以下內容將分兩大部份：
一. 行動前須知
二. 行動須知
事前聲明，我個夢講既嘢未必啱主流民意，亦唔係大眾諗過要做既方向。但香港人，到底係唔係仲想要重複雨革，重複魚革，重複6/9，重複6/12，重複6/16？我唔想，我真係唔想再見到大家喺到白費氣力，冇錯，係白費氣力。
一. 行動前須知
我諗咁多日積落嚟，我哋冇一個會認同政府有真正改過，建制派議員同官員亦冇真正聽取過民意。但假如所有事情一直重複發生，就算衝，個結果都會同6/9清場、6/12清場一模一樣。
我知道好多人會諗國際可以因而畀到壓力畀香港，但事實上並唔會，甚至有人講希望英國或者美國liberate香港，真係諗多咗，依個世界，唔止香港，都喺國難當頭，邊個會咁得閒理你？就算退一萬步，佢哋肯出聲，又會唔會真係有作用？望下依家中美貿易戰個僵局我諗大家都會知道個答案。
首先，大家一定要明確記住依段短時間內發生既幾件事：
咁樣既政府到依家仲係安然無恙完全係奇蹟嚟。問責制？香港根本從來都冇實踐過，馬時亨、張炳良、黃仁龍、梁振英，基本上硬住頭皮頂硬上做到差唔多任期完滿既人真係數唔晒，反對派同政府既關係基本上可以形容做螞蟻同巨人都不為過。政府官員根本咁多年都係一意孤行，仲要將任何改動都當成對劣民既恩賜咁，然後繼續將錯既講成啱，顛倒是非，指鹿為馬，指黑為白。
入返正題，點解21號要衝？點解唔和理非？
講老實話，和理非可以解決到問題既話邊個會唔想和理非？
事實上係依幾日既和理非每日去到夜晚就會後續無力，一方面係出咗嚟超過12個鐘，甚至超過24個鐘既巴絲體力透支，另一方面係本身就冇任何輪更制，亦冇除咗靜坐同集會之外既計劃。就算full晒真係200萬人包圍政總同立會，班狗都可以繼續喺玻璃窗入面食花生，因為對佢哋唔會造成任何直接威脅，你癱瘓得交通越耐，癱瘓得經濟越耐，反正一定會有班支持政府既人咬返你哋轉頭，甚至自己人超過大半都會頂唔順。再和理非落去，就唔會淨係好似6/16晚咁得返一二千人咁。
「夫戰，勇氣也。一鼓作氣，再而衰，三而竭。」
相信無數人聽過依句，講打仗就係要靠士氣，士兵第一次擊鼓嗰陣士氣最為高漲，第二次就會變弱，第三次就會士氣耗盡。今次一百萬人之後竟然可以再出二百萬人簡直係奇蹟，但都冇人把握機會。學唔少巴打話齋，莫講一個國家七份之二既人口，淨係二百萬人既示威基本上係一定顛翻到政權。都算，大家慣咗和理非，fine，覺得有少少作用，OK。咁唔知大家知唔知上面依句典故仲有後句？
《左傳|曹劌論戰》：「夫戰，勇氣也。一鼓作氣，再而衰，三而竭。彼竭我盈，故克之，夫大國，難測也，懼有伏焉。吾視其轍亂，望其旗靡，故逐之。」
搵埋翻譯畀大家：「作戰，靠的是士氣。第一次擊鼓能夠振作士兵們的士氣。第二次擊鼓士兵們的士氣就開始低落了，第三次擊鼓士兵們的士氣就耗盡了。他們的士氣已經消失而我軍的士氣正旺盛，所以才戰勝了他們。像齊國這樣的大國，他們的情況是難以推測的，怕他們在那裏設有伏兵。後來我看到他們的車輪的痕跡混亂了，望見他們的旗幟倒下了，所以下令追擊他們。」大家覺得似唔似依家我哋同政府既情況？建制派、官員、大量政府高層依家正喺到鬼打鬼，仲唔係我哋將行動升級到最大，真正一鼓作氣既時候？仲要留力、靜坐、扮基督徒唱聖詩？
仲有一樣好重要既嘢，依家係死咗人喇，有人犧牲咗喇，我真係完全估唔到所有人出嚟行完一日就當幫佢報咗仇咁。甚至隔咗一晚已經少咗9成人個腦入面仲記得梁烈士。照我睇法，要政府官員同警察一命填一命都不為過，班狗根本全部都係殺人兇手，應該要全部死刑。我估大家根本都唔係好切身咁感受到件事，試想像下被迫到自殺死嗰個係自己既仔女，或者係情人、父母、最好既朋友、你最尊敬既老師，有冇幻想得出個自己會好嬲好嬲既情景，想唔想像得到自己會希望嗰個迫到佢自殺既人有咩下場？
醒下啦，香港人冇犧牲精神啫，我估唔到就連其他人既犧牲精神都冇人sense得到，如果再唔做任何嘢，或者繼續重複做之前既行動，佢既犧牲根本係白費晒！！！！！！！！！一日再跟人哋既規矩玩，再喺人哋既建制下抗爭，就一日都唔會成功。再講，林鄭政府只係成個副本入面既一隻細BOSS，都打唔贏既話真係可以返屋企瞓覺，唔好再階段性勝利喇，唔好再輸少當贏喇！
出嚟啦香港人，冇犧牲精神，都有獅子山既互助同拚搏既精神掛？
你繼續硬要和理非，我唔會阻你，但請你都唔好阻我哋，好好學下MLK同Malcolm X既互助合作。要保持自己既道德高地就請唔該成為勇武既人既盾牌，而唔係調頭嚟大叫「和平」、「冷靜」。
一出現勇武同大型強制式社會運動，就一定會有人反對。如果你唔夠膽勇武又唔想淨係靠和理非既，唔該你幫幫手派下傳單，share多D圖，令大眾少D反感甚至支持勇武。或者叫下多D人出嚟，每多一個人，係多好多。
下層樓講第二部份。
