親手整禮物比男友，佢話我送埋啲垃圾

初戀個年聖誕
Ex整左一打 cup cake 比我食
問我感唔感動
佢話成世第一次親手整野比男氣食

我一個人要係佢面前食撚曬
除左感動 真係唔知講咩好

我同意
但係送得比你，點都交下戲好
我以前個ex 好鍾意送呢啲，我個人覺得係垃圾，但都唔會講出口

當面話垃圾又唔係幾好既 好傷感情

但講到明唔想要你又送 又難怪佢嬲既

咁真係垃圾 冇講錯

你講交戲，樓主男朋友有交過，佢咪話收咭時好冷淡，都冇即刻話垃圾，而且行街時話嗰啲野係垃圾，有冇諗過其實係暗示。佢冇估到樓主最後都係送呢種禮物?

真係唔鐘意都唔需要咁直接話份禮物係垃圾既
一句垃圾掟埋黎 唔諗人感受 正仆街
肯花心機落你到又叫情緒勒索
識唔識咩叫珍惜

唔係唔欣賞handmade野 係爆炸盒呢樣野本身on9 除左收嗰時開一次就唔會再打開
你整本相薄反而會得閒就揭下

其實你咁講好唔客觀，好多巴都話樓主男朋友唔尊重樓主，亦有絲表示要尊重收禮方意願

佢真係身在福中不知福

只喺唔明 真喺有另一半咁憎睇到一齊嘅合照、同另一半的心底話？？ 佢又唔喺hea整 就話喺垃圾 定本身有乜要求？樓主份禮物表現緊最純粹嘅愛同純真 其實冇其他嘢比得上 當然每個人都好唔同 有啲女人見到包包先認為個男人很愛佢

樓主喺傻 明知人地唔鍾意仲送其實都有無視緊人地感受 諗得唔夠周到

如果大家冇哩方面共識真喺唔送好過送 我覺得禮物嘅價值喺感受到對方真心同真意，亦可以喺紀念形式，真係愛你都唔會唔知你冇頭髮仲送梳，其實我覺得有冇禮物都非必要，係埋一齊先係最重要，但有幾何搵到同自己觀念相近嘅人

一黎 佢唔珍惜人地送既禮物
係垃圾
二黎 你送d人地唔想要既禮物
都係垃圾

搵一個識珍惜你既人
先半年
唔好浪費自己既青春

咁又唔使咁耐掛
週年紀念都唔過分既
不過半年就真喺

阿媽啫 又唔洗太認真又嬲嘅下下期望人地符合自己要求邊有癮 笑下咪算 咁辛苦做乜
起碼佢都喺為你好諗起你 雖然有啲傻
但出發點都算係愛嘅表現

我僭越建議一句，趁而家未完全commit你應該認真考慮分手
睇得出字裡行間你既不滿，心入面非常壓抑，覺得對方點解唔理解，回應你既善意。
作為一個心態性格同你差唔多既過來人，想奉勸你，再咁落去係條不歸路
冇必要繼續“熱臉貼上冷屁股” ；我睇唔出任何跡象表明男方有辜負你一番心意既自覺，以後都唔似會有（唔敢講100%，但八九不離十）
你係一個需要情感支持同反饋既人，而我唔覺佢過去，現在，甚至將來會比到你。
佢越冷漠，你就會越想”做得更好“，去更加關心佢，但下場只會係你無法自拔，佢依然不痛不癢。
我真係唔想咁直接對其他人感情事指手畫腳，但係我更唔想見到你委屈自己喺呢段令你痛苦既關係入面，希望你睇完呢個回應會考慮一下。我都無意去攻擊男方性格，性情敏感與否有太多因素，我只能以局外人身份覺得佢既性格唔啱你。You deserve better.