眾籌登報嘅最新進度！！

家樂牌通心粉 · 2019-06-26T13:00:37+08:00

各位大家好，我地眾籌組想藉住呢個機會同各位交代目前眾籌登報嘅最新進度。首先，非常感謝各個工作組別嘅巴打、絲打捱更抵夜去準備呢個咁大型嘅 Freedom HK campaign，亦好多謝各位連登兄弟踴躍捐款，不斷畀意見我哋。我哋知道大家都好關心琴日眾籌暫停嘅事，由於是次籌集款項數目龐大，可能涉及AML (Anti-Money Laundering) 問題，我哋仲處理緊筆錢嘅法律事宜，有律師會今日繼續跟進，喺處理好之前，眾籌平台都唔會開放住，希望各位明白。而有關平台需要7日先可拎錢嘅問題，由於有貴人肯出手相助，會先墊支所有費用，我哋隨後會將眾籌費用還返畀佢，各位可以放心。登報事宜完成後，我哋會公開支出同收據畀大家，各位呢方面都可以放心。截至現時，我哋計劃於9個不同國家共12份報章刊出 (排名不分先後)： - 美國：華盛頓郵報、紐約時報 - 英國：金融時報 - 德國：Süddeutsche Zeitung - 日本：讀賣新聞、朝日新聞、The Japan Times - 韓國：朝鮮日報 - 澳洲：The Australian - 加拿大：The Globe and Mail - 台灣：蘋果日報 - 比利時：Politico 我哋會繼續同以下報紙聯絡，爭取登報： - 美國：華爾街日報 - 英國：時報、衛報、Metro National、每日郵報 - 法國：Le Monde、Figaro、Le parisien - 愛爾蘭：The Irish Times - 紐西蘭：The Waikato Times, The Press, The Dominion Post 截至6月25日停止籌款時，我哋一共籌得(HKD$6,732,419.03)**，款項會全數用喺已確定會登嘅12份報紙、相關會計、第三方支付平台手續費及律師費上。＊詳細情況可參考: https://docs.google.com/spreadsheets/d/1ixPdJAjO2vzhV2Zlyvr6V6ub3tOOgPum_BISpNcpIuo/htmlview?usp=sharing&sle=true ** HKD$6,732,419.03 為後台實則錄得數字，眾籌網頁(<a href="https://gogetfunding.com/香港被送中誓要成g20話題-眾籌《金融時報》及日德/" data-sr-url="https://r.lihkg.com/link?u=https%3A%2F%2Fgogetfunding.com%2F%E9%A6%99%E6%B8%AF%E8%A2%AB%E9%80%81%E4%B8%AD%E8%AA%93%E8%A6%81%E6%88%90g20%E8%A9%B1%E9%A1%8C-%E7%9C%BE%E7%B1%8C%E3%80%8A%E9%87%91%E8%9E%8D%E6%99%82%E5%A0%B1%E3%80%8B%E5%8F%8A%E6%97%A5%E5%BE%B7%2F&d=IiGjrJghlHNafcU8VpPJkFrVd70leyWA22AisJMYwSs%3D&h=9f804a20" data-auto-link target="_blank">https://gogetfunding.com/香港被送中誓要成g20話題-眾籌《金融時報》及日德/ )上嘅HK$5,484,289唔係最新數字。 Q&A：問：文宣進度係點？答：我哋首要處理好最重要嘅出版資料、排版、設計同校對，全部都有專人處理。由決定到實行，我哋只有非常少時間，其中可能會有沙石或未盡完善嘅地方，請各位體諒。同時，希望各位明白今次登報目的係引起G20各國注意同引起討論，我哋主要出版先行。＊最新資料可參考：( https://docs.google.com/spreadsheets/d/16IXNdIpojVFOttH_Q-4bR9qA31dPUZtNXvhB6HjP6C0/edit#gid=0 ) 問：仲會刊登其他報章嗎？答：要視乎最後budget而定。而今次最重要嘅考慮係引起G20各國注意，如再有新加報章，次序將以讀者人數作先後排序。問：而家仲接受捐款嗎？答：因應金融及法律上嘅考慮，我哋需要避免個別戶口因眾籌而引致進入銀行個別監察(anti money laundaury) 程序。有意支持嘅朋友，暫時可幫忙喺各社交媒體多轉發具認受性嘅外國媒體就今次事件嘅報導。倘若我哋重新開放捐款程序，會再向各位公告。問：點樣得知捐款會獲妥善運用？笞：我哋會喺google document ( https://docs.google.com/spreadsheets/d/1ixPdJAjO2vzhV2Zlyvr6V6ub3tOOgPum_BISpNcpIuo/htmlview?sle=true#gid=563580706 ) 定期發布支出明細。我哋都係義工，是次眾籌急切，有部分義務幫助嘅朋友都唔係喺當地媒體工作，亦唔係長期客戶，問報價時可能未必取得最優惠價格。我哋僅此希望大家諒解。如貴號喺閱覽支出表後，發現你可以幫手索取更優惠價格，煩請告知，相關資料只供今次相關活動使用。多謝。問：如果仲有餘款會點樣處理？答：會全數捐予「反送中受傷被捕者人道支援基金」( https://www.facebook.com/AEPTrust )。問：排版、設計等文宣由邊個決定？答：我哋好多謝各方業內精英作義務協助，設計、排版等均統一跟The New York Times出版嘅設計為基調(Key Visual)，並作出調整(adapatations)，包括翻譯、排版尺寸改良等等。消息公佈及更新：有關登報嘅後續消息，都會以下途徑發放： Telegram Channel: https://t.me/Freedomhkg Facebook: http://fb.me/freedomhkgoffical Twitter: https://twitter.com/FreedomHKG Instagram: https://instagram.com/freedomhkg Website: https://www.freedomhkg.net/ 意見提交：而家所有工作小組都有相關巴打跟緊，我哋如需要徵求更多人手時會向大家招募！各位巴打如果有建議或查詢，歡迎喺樓下留言，相關小組會一直留意。由於時間所限，我哋未必能夠續一回應，請大家見諒，多謝合作。提提大家，領事館靜默遊行後，今晚(26/6) 8點喺中環愛丁堡廣場會有民陣G20集會。假如晚上9點前，律政司鄭若驊唔撤回暴動定性、釋放被捕人士同停止政治檢控，我哋呼籲大家聽日(27/6)朝早10點一齊發夢去中環律政中心並喺G20前大型野餐。兄弟爬山，各自努力。希望大家繼續加油，將香港帶到G20。大家不撤不散。

西門夜說 2019-06-26 21:10:20

推

約定 2019-06-26 21:13:46

威靈頓公爵 2019-06-26 21:17:00

support

WUYAN 2019-06-26 21:18:36

推

多拉B夢 2019-06-26 21:25:53

推感動

穆斯林兄弟 2019-06-26 21:37:20

我覺得tabloids最大威力係炒作, 當有d juicy 嘅新聞, 黑材料 (例如早幾日boris johnson 屋企警察上門發現有條女in distress), 呢個時候tabloid 就好powerful, 可以swing the tide, make or break someone. 只係我覺得香港呢件事上, G20, 傳統大報(左唔左膠都好)嘅讀者會more likely to give thoughts, do something than "most of those" who read tabloids, 你話我stereotype 又好, 純綷我覺得, i could be wrong