為左一千蚊，成班港豬幫建制做PTGF

今日記得出街!
我地唔撚收錢既!

望住陳永信既背影，我覺得好恐怖，佢就好似得背面，永遠都唔會見到佢真正既一面。

陳永信，我唔會再叫佢做阿信。

對於唔識或者討厭既人，我一概以全名稱呼。我識既阿信係畢業後已經死左。

另一邊廂，遊行隊伍開始出發，雖然建制派重金禮聘，但現場所見人數不足1萬。

對於建制派呢種規模既集會，我反而感到不安，因為今日同時係泛民號召既百萬人集會，建制分分鐘派人入去搞破壞。

要令自己贏既其中一個方法就係要令對方輸，或者減低取勝機會，正正係政權一直做緊手段。

分化，內訌都係其中兩種減低取勝機會既因素。

遊行其間，一群有組織既學生駐守各個街站，向我地派發水同毛巾，仔細望望街站既旗幟，寫住「學生和平聯盟」。

推

建制派請發起支持集會，睇死一千個都冇

一個我從來聽都未聽過既組織。

我埋去街站，有位學生妹比左張傳單我，上面寫住修例保民生，引渡逃犯刻不容緩，估唔到天使既笑容背後係魔鬼既靈魂。

用魔鬼黎形容佢地並唔過份，佢地既行徑確實帶黎意想不到破壞力。

無論呢班學生係誤入歧途定係主動同魔鬼簽訂契約，作為成年人都有責任拉佢地一把。

佢地係香港既未來，絕對唔可以比佢地帶動更多人走上一條不歸路，世界既民主進程不斷進步，但香港就不斷退步。

「先生，請支持修訂逃犯條例!」女學生滿臉笑容，將政治當成商品一樣。佢就好似推銷日本森田藥莊既面膜。

有咩值得笑?香港處於生死存亡之秋，到底有咩值得笑?

「逃犯條例係咩黎?我見好多人都話要修例。」我扮作無知，刻意試探呢班學生既底蘊。

「無錯，現時網上聯署數量多達九十萬人!」另一位街站成員幫口。

「香港有七百幾萬人，但得九十萬支持修例，姐係有六百幾萬人反對喎!」

推

推

呢個時候最適合用極權政府既思維去質問番佢地既爪牙。

「我地聯署去到九月先完結，相信數字會不斷上升。」

「你又知會不斷上升?莫非你地可以控制簽名數目?」

「先生，我地會篩選可疑簽名，絕對唔存在做假數，你上網簽一次就知。」學生哥拎住部ipad比我，示意我登記個人資料簽名支持。

網站只需填寫三樣資料，分別係姓名，身份證頭4位數同埋驗證碼，至於電話係選填。

我胡亂填上資料，按下提交，最後網頁顯示已完成聯署。

「先生，多謝你為香港出一分力!撥亂反正!」年青人眼神流露出感恩既目光。

「我阿婆都好想聯署支持，但佢眼又矇耳又聾，電腦都唔識用，我可唔可以幫佢簽?」其實我阿婆死左好幾年。

年青人叫我等一等佢，然後轉身請示另一位較年長既成員。

成個聯署都係一個騙局，不過做戲都要做全套，正如立法會班舉手機器換邊個上去都係一樣，不過都要經過選舉。

反正都係收政權錢，不用分得那麽細啦。

「先生，請問你有冇婆婆既個人資料?」

「有既，佢既文件不嬲都係我負責。」阿婆由死果刻去到搵骨灰龕位既文件全部都係我簽。

「雖然我地鼓勵由當事人親身上網聯署，以確保聯署既真確性，但係婆樓如果唔識簽，而佢自己又願意由家人去代簽係冇問題既。」年青人重覆剛才步驟。

輸入完成，頁面上既聯署數字上升一個。

好明顯系統係唔識篩選錯誤既資料，除非聯署既人輸入既資料係錯到離哂譜。

而且就算係輸入錯誤既資料，網站管理員可以照樣計數，根本冇人會知佢地有冇篩選，成盤數都係一個局。

再望望今日既遊行人數，莫講話90萬，就連9000都未必有，好難令人相信聯署既真確性。

莫非全部簽名既都係行動不便既老人家，所以出唔到黎遊行?

「你地讀緊大學?」

「我地既成員主要由大學生組成，應有各間學校既中學生，一同為香港出一份力。」

對於我黎講，大學生只有兩種，第一種係關心社會熱衷政治，另一種係政治冷感，留條後路比自己考公務員。

今日我終於見識到第三種人，原來係短短時間政權已經進入校園，以青年影響青年，除左年少無知，我相信更多既係利益關係。

「將來想做邊行?會唔會考慮從政?」

「一切都有可能，最緊要係服務到香港市民。」青年人理直氣壯，挺起胸膛，唔講仲以為係泛民拉票。

推

推

「想服務市民既，做清潔都得啦，使咩讀咁多書?」我以微笑掩蓋心中既憤怒，以免年青人對我生疑。

年青人尷尬一笑，旁邊既同伴企埋係到，唔知點幫口。

呢個時候，一把熟悉既聲音係我後面傳過黎，我回頭一望，陳永信施施然行過黎。

「阿樂!又見到你啦!」陳永信拍左下我膊頭。

「陳生!」幾位年青人同陳永信打招呼，佢亦一一稱呼佢地既名，睇黎呢班人係一伙。

「先生，呢位係我地學生和平聯盟既榮譽主席，如果你想了解組織既活動，最岩就係問佢。」

「冇錯啊!陳生出心出力，為年青人謀福址，好彩有佢幫忙，一眾學生對祖國有更深入了解。」

呢班年青人刷鞋真係不遺餘力，如果佢地用呢個態度去批評政府，去抗爭，我諗香港早就有得救。

冇他既，因為支持當權者既利益比反對者大，而風險又比反抗者細，本少利大既情況下，好多香港人都會選擇利益既一方。

「阿樂，唔好咁傻啦。依家邊間傳媒冇收中資錢，睇下多定少姐。」我交信果刻，老總用一切方法想留住我。

撇除老總收中資錢，其實佢對班細真係唔話得，至少做到有限度自由，係重要既時候先比上頭迫我地要歸隊。

「傳媒作為社會既第四權就係要保持中立，監察政府，唔係為左錢而埋沒良心!老總，你都係我師兄黎，你仲記唔記得Dr.Chan教我地做傳媒應有既道德。」

「所以佢咪成世屈係學校到教書!因為佢呢套根本就唔Work!講就大大聲，做就收哂皮!」老總一拳打落張枱到，我相信佢都充滿怨氣。

「我唔信冇左中資資金就做唔到新聞!」

「好多人都會睇新聞但冇咩人願意比錢睇新聞。傳媒呢一行根本搵唔到錢，如果冇紅色資金，我地一早執左!生存同生活之間，有時候就要作出取捨。」老總點燃香煙，每當佢有野諗唔通既時候，佢就會食煙。

為左做新聞，我可以生存而唔係生活。

但對我黎講，做一單好新聞就係應有既生活態度。

我已經將新聞視為我生活既一部份。