄咁:

咁多個老婆同妾侍竟然生左九個女 一個仔都無 又可以準備game over

如果你係歐洲國家 你都可以更改法律 變為男性優先 如果無男繼承人 女人都可以繼承
但因為以前嘅時代始終都係女性地位低 如果你玩緊女角 其他人會對你有意見值(opinion)嘅penalty. 意見值係好重要嘅遊戲機制 日後再講.

另外如果你玩緊嘅唔係封建體制嘅人物 而係穆斯林或者遊牧國家 咁你連更改性別繼承法嘅機會都冇 就算你有一打女 冇仔嘅話又可以準備game over

參考下歐洲嘅薩利克法
https://zh.wikipedia.org/wiki/薩利克法

薩利克法引起左好多對繼承權力嘅爭議 會引起戰爭 係遊戲入面都一樣 如果你依家生左好多仔女 呢啲仔女經過好多代之後就會變成旁系家族 佢地有機會會出兵打你 特別係當你玩緊女角嘅時候

繼承方式
一般分gavelkind同primogeniture兩種
primogeniture即係長仔繼承全部封地

gavelkind就即係諸仔平分
舉個例子如果你依家嘅人物係矮子丕平
https://zh.wikipedia.org/wiki/矮子丕平
你有兩個王國封號 有兩個仔 咁你死左 國家就會平分
你原本嘅人物控制緊兩個國家 你一死 你玩緊嘅人物就變左查理曼
但呢個時候你就只係控制緊原來嘅一半領土

同樣地係歷史上查理曼原本一個人控制緊一個大帝國 死左之後就一分為三 呢個情況係CK2入面亦會發生 如果管理不善 玩家嘅勢力就會越分越細
https://zh.wikipedia.org/wiki/查理曼#帝国的分裂

以上兩種繼承方式係封建特別係歐洲嘅繼承方式
CK2入面有唔同嘅宗教 文化 政治體制
如果玩緊回教 佛教 道教 同 遊牧民族 你可以指定繼承人

最後要講嘅就係選舉嘅繼承方式 特別係神聖羅馬帝國嘅選舉
神聖羅馬帝國嘅皇帝係選舉選出黎而唔係家族繼承
https://zh.wikipedia.org/wiki/選帝侯


如果你同國內嘅諸侯關係好 佢地對你嘅意見值 (opinion) 高 咁就算你本來係公爵 就算你同原本嘅皇帝唔係同一家族 你都有機會被選為皇帝
如果你做左皇帝之後做嘅野令諸侯好不滿 咁諸侯就唔會支持你嘅人選 當你個仔繼承時就會打回原形 由皇帝變返公爵

係呢到就講到CK2其中最重要嘅遊戲機制 意見值 (opinion)

隻game好正，但無中文有少少卻步，上網又搵唔到繁中漢化

咁正所有dlc?

所有expansion
graphics pack嗰啲唔影響遊戲體驗

驚英文太難 影響遊戲體驗

steamworkshop有漢化 但得簡體
https://steamcommunity.com/workshop/browse/?appid=203770&searchtext=chinese&childpublishedfileid=0&browsesort=textsearch§ion=home

可惜我已經買左大部分dl真心抵

寫得好有心推一推表示支持

利申: 隻game所有DLC都係discount買, 但都可能已經花左差唔多一千HKD EU4 都係

可唔可以講多啲一開頭有咩可以搞
利申：新手

新手咁我最好講解下個介面

呢到係成張地圖
左邊西歐 北非 經中東中亞 到右邊 遼 西夏 印度

所有國家除左神職人員 政體係theocracy 唔可以玩 只要有相關dlc就咩國家都可以玩

左上圓圈有粒星嘅就係你

你最緊要嘅數值 包括 年紀 兵力 國庫 家族 都可以係到揾到

年紀下面有兩個圓圈分別係抱負同生活興趣
抱負係你可以達成嘅目標
生活興趣係你可以揀啲bonus 或者係特別事件
例如 family focus 生仔機會就大啲
seduction 就可以勾人老婆

遊戲其實會俾提示你話知有咩可以做 或者有咩要留意
呢啲就係alert


你每個alert都禁下 佢會話你知

例如有咩臣下你可以合理囚禁佢 (通常係因為你發現左佢有咩陰謀)
又例如依家繼承方式係諸子平分 佢話話你知你依家個人物死左國家會分裂
又例如我依家呢個丑角色咁 係未成年 要揾監護人

監護人係好重要嘅 監護人能力值越高 啲細路教出黎能力就會越高
要留意每個角色都有educational trait 按外交 武力 財政 計謀 智力分五類
每類有四級
五類你只會有一類嘅trait 通常係跟監護人嘅trait
另外監護人有機會改變細路嘅文化同宗教

多謝巴打，啱啱開game佢建議我玩教學先，然後我喺一位Loen既領主，然後就無講下一步要做咩

可惜呢排真係無心機鑽研

原來佢個 tutorial 咁廢

唔似日式遊戲咁有晒箭咀教你點做點做，睇嚟要慢慢查字典咁玩

跟住係法律 hotkey F4

繼承法律 國王嘅權力 臣下嘅責任 議會嘅權力有幾大 都係呢到睇到同更改

科技 F5

冇咩好講 最重要係 legalism cultural tech 最底嗰個
legalism要 lv3 先可以開 primogeniture 長子繼承

軍事 F6

你嘅兵力主要有四種來源
1. 來自你親有領地嘅兵力 from demesne 呢種兵源你要俾upkeep 軍費
2. 你臣下出俾你嘅兵力 佢地對你opinion越高出得越多 呢種兵唔洗俾upkeep

記住封建制度下 啲人係逢打仗先會出現 唔會有常備軍
所以只有當你宣戰之後先可以 raise levies 徵兵

3. retinues 就係常備軍 但你要比少少upkeep 而且有上限 通常佔好少比例
4. mercenary 僱佣兵 有錢就請得 但如果你國庫空左無錢俾 佢地會打返你轉頭

EU4 個教學好好多 有箭咀

記得關死神dlc