90 Like
5 Dislike
今夫櫟
2019-06-25 12:20:08
推
今夫櫟
2019-06-26 07:14:49
推
今夫櫟
2019-06-26 16:08:47
我再一次孤身上路,呢份孤獨感令我感到安心,唔再需要強行融入呢潭污水。
融入去既感覺就好似一滴清水混入一杯髒水,不但不能改變佢地,自己反而會成為佢地既一份子。
要改變髒水既最好既方法就係集眾水之力去淡化髒水,同時要抗拒混入髒水而被同化。
「喂,facebook?」年約30既金毛企係我隔離問。
今夫櫟
2019-06-26 17:35:29
望真d原來係蛇頭黎,就係佢係facebook出post請人去遊行。
佢著住黑色背心,左手紋龍右手紋虎,成身都有浸煙味,一睇就知唔係善男信女。
「係啊。」
「你facebook名係咩?」
「chilok lee」呢個facebook只係我既分身,專門用黎like同埋發表建制同埋藍絲既專頁
今夫櫟
2019-06-26 20:50:21
就算起我底都唔會發覺我係假膠或者黃絲,因為我所有言論都係圍繞住點樣支持政府。
融入佢地之中,亦可以探討除左錢之外有冇其他因素令佢地盲目支持當權者。
「ok,比條手帶你,等陣去到金鐘政總到搵我出糧。」條手帶係藍色,顏色鮮明,包保一認就認到自己友。
「但成大班人搵你出糧會唔會好顯眼?」成班帶住藍手帶既人一擁而上,實比報紙佬影到大做文章。
今夫櫟
2019-06-26 21:19:14
「我做野你放心,小小野都驚點搵大錢?」蛇頭點燃香煙,露出一副不可一世既模樣。
睇黎蛇頭都做慣做熟,甚至一副擺明派錢搵ptgf既囂張模樣。
面對呢d自我中心又不斷自我膨脹既人,最好方法就係起勢咁擦佢鞋,令佢以為一切都盡在掌握之中,慢慢就會放底戒心,最後落錯判斷。
自大最後既結局就係步向自我滅亡。
今夫櫟
2019-06-27 06:09:56
打開電視或者上網,見到建制派轉哂風向對特首明讚暗踩就知道佢得罪過幾多人。
一切既仇恨都係源於各黨派對佢既自大所產生既不滿以及所受既委屈。
對人客客氣氣唔一定會被人記住,但對人串串貢係會比人記成世 只要唔係離地既人都會明白呢樣道理。
可惜我地既特首係個極度離地既人。
今夫櫟
2019-06-27 18:15:54
「我都想跟你搵食,但係又怕比記者影到。你知啦,個個都唔想上鏡比人知搵呢d錢。」大把人又要做雞又要拎貞節牌坊。
「出得黎搵錢就唔好婆婆媽媽,你睇下d阿公阿婆幾擁躍?佢地腦海係冇一個醜字,只有錢字,呢d先叫搵錢。」
「咁多老人家出黎又唔太好睇既,始終都要我地班後生支持下。」蛇頭某程度上都需要後生人,要比政府就住年青人既議題打下飛機。
話哂都投放咁多錢係社福界同教育界。
「總之放心,今日泛民都有人遊行。人地上個星期唔使錢都叫到200萬人出街 你估下今個星星期再多幾多人?」
炸雪糕
2019-06-28 14:47:08
推一下
今夫櫟
2019-06-28 15:54:10
推
多糖維他奶
2019-06-28 19:14:35
細思極恐
今夫櫟
2019-06-28 20:01:31
推
今夫櫟
2019-06-28 20:21:41
「全部泛民既,外國既都去哂影反修例遊行同埋差佬,仲邊有人得捉我地痛腳?黎得既都係大共報,文會報呢d自己友,點會有問題。」蛇頭將煙頭掉係地下踩熄。
「既然都冇人留意,點解仲要哂錢去搞場大龍鳳?」我語帶戲謔。
「關你撚事?又關我撚事?上面做野不嬲都係奇奇怪怪又無厘頭,總之有錢收就得,理得佢咩原因。」蛇頭冷笑一聲,盡情表現出一切政治皆浮雲,唯有金錢最真心。
「但我地都要小心d,盧會沖好似想割席,佢唔支持班細,班細到時放軟手腳就仆街。」講到服從性,差佬仲叻過d警犬。
「邊個叫盧會沖?佢邊班細啊?佢邊撚到架?」蛇頭一臉疑惑咁望住我,似乎真係唔知道邊個叫盧會聰。
對話去到呢個位,開始出現樽頸,實在難以突破,我亦都唔打算去突破。
今夫櫟
2019-06-28 21:21:49
唯有退回樽內,再作打算。
「差佬果d高層,佢唔保住我地,我地實比班示威者屌死。」勇武派出起手上黎,真係唔講得笑。
「小朋友,呢到大把人食住阿公維穩費果條水,大把紀律部隊同江湖人士都有份遊行,我地怕佢有牙?」
蛇頭笑左幾秒之後繼續講。
「我依家過去車9事旦一個示威者一巴都冇事,你信唔信?」蛇頭對住空氣作勢一巴打落去。
「大佬好野!」我信!我真係信!再誇張d既我都信。
今夫櫟
2019-06-29 20:05:49
唔係我太易信人,而係呢個社會真係太荒謬,荒謬到每日都會發生意想不到既事情。
「總次跟我搵食就長做長做,唔使怕!」蛇頭搭住我膊頭,展露出自信既語氣。
講完呢句之後,蛇頭同我道別,往隊伍前方出發,準備向ptgf派發人工。
遊行隊伍行到去太古廣場附近,隔離行車線被長長既人龍佔滿。
根據連登可靠消息,人龍係維園出發左6,7小時,但依家係維園依然人山人海,相反出發冇耐既支持隊伍已經就快行完。
「唔好跳啊!有事慢慢講!」反修例遊行隊伍停左係廣場對出,示威者抬頭望向身穿黃雨衣既中年男士。
我叫佢做義士,勇於為香港前途發聲既義士。
義士係天台掛左幅橫額,上面寫住「反送中,我們不是暴動,釋放學生傷者,林奠下台!」
佢,係想以死相勸。希望犧牲自己喚醒政權既良知。
「千奇唔好跳!唔好咁傻啊!有事慢慢講!」示威者聲淚俱下,係呢一刻全香港既人都唔希望有人因為惡法而犧牲。
香港人中意食花生既性格被政權既殘暴轉化成人性既光輝。
或者,對比起政權既殘暴不仁,人民永遠都係最光輝既一群。
光明永遠都會戰勝黑暗,只要我地捱得過黎明來臨之前,最黑暗既時光。
數名防暴警察手持盾牌為消防車開路,但呢個舉動係多此一舉,因為香港人既機動同團結遠遠比政權想像既高。
消防打開求生床,默默望住義士既動向。
「先生!請你立即落黎! 」警員向義士吆喝。
義士默不作聲,任由雨點灑係佢既雨衣。
「我們不是暴徒!撤回暴動定性! 」義士只係不斷重覆訴求。
香港人同政權冇任何商榷既餘地,訴求擺在眼前,政府只需要回應訴求,其餘一概不談!
「真係傻仔黎,竟然想挑戰政權,一個市民又點會夠政府玩。 」鄉音都講唔正既廢老對住義士指指點點,極其冷血。
人民唔應該懼怕政權,政權應該要懼怕人民,因為主權在民!
「香港人加油!撤回暴動定性!釋放所有學生傷者!」我爬上圍欄大聲呼喊。
「香港人加油!」示威者一呼百應,此刻香港人既團結完全佔據整個香港!
當年我地既上一代為左逃避極權政府而走到香港,今日我地絕對唔能夠將下一代交番比極權政府!
完。
但香港抗爭之路還未完。
延安揸fit人
2019-06-29 20:11:09
心好痛
今夫櫟
2019-06-29 20:39:54
願義士安息
2019抗戰二十年
2019-06-30 19:38:23