Hi 巴打
我副眼鏡框係戴咗 7 年嘅 ic Berlin 半框,鏡片係 3 年前喺 88 配嘅 Hoya 雙非球面鏡 (已經唔記得屈光度),配完一戴就覺得唔妥,先係車工唔得,條坑近耳仔位置食唔正個框所以會格格聲,最大問題係睇遠嘢唔清楚兼有條輕微花痕,拎返去 88 問佢哋話睇遠嘢唔清可能係我唔慣 + 疲勞所致 (我返通宵);花痕方面因為我拎鏡時冇 check 清楚所以佢哋唔認數
反正就係咁樣屈就戴咗 3 年,而家對鏡片花哂兼有輕微甩 coating,左邊鏡片亦唔知係咪車工唔好,啪下啪下啪爆咗一忽 (而且愈嚟愈大忽,基本上冇咗一隻角);而我本人由 7 年前買呢副框到而家肥咗成 20kg,塊面都大咗勁多,加上有時太攰未除鏡就瞓所以成副框基本上變哂型
所以諗住重新配過副框同鏡,想要返都係 ic Berlin 呢類超輕不鏽鋼無螺絲設計但又想要全框修飾下塊肥面;鏡想要輕薄而且靚 coating 嘅,巴打有冇心水推介?
個個人都話我唔戴眼鏡個樣好睇好多,但我真係唔敢做 lasik/ smile,所以想趁今次嚟個新開始