親手整禮物比男友，佢話我送埋啲垃圾

半年紀念，諗住整個爆炸盒比佢
啫係入面癡滿哂相、機關、寫哂字咁樣
諗住紀錄依半年嚟嘅回憶
買咗好多貼紙、哂齊相、卡紙
佢平日已經話我買埋哂啲‘垃圾’
因為同佢去街個陣咁啱見到啲材料賣
而佢就一直話依啲係’垃圾’

依架同佢依緊飯
佢對自己嘅言語完全無歉意
我同佢講我用咗好多心機整
佢話我送埋啲垃圾完全無撚用

我嬲到食唔落飯
佢由我自己坐埋一邊嬲
佢自己好開心咁食緊成個餐
當無事發生過

利申 平時紀念日都會親手整卡同寫滿字比佢
佢嘅反應都係望兩眼就算
有好幾次係話隔咗成個星期先記得拆嚟睇

我係咪好蠢 仲花時間整埋啲手工野比佢
依個年代仲邊有人會花時間整手工野比人
仲要花心機寫滿哂字
我身邊啲朋友都唔會咁做
我都係變翻做一個港女乜都唔送咪算

半年紀念vs平時紀念日樓主既訂立紀念日係有啲咩準則，一個月定一星期

咪係 但唔係個個識欣賞
講真呢啲野咁花心機時間 整得幾多次
人大咗 時間耐咗整多幾次就唔會整架啦
就算幾唔鍾意都唔好兜口兜面話垃圾呀
話哂都一番心意 連基本尊重都唔識

分手保平安

係，佢唔值得你啲時間

用啲時間心力自製文宣好過

半年都要紀念
實好撚煩
睇樓主講野啲口吻似想滿足自己 自high下only
有時自己做左港女都唔知啦
自我感覺良好

分手唔洗諗

嚟個唔算偷換概念啦，佢爸媽用心機整既蛋黃油，會令佢敏感，而樓主用心機整既爆炸盒冇令男朋友敏感，但佢明顯對其厭惡再惡言相向。一個生理，一個心理，而原因都係送禮者無視收禮人意願同需要。（請留意返樓主係知道佢男朋友唔鍾意喱啲野）

Love Language唔match so9sad揾定下個啦

你完全放錯曬重點
咩叫你自己唔應該花心思嘥時間整禮物
最唔撚應該嘅係
你嘅心思唔應該放喺一舊垃圾身上
麻煩你飛撚左佢搵返啲值得嘅人

下次送個炸彈比佢

其實可能你哋誤會左，大部分覺得樓主有責任唔係因為佢整diy禮物唔實際，而係認為佢明知佢男朋友唔鍾意，重要送喱啲禮物，而且唔止一次。喱種強逼人接受既行為，而對佢男朋友大部分人都覺得唔洗咁直接。

樓主你男朋友真係好唔識做啊，如果我係你我都會嬲啦，因為你花左咁多時間同心機去整，佢唔中意既你就唔好再整依啲野送俾佢啦。

上次我生日我女朋友都整左一個送俾我，打開見到果陣我立即當場喊左，因為見到好多我同佢既美好回憶。

我明白好多女仔都鍾意整手作比男朋友 覺得好有心思 過程中係諗住佢嚟整 覺得好sweet 好有意義 但其實唔係個個男仔都鍾意收呢啲 雖然佢係坦白咗啲 事實又真係垃圾 掉又唔係 仲要搵位放 香港啲屋又唔係大 萬一你年年都整咪大鑊？而且 你都知佢唔鍾意呢啲嘢 你都仲整嘅？兩個人一齊 一係迎合 一係磨合 你唔可以將你鍾意整呢啲嘢 夾硬擺喺你男朋友度㗎嘛

我反而唔覺得需要有所謂“追究責任”，兩邊其實都冇做錯，只係由呢個post我覺得兩位性格上唔多適合而已。
重感情同重實際都係性格黎，請唔好因為樓主同男友/自己緊張既嘢唔同就話係佢/男友責任

妳好，妳要明白，拍拖嘅男女，因為大家都係對方最親戔蜜嘅人，所以都好需要對方嘅認同

妳會好想佢認同妳付出過嘅愛
佢又會好想妳認同佢嘅價值觀

如果因為表面嘅形式不同，而唔承認雙方付出嘅愛，咁長久落去大家都唔會開心

如果想未來相處更甜蜜，可以試試咁做：

---

msg佢，同佢講，妳會努力明白佢以實用為主嘅價值觀，同時同佢講，雖然佢唔鍾意妳嘅付出嘅形式，但始終妳放左好多心機，雖然有分歧，但大家都應該支持大家努力過嘅嘢，不如先承認雙方嘅愛，然後大家再慢慢改善表達嘅形式。如果佢再有意見，可以一次過講埋，妳會用心聽

---

只要佢覺得妳肯聽佢講嘢，咁佢就更易去認同妳嘅付出

咁妳同佢將來就可以更甜蜜

分手啦屌，講起都嬲，ex去旅行問我要乜手信，我話只要一張postcard，佢寄左個空白信封俾我，得個地址係手寫，郵票仲要係print出黎冇款果隻，佢仲話係酒店幫佢寄

圖？

佢啱wor
散咗咪又係變垃圾

做我女朋友一定錫晒你