唔好掟磚! 唔好掟磚! 唔好掟磚!
我身邊都係上咗一半岸既中產, 佢哋平時唔太care時事, 佔中嗰時雖然佢哋覺得689正苦好賤, 但都唔支持佔領, 阻住佢地搵食呀! 今次反送中佢哋一開始都係唔care, 可能我哋呢一代大部份對個正苦亂咁嚟都已經習以為常, 總之快d搵多d錢移民就算尻數。但係612實在太震撼太離譜, 黑警打到咁真係過哂火, 佢哋都嬲到616出咗嚟遊行, 而家佢哋仲自high緊, 好proud of自己, 覺得好撚偉大好撚型! 見到特首同一哥出嚟道歉暫緩已經覺得救撚咗香港! 佢哋覺得我已經盡咗自己力, 最後爭取唔到D乜嘢都冇辦法, 佢哋只係一時火遮眼先會上街, 本質其實冇變, 唔殺到埋自己身係唔會理。我可以大膽講200萬人入面起碼有一半以上都係呢種諗法!
大家明白咗佢哋既心態, 就講吓掟磚係一件咩事:
1. 對佢哋呢班咁離地又咁有優越感既人嚟講, 掟嚟係多尻餘, 中央係唔俾你就唔俾你, 掟死哂d差佬都冇用, 我哋遊行咪一樣有用! 之前遊行冇用係因為我哋都仲未行出嚟, 我哋呢班行埋出嚟咪有成200萬人囉咪work囉!
2. 魚旦事件班差佬俾人掟爆缸, 佢哋係好反感, 好同情班差佬, 頭破血流既畫面已經入哂腦, 今次一見到有人挖磚砌牆, 佢哋第一個反應就係dllm又掟磚! 嗰時係仲未發生衝突, 佢哋已經認定示威者又攪事, 如果唔係黑警大屠殺, 比掟磚更兇殘, 佢哋根本唔會上街! 但上街唔代表佢哋支持示威者用暴力!
3. 由當年佔中開始, 黑警每次記招都講掟磚, 將掟磚同暴力罪行、大殺傷力武器呢D關鍵詞掛勾, 呢幾年不斷洗市民腦, 已經深入民生, 大眾第一個印象覺得掟磚就係罪!
講咗咁耐, 唔掟磚係咪就乜撚都唔掟呢?
唔係唔掟! 而係要諗有乜可以掟, 作用係防衛、保護自己, 而唔係去傷害人!
千祈咪撚打不還手, 冇嘢掟就走! 不流血! 不能死!
我話你知如果再有衝突, 班差佬一定示弱搏同情, 你哋千祈千祈千祈唔可以狼過佢, 幾憎幾嬲都好, 對住班差佬千祈唔可以失哂理性係咁打, 我話你知:
你只係打嬴一個差佬都會輸撚哂成場戰爭!!
除咗被藍屍追擊, 仲有百幾萬和理非埋怨你哋污蔑咗佢哋既光環--200萬人和平遊行! 全世界同你哋割蓆! 冇人再同情你哋! 風向會逆轉! 被判暴動罪都唔會再有人為你哋申冤! 雨傘同魚旦就係咁! 你哋諗返之鋒同天琦被判刑, 當時有幾多人覺得佢哋係抵死唔值得同情?!
唔好意思第一次喺連登出文就打到咁長, 但字字都出自真心, 希望大家睇完可以認真思考吓, 我只係想同大家一齊嬴到呢場仗! 唔想白白浪費咗一班義士既血汗同烈士既犧牲! 最後好長氣講多句, 唔好心急要即刻就嬴, 只要策略係行得通, 就算要用多一兩個月或更長既時間先爭取到, 我哋最終都會勝利!! be water!!
