27/4 甲
大阪道頓崛朝日啤酒廣告燈箱
係Big Cam買完上網卡就去搵早餐食，已經十一點幾。前一晚都無咩落肚，早餐想食飽少少，入咗間迴轉壽司店－元祿壽司。食物都係正常水準，係擠滿旅客既大阪，好處係真係唔多人早餐食迴轉壽司。
食飽下一站就行去買鏡頭。
原本打算先玩一轉大阪再向第二個目的地出發，不過出發前發生咗啲事，兩晚後就離開煩囂大城市，想自己靜下。所以買鏡頭變成大阪主要行程。
大阪頭街 01
玩菲林相機既巴打都應該聽過日本係最豐富二手市場，過去撞正經濟起飛、技術爆發，相機生產量大，內銷亦大，自然流入二手市場數目亦非常龐大。
大阪頭街 02
大部份商鋪都有價講同主動幫你扣埋稅，當然尊重同有禮貌少少。一般價錢大約香港七成左右，當然有更平有更貴，但共通點係保養得宜，日本二手機最大優點。偶有聽聞香港有唔少文青鋪收埋好多日本爛銅爛鐵自己組裝賣貴幾倍
大阪頭街 03
雖然行咗有七、八間二手相機鋪，但我目標只係一隻大底鏡。如果大家玩緊120、郵票仔
，相信可以安排一整日二手相機鋪旅程，建議買張
大阪周遊卡（大阪周遊パス/Osaka Amazing Pass） ，任坐地鐵、巴士。
大阪頭街 04
最後係一間樓上鋪搵到一粒210mm 5.6 Fujinon鏡頭，還價扣稅後約二萬二Yen。老闆幫我搞扣稅既時候旁邊有個可愛日本妹影緊證件相。不過唔偷拍啦，尊重！尊重！
大阪頭街 05
浪花商會 Naniwa Shokai Co Ltd
1 Chome-4-29 Shinsaibashisuji, Chuo Ward, Osaka, 542-0085日本
二手機鏡都買得多，但有完整一個盒，仲有舊價錢牌寫住八萬Yen真係第一次
