[獨遊][鐵膠?]令和元年迫爆JR之旅

少年你太天真

内船駅，是動漫畫作品「ゆるキャン△」的主要舞台
對山梨縣比較少人去的地方有唔少的推廣作用，尤其本栖湖

題外話，我去年去過兩次本栖湖 ，一次依靠公共交通工具


因為個湖有一半屬於身延町，所以容我借機會講下佢

首先一定要講本栖湖的位置和交通

河口湖的話是有路線巴士到「本栖湖」，但下車地點為上圖的觀光協會為止，到能夠看富士山的地方要行好耐路先到

但是眼利之下發現原來果到隱藏一條巴士線
一日只有一班。終點為身延線上的下部溫泉
而這個路線，在富士急行巴士的各觀光資訊皆沒有提及，最多會叫你行路過去，似乎是因為一些原因刻意隱瞞

但怎麼都好，我來到了

呢到遊客真係希少(比起河口湖一街都係人)，但露營場好爆
至於一千YEN紙個觀景點係響上山，要行半個到
兩次都因天色唔夠好而決定無上到去

露營場所屬的浩庵莊



第二次來，朋友自駕，不過天色都係一般般，等D雲走等左好耐

還有人在玩航拍機

跟住會講埋富士宮

身延線，富士宮駅

本來想落車行多次，不過令和第一日的天氣實在有點兒那個
今年年頭去左，正值年末年始期，都係好多好多人


富士宮擁有全日本最接近富士山的AEON MALL，同擁有最接近富士山的OUTLET的御殿場可謂富士山地區的左右門神
兩處皆有能登上富士山的巴士

富士宮地區名物：炒麵

等左個幾鐘先有位坐，但係不失所望，最勁係炒麵食落去完全無油
似係有鑽研過點樣炒，我諗香港唔會有人走去研究點樣炒麵炒到好食


富士宮近年新的景點：靜岡縣富士山世界遺產中心 (2017年底開館)
單是欣賞其建築設計已經值回票價 (也只是300YEN)
關於世界遺產的事情唔呢到講，因為一匹布咁長
但肯定的是富士宮市近年推動觀光的力度也變得十分強悍
也開始sell「從0開始登上富士山」的路線


在中心天台可以看到大大的富士山正面
呢個係冬天夕陽的紅富士


另一個重要景點，富士山本宮淺間大社，就在世遺中心隔離
環境優美，也能看到富士山，雖然角度有小小微妙

社內有個湧玉之池，個人覺得完勝那個人多到要死的忍○八海

關於身延線的離題就去到呢度先

兩個幾鐘到終點静岡，感覺好漫長
呢個特急最方便地方係會在富士駅掉頭返東海道本線，而唔需要轉車

嚟緊都想去身延個邊 想問內船個頭見唔見行李寄存

富士宮有，估計係近年先多左
https://locker1.exblog.jp/24878160/
内船駅已經算太鄉下已經見唔到有......

Thx 唯有到時汁生

到静岡駅行一轉就繼續上路，好多人

Kodama行N700Ａ，雖然站站停都可以去到東海道新幹線最高速度285km/h

在豊橋落車，已經返到愛知縣範圍

跟住走去坐在來線，毫無速度感，無pass真係坐名鐵算

岡崎，跟住遊下愛知環狀鐵道

專用的0號用台，位於JR改札內
岡崎 - 新豊田間是國鐵以及民營化後JR東海，一年後全線開業後第三sector化左
因為TOYOTA本社就是位於豊田市，所以係一條吸血路線

今年2019年先導入IC卡(跟JR東海的TOICA範圍)
入了JR閘要係度拍多次確認先視為愛環岡崎理由，否則會視為終點高蔵寺經由
高蔵寺因為是有直通運轉所以無呢舊野
呢舊野響首都圈比較偏遠的地方會比較多，因為好多車站都共用駅舍(唔imply有直通運轉)，整多個閘好dump$$

中途9影下

終點高蔵寺，愛環線完乘

跟住意外地坐到JR中央線快速回程
在鶴舞駅落車行返去大須 (縮水唔想一個站都要俾200搭地鐵)

返到去都9點幾
名古屋最後的晚餐都係在大須完成，證明我好鐘意呢個地方

因為都夜好多地方都閂門，只好求其D
原來呢間野響名古屋都幾有名，我都係誤打誤撞
結果1000YEN埋單

訓醒之後就要跟名古屋暫別了

名古屋本身雖然就無咩大景點，但勝在搵食係無得輸
作為落腳點係完全無問題

尤其是大須商店街，感謝你給我三晚溫飽


呢日都比較亂寫返個乘車紀錄出來，有8個鐘在車上度過

Day 1正式完結
接下來向大阪進發

特別快速點會冇速度感
我上次坐都開到過百

身延線，富士宮駅

本來想落車行多次，不過令和第一日的天氣實在有點兒那個

呢張相喺邊度影?

可能坐得兩個站 同埋好眼訓

去到富士宮一定會搵到

以為kodama全部用舊車

基本上全部16輛編成既都有機會用到，無論係JR東海定JR西既車

對唔住因為呢排心情太差所以依家先繼續

因為香港？

Day 2 令和元年5月2日

bye bye 名古屋，今日往大阪進發

在名古屋駅快速食完藍藍路就起行了

首先係快速みえ キハ75形気動車
有一卡係指定席，GW都坐爆晒，我係唔應該咁衰仔同日本人爭既
快速みえ中間會取道伊勢鐵道，揸全國PASS係需要補小小錢

去到仮名只有一劃的車站：「津」
順帶一提，以前曾經把英文表記改成「z」而呃到健力士世界紀錄，但一年後就被除名了


伊勢地方的路線為JR和近鐵有競合關係
JR的話沒有快速みえ係完全會俾近鐵砌低

有小小時間影下イセIII形気動車

在「津」逗留了三個字踏上南紀之路

唔知點解，好鍾意睇jr green pass遊記

基本上一坐Green Car就好容易訓着
在南紀訓左陣，醒來已經在尾鷲


見到海邊，進入和歌山縣

到了紀伊勝浦，無咩時間影相
車站locker爆晒，好彩巴士站入面有而且仲平D tim
拿拿臨上左巴士迎接本日唯一行程：熊野那智大社

在大門坂下車，大家都可以選擇繼續搭上去既
我就選擇行下路吸收下新鮮空氣
基本上沿途都聽唔到外語

夫妻杉，樹齡約800年

初級郊遊路線，但石級許多，宜輕裝上陣

不久就到那智山參拜道，都幾多汗下

其中一個啦

我都係今日剛到日本

本來諗住月尾終於有得輕鬆下
點知

加油啦

而家仲plan緊行程
深係買左頭兩晚酒店

黃金周少不免的：排隊

拜完就閃lu

遠處已經望到日本三大名瀑之一：那智大滝
為世界遺產「紀伊山地の霊場と参詣道」的構成資產之一



btw另外兩大是日光的華厳の滝同埋應該係最少人去過的袋田の滝
華厳の滝好多人去過，唔多介紹
袋田の滝最正係冬天結冰，希望有機會去埋佢

閃人，好彩有臨時巴士打救，而且直達返紀伊勝浦
一路搭一個望住d自駕人士依家先爬上山就有d忍唔到笑

本來就浸下溫泉搭18:02班車走人，但落到去趕到15:28班車
結果我都係歸心似箭，最後成個行程都無浸到溫泉

走lu，真係去大阪喇

289系的津波對策

今日又坐成3個幾4個鐘

つづく，到左無口賤蓄領域！

G20真係慘過黃金週呀 sosad

祝賀樓主個post復活