客人: 果然見慣散戶,知道佢地心理。我嗰時6蚊沽曬。
我: 我估你之後都無再入過700, 我印象中入行到而家你都無再玩700。
客人: 俾你6蚊沽完, 你都唔會12蚊買返, 何況,30蚊以上。
我: 都係, 但結果就錯過了大升浪。
佢5拆1, 現在假設係180蚊其實等於900蚊, 你有20,000股, 即係$18,000,000。
所以話心魔先係最大敵人。
客人: 我識人太約5,6蚊買左5,000股, 之後提左出黎, 一直無理, 前個排突然喺房搵返出黎先記得自己買過, 你話係唔係傻人有傻福。 之後聽講佢攞d錢買左層樓俾個仔。
我: 佢個仔真幸福。如果選擇到正確股票, 之後提倉都是一個辦法, 因為如果買嗰係隻773,就會變左牆紙。
另外放係銀行收股息要被抽水。 亦有客人只買2800, 388, 買完就提出。其實放5年應該實賺。將來有錢又有小朋友都可能用呢個方法幫佢儲錢。
客:有人話過沽貨時機係佔買賣7成,計我話最重要係沽貨個刻, 入貨係人都識入, 有錢就得。
我: 正解,除左基金, 或自己勁有錢, 仲有提現貨, 唔係跟本食唔盡700嗰升浪。 另外仲有一個技巧係一定要識。
客: 係咩?
我: 止蝕, 不過講就容易, 但做起上黎好難。
客: 聽就成日聽, 亦知道, 但只怕一沽左, 佢就彈, 之後高追番就跌, 左一巴 右一巴。
我: 市場上咁多隻股票, 通常止蝕左, 咪睇其他囉,。嗱, 700係特別例子, 你150以下任何時間入, 只有肯守一年半載就實得。 所以我同朋友或同事都搵緊下一隻700。
客: 咁搵到未?
我: 要天時, 地利, 人和, 政策配合, 年年業績有增長,管理層正常, 暫時未搵到。
客:西亞係d管理層西d, 唔係都唔錯。
嗰市難玩左,我知你地有睇圖, 其實準唔準?
我: 咩6天升穿30天線就入, rsi, Macs, 背馳就要入或出, 嗰d?
客:就係嗰d。
我: 如果嗰d, 你去書店自己睇, 但個人覺得唔太準, 可能係自己學藝未精。
客:你都參透唔到, 咁我仲有咩書可以睇或者班可以上。
我: 其實都仲有d 好介紹。 野食黎, 食左先講。
本故事純屬虛構, 如有類同,實屬巧合