為左一千蚊，成班港豬幫建制做PTGF

幾位中年大叔盲目服從政權，相信政府所講既說話，並且以自己既認知去推斷示威者學生全部都係暴動。

「有片有真相，我呢到就有條片。」我播左條畜龍小隊圍毆示威者既片段比佢地睇，跟手播埋差佬爆示威者頭果條片。

幾位阿叔睇完之後都冇出聲，你眼望我眼，嘴郁郁又好似想反駁我。

「喂，班示威者安份守己咪冇事。如果佢地遊完行就散既，我唔信差佬會打佢地!」胖子大叔激動到走哂音。

「冇錯!呢班暴徒擺明係迫差佬出手，唔通差佬比人挑釁都唔可以還手咩?磚頭黎架，掉死人架。」排骨大叔作勢做出掉磚頭既動作。

比哂證據佢地睇都能夠為差佬既暴力行為作出辯護，責怪手無寸鐵既示威者，睇黎呢班阿叔真係為屌而屌。

魯迅講得好岩，我地永遠都唔會叫得醒一班扮瞓既人。

魯迅?魯平佢地就識。

「喂，咪住先。你究竟係唔係黃屍黎，講咁多野幫佢地搵藉口?」胖子阿叔用力推開我。

「係喎，你唔好以為拎住把扇就係愛國愛黨愛香港既良民喎!屌你!」排骨指住我黎屌。

「冷靜!大家都係以事論事!」呢句只係緩兵之計，呢班阿叔根本就係單細胞無思考生物，講多都無用。

我加快腳步避開佢地，同時又要避免吸引其他遊行人士既注意，終究都唔能夠跑走。

係可見既位置，我見到幾個藍衫差佬企係十字路口到站崗，露出一副極為厭世既模樣，好似烈日當空下被老師罰企既小學生。

差佬都唔係咩好人，但係我作為納稅人，有份出糧比佢地就可以叫佢地做野。

呢班大叔睇怕稅都冇交過，廣東話又講唔正，作為香港人既差佬點都會幫番自己人掛。

「阿sir救命!我懷疑呢幾條友想傷害我。」我企係阿sir旁邊。

沙展望左我一眼，又將目光投放係幾個阿叔身上。

「冷靜d。」沙展雙手交疊胸前，除左隻眼同把口之外就冇動作。

「我唔冷靜就一早打死佢!」胖子大叔聲大大，作勢想打我。

「係咪玩野啊?要唔要拉你番臭格坐48!」沙展用手掌擋住來勢洶洶既幾位阿叔。

聽到臭格兩個字，阿叔稍為收斂，但眼神同把聲依然凌厲，甚有走住黎屌既味道。

如果我老豆係d咁既盲毛，我會同佢斷絕父子關係再經濟封鎖佢。

因為呢種人不單止對香港社會無益，而且係有害。當我地唔可以好好教化佢地，就唯有迫佢地自我反省，而驅使佢地自我反省既方法就只有令佢地既生活面對危機。

阿叔生活係社區而唔係社會，前者係強調實際利益而後者係重視普世價值，所以區議會同立法會既作用可以咁樣區分。

推

再推

總之唔需要對呢班愛國愛黨既阿叔講普世價值同人權，佢地關心既權利就係好似豬場既豬所關心既，有得住有得食就ok。

阿叔心目中既民主就係我們是民，政府是主，我地永遠都鬥唔過政權，與其反抗倒不如聽聽話話。

「阿sir,我地係愛國愛黨既良好市民，呢個黃屍廢青扮哂遊行人士係到搞事，你快d拉佢。」排骨指罵我，面露青筋，睇黎就快爆血管。

沙展同幾個新仔企係中間隔住我地，以防大家再生衝突。

「佢地郁我喎!係咪參加愛國遊行就唔使拉先?」我對住阿叔舉中指，阿叔又對我屌老母。

「阿sir做野唔使你地教!你地要搞事既我就拉哂你地番去告你地公眾地方行為不檢，到時上庭煩足你一兩年，你係咪要玩?」沙展手指指掃視我地。

「幾位阿叔走先，你留底。」沙展串串貢同我講。

「點解比佢地走先?明明係佢地郁手打我!」

「身份證!我地依家要搜你袋!」沙展大聲呼喝，完全冇答過我問題。

大家經歷過這兩星期的抗爭運動都辛苦了! 雖然「五大訴求」(包括埋「林鄭下台」)仍然未達到，但希望大家趁呢兩日先好好地休息，之後重新裝備再齊齊繼續抗爭吧~

不過，有啲事就真係比較急嘅，就係 - 距離今屆新選民登記嘅截止日期仲剩番10日咋!!!

如果你自己、兄弟姐妹、同事朋友等等仲未登記嘅，請好好把握今次嘅機會立即登記，以便喺今年24/11嘅區議會選舉 同 出年立法會選舉，將一個一個賣港又冇立場嘅親共政棍跟尾狗狠狠地踢出議會，將議會嘅否決權還番俾人民吧!!!
(可惜嘅係，已登記選民嘅更改資料期限已經喺2/6結束了，但大家仍需要覆查自己嘅選民資料有冇俾人更改／刪除咗，尤其係最近換咗新身分證嘅朋友)

有關選民登記嘅資料如下：

《地方選區選民》
https://www.reo.gov.hk/pdf/form/REO-1(C).pdf
《功能界別選民及／或選舉委員會界別分組選民》
https://www.reo.gov.hk/pdf/form/REO-41(C).pdf
網上更新電郵地址 - https://www.ospprdtwdc.reo.gov.hk/osp/ra008/mainEM.jsp…
選民資料網上查閱系統 - https://www2.voterinfo.gov.hk/bd_reovi/OVIES/jsp/web/

此外，資料組嘅朋友可以好好地利用呢段時間，儲齊呢段時間來班建制狗所做嘅「好人好事」並作出整理，成為「彈藥」以供文宣組嘅朋友製作長輩圖及其他文案等，對一眾被利用嘅中年／老人家作出「反洗腦」宣傳，辛苦大家了！

＊＊＊ 齊心登記，一齊投票，用選票拆散保皇狗 ＊＊＊

已登記

推

「你憑咩!?」雖然我行得正企得正，但係咁樣大細超，放過藍屍廢中，我就唔滿意。

「憑我係香港警察，憑我有權，憑我合理懷疑你意圖攜同危險物品係遊行期間引起公眾恐慌，得唔撚得?」沙展同幾個新仔圍住我。

「你點撚樣合理懷疑我啊?你根據咩客觀標準!」差佬做野根本冇客觀標準，中意逗你就逗你。

「先生麻煩你合作，如果唔係我就告你阻差辦公。」沙展準備拎出手扣，我開始驚驚地。

差佬老屈起上黎真係可以做死我，係佢地身上好難搵到良心兩個字。

「沙展，你到呢一刻依然未能向助查市民提出係根據咩既客觀守則去搜袋，我都合理懷疑到底你係唔係有客觀準則去檢查先生既袋。」

我轉身望去後面，原來係立法會議員AY!

「阿sir做野又關唔關你事啊?同我企埋一邊。」沙展狗眼看人底，只知邊個係譚尿忠，老鼠芬，亡國兄。

新仔係沙展耳邊講左幾字句野，沙展面色一沉又突然充滿笑容。

「請問係唔係楊.....楊大狀?」沙展口震震。

「我係立法會議員AY，我要見你地既主管。」

對住立法會議員或者律師，差佬就好差死狗一樣，剛才既銳氣消失無蹤。

「阿楊議員，我係負責呢個區域，有咩事同我講就得。」沙展強顏歡笑。

唔講由至可，一講我就發覺行左咁耐先第一次遇到差佬，以幾千人遊行黎講，呢個警方分佈未免過於薄弱。

「沙展，如果你唔熟悉警務條例既，我建議你可以請教上司或者上網查下咩叫合理懷疑，以咩準則去搜查市民。」

「如果你要搜查呢位先生既袋，麻煩你先向我地解釋點解要放走果先幾位中年大叔。」

沙展唔出聲，塊面黑黑地。

推

推

「你諗清楚先好講，我心口既攝錄機將你既一舉一動都直播緊上facebook!」AY呢招真係夠哂絕，令到差佬處於尷尬境地。

可惜鏡頭要配埋議員再加上警員編號先能夠起到制衡作用，就好似化學作用缺一不可。

「楊大狀，你地可以走。」

「好既。」AY拉住我行埋一邊。

「先生，我唔知你咩原因會出現係建制派既隊伍，我相信你有自己既原因。如果有需要可以call我，反修例遊行果邊有野做，我走先。」AY比左張卡片我，呢次係我第一次同泛民議員有咁親密接觸。

「多謝你。」望住佢既背影，我終於明白點解佢值成十萬票，而柒婆又點解只值777票。

係舊公司，我主要負責採訪建制區議員既政績，有d仲要無中生有幫佢地作出黎，諗番起真係打哂冷震。

我明白差佬做咁多野都係想耍走我，減少自己既工作量輕輕鬆鬆過一日。當佢地搜我身既時候，其實只係為左娛樂同出氣。

差佬已經唔係一份具使命感既工作，依家淪落到好似保安，定期巡邏，但有咩都唔關佢地事，有咩都唔上身。

推

推