《即影即有遊記》 在日本小城市迎接新年號 － 令和

27/4 丁

酒店石象

食飽就返去試新鏡，帶住一袋二袋落去河邊整理。當你擺低部牛龜咁大既相機，啲人就會覺得前面係打卡靚景，同你向住同一個方向影相。



事實係大部份時間都係部機重到仆街放低休息下，如果有一日Lomo出粒長焦鏡，訓45真係可以封塵，玩返泛焦玩具

道頓堀

有風琴箱，先試焦距，再試移軸。可惜既係今晚試機幾張相，幾乎係整個旅程係僅有幾張成功既相片，原本想相既竹田城比預計中更遠，相信要用上300mm鏡頭 容後再講

總括粒鏡夠利，狀態好，抵買

28/4 甲

神戶港塔

神戶唔係主要行程，不過經過順便停咗半日。撞正假日，周圍都非常多人，行入南京町好似去咗中國旅行咁。



即刻轉去港口，好空曠既地方，聚集既人就更多



係神戶識咗個法國人，佢話自己以前係攝影師，之後嚟日本風月堂整餅。本身好熱情，一擺Pose就扮Cool

法國人


風月堂掛布

神戶停留最耐反而係剛剛係SOGO舉行既姆明阿美展，真係好愛阿美



估唔到係日本咁受歡迎，行一陣商品已被搶購一大半



無食神戶牛，但試咗間唔錯既烏冬－讚也 San-Ya
https://tabelog.com/tw/hyogo/A2801/A280102/28006907/



食飽坐幾個站去姬路Check-in。今晚住既係Cabin Inn系列既膠囊，通常見到佢地品牌既膠囊就二話不說訂住，每次都好滿意。



獨立溫度調節、電視、大燈讀書燈、儲物櫃等等。每日有新毛巾同睡衣褲。



下一層有休息室，另開放訪客租用休息。特定日子有免費生啤供應







訓之前行十分鐘路去姬路城影相，然後曝曝下光成個城熜咗燈 影夜景早少少八九點去

姬路車站

29/4 甲

明石城（上），Hotel Setre Kobe Maiko（左），明石海峽大橋（右）

明石海峽大橋係世界上跨距最大既橋樑同吊橋，總長近四公里。座落係舞子公園旁，可以係舞子站行過去。

明石海峽大橋展覽台

買飛可以上橋內展覽台，裡面有餐廳、紀念品部，仲有個Live Cam比你扭來扭去。



落返嚟係舞子公園，有個孫文紀念館，帶上面張飛入場有折。公園另一邊係一個細沙灘，好多本地人燒烤，旁邊有間搞婚禮既酒店，呢到咁多靚景難怪難怪



大概兩個鐘內可以睇哂呢邊主要景點。



係海邊見到雙父母係到釣魚，佢地既小朋友就係到推車仔

29/4 乙 ｜御朱印

平成－令和 跨年御朱印

姬路站到舞子站途中要經過明石站轉車，轉車見到明石幾熱鬧，睇過大概行一個鐘，決定行過去。沿海行應該幾舒服



途中見到路牌寫住「舞子六神社」，呢到講樣野叫「御朱印」。一般係日本神社參拜完會有個參拜證明，香港其實都有類似既野。神社或者寺院會向你收取每個300－500Yen，然後係你本「朱印帖」上面寫上神社名字、參拜日期同蓋印，有部份或者只蓋印。



在宗教而言，「御朱印」有極其神聖意義，即使只為欣賞其字體或純收集，亦要尊重社務人員同朱印帖。如果無帶朱印帖，佢亦會用指定紙張寫一張比你，但千祈唔好是但比張A4紙或者宣傳單張比佢寫。另外寫緊字唔好影人相



我個本兩年前係靖國神社150週年買，希望郭紹傑唔好燒我本簿 遇過好多唔同風格社務人員，有明宮既後生女，有趕收工既中坑，有字體唔太靚但一寫寫三個收咗一千Yen，仲有個唔小心掉咗我本簿落地下塊面青到不得了係咁道歉 而每個御朱印更加可以講大半日

第一張相剛好跨過平成、令和。下面為新年號紀念御朱印介紹。

https://www.letsgojp.com/archives/376933/

29/4 丙

實戰空手 勇武館總本部

上面間勇武館總本部有班大隻佬係到舉緊野 然後旁邊有座破碎建築，唔知係咪比佢地打碎



玩咗一朝肚仔餓，剛好見到間迴轉壽司，見到可以收信用卡二話不說就入去。呢到講返少少，因為今次旅行有少少突發，我只係帶咗四萬幾Yen去兩星期，有得簽卡就簽卡



食物都係正常水平，最特別係佢有個「壽司碟回收機」，每食五隻碟，就抽一次獎，獎品扭蛋內為擦膠一粒。最後食咗15碟咩都抽唔到。

https://www.youtube.com/watch?v=x4PujbycD5c&feature=youtu.be



食飽出嚟發現落大雨，唯有由西舞子站坐返車去明石。

玩抽獎有動畫睇 都幾有心

咁早
佢內置仲有好多段唔同動畫

早睡早起
好想睇中獎動畫

支持欠巴

29/4 丁



明石城為日本100名城之一，可以買本《日本100名城》儲印仔。離明名站非常近，附近亦有幾個大商場，同圖書館。



圖書館cafe 「Memu」…然後唔知點解咖啡名寫日本，後面又跟返（Hot/Ice）



上面提到有幾個商場，其中一個剛好搞緊手作市集。擺賣物品同香港市集大同小異，分別最大係檔主都係上咗年紀。



剛過一檔賣復古皮具，有個單肩袋好吸引，望多兩眼檔主就撩我傾計。檔主係兩個老伯。佢對我部相機好有興趣，我對佢啲皮具又好有興趣，最後影咗張相送俾佢地，佢地送咗散紙包做回禮。

明石有一樣好似章魚燒既特產明石燒，亦叫玉子燒。以雞蛋混入麵粉漿放入鐵板加熱，另外可以加入章魚等淊料，同一般章魚燒分別在於濃郁既雞蛋香。





如果會去舞子，可以抽一個鐘停一停明石，冬天由明石城上包覽城市應該會幾靚

LM

巴打用部lomo wide用得好出色
有無考慮下出教學
我完全唔識用黎影景

30/4 甲

和田山站

一般比較少人住姬路，較常住神戶再去姬路。雖然姬路市都有條街聚集唔少居酒屋、餐廳，但相比起神戶的確係少好多選擇，勝在人流少，比較悠閒。只係下一站去豊岡市，住得近少少亦減省交通時間。



總時間約兩個半鐘，和田山站轉車。買完飛係車站旁邊見到原來姬路都食到明石玉子燒，叫咗份當早餐。





今日係平成最後一日，每份報紙頭版都係緬懷時代交替。係旁邊便利店見到個阿叔睇緊報紙，就幫佢影咗幾張相，我亦買咗留念。

朝日新聞平成最後一天

途經和田山站見到另一日會去既竹田城列車。

30/4 乙

通天閣波點人

落車已經感受到豊岡市既清幽，咁大既地方只有八萬幾居民，行去酒店十分鐘路程間只見十數人。



車站旁有座商場 Aity ，雖外表古舊但一應俱全。底層有超市，上面有衣服、文具、日用品，再上層有美食廣場、遊戲中心。



因為非熱門旅遊區，唔容易搵地方住，最後經樂天訂咗兩晚Toyooka Green Hotel Morris，單人房約三百幾一晚，包自助早餐。有大浴場、免費洗衣乾衣、茶水間等等。
https://www.agoda.com/zh-hk/toyooka-green-hotel-morris/hotel/toyooka-jp.html?cid=-218



擺但所有野落去行個圈，順便醫醫肚，早餐食幾粒19燒真係無咩落肚。酒店對面有間麵包店ポアール，應該係兩夫婦打理，介紹咗兩款包，蜜瓜包、蘋果包比我。麵身厚實非空氣包，餡料充足，一細個蘋果包有近半個醃製切片蘋果餡


https://tabelog.com/hyogo/A2808/A280801/28028649/

兩個包就唔會夠飽，火車站對面主馬路兩旁商店林立，唔難搵野食，但時間上有少少尷尬，好多餐廳下午都唔開鋪，經過一間外賣壽司店金太郎すし中央店買咗份壽司，味道一般，價錢亦唔算平。因為落住毛毛雨，帶住盒壽司就係對面警署前公共空間食。


https://tabelog.com/hyogo/A2808/A280801/28027291/

測光同Viewfinder唔準都係次要問題，Instax既色階窄既天生缺憾真係好影響影景，幾乎睇唔到細節，我都仲摸索緊

上網搵到

https://youtu.be/7rP5tmQdF_0?t=418

竟然真係有 睇到勁肚餓

30/4 丙


豊岡市 日吉神社

第一日到新城市習慣周圍行下，部份鋪頭外貼上寫有迎接令和既字句。



行到河邊既豊岡市中央公園就回頭，有幾個細路係到玩，當我行近佢地就走哂。成個城市都好似無咁人，唔係日光日白以為撞邪







行到天黑開始肚餓，Mark咗幾間餐廳，兜咗個圈決定食拉麵龍花



呢邊好多好似美國電影裡面汽車旅館既低層建築，八成地方用作上班族K房，剩餘就係食肆。附近無咩街燈，雖然黑蚊蚊有少少恐怖，但相對就好易見到餐廳燈牌。



去日本都應該上過tabelog，3.-/5以上可以一戰，3.5/5分以上已經係頂級餐廳，今次亦係見到3.41/5專誠行去試。餐牌漢字太少，旁邊有兩個後生仔見我面有難色就直接幫我點咗碗黑蚊蚊既野


https://tabelog.com/hyogo/A2808/A280801/28026843/

一般見到黑色湯底拉麵，偏淺啡色會估醬油，偏漆黑色就係黑蒜，呢到比較特別係黑芝麻 豬骨湯底，配上黑芝麻油，油香偏淡味，唔係視覺上咁衝擊。反而下面舊叉燒就油香充足，脂肪已經溶入湯內，唔會太膩，肉亦夠軟身唔起渣



幫我點餐既後生仔識少少英文，大家傾得興起，竟然走咗去另一間酒肉店坐。平成最後一日，同個當地人飲住酒過都幾浪漫，如果係女女就更好

雖然我見有唔少人推介呢間但馬牛燒肉，但無論價格還是牛肉質素，都比高山味藏天國差太遠，所以著筆唔太多喇。
https://tabelog.com/tw/gifu/A2104/A210401/21000286/



日本都算係國際上比較了解同接近香港現況既國家，好自然大家由令和講到中港。不過對於新相識既異地朋友，最重要都係飲酒食肉，好過講咁多野



佢唔知係邊到聽返嚟話香港人食肉臟仲癲過日本人，大佬日本仔生食青蛙，一隻雞切開二百份食埋雞冠，好明顯佢收錯風。餐牌有一頁係牛肉臟，可惜想叫既牛心、牛大動脈都無貨，剩返係牛肚牛胃牛腸等等，最後點咗份牛腸，唔算肥，但真係好難咬，又濃味，好似食緊香口膠咁。結果都係叫多兩枝酒，繼續傾計。



食飽行返酒店途中，大家先發現已經過咗十二點，再見平成，亦再見呢位一晚朋友

如果影正面一定問咗先，比如02，佢點頭我先影，03 04就佢地自己攝入鏡
。又比如法國人個張，佢想影但表情好似比人偷拍咁

即影即有咁大部機，無長焦，影人又要開閃，仲有張相五吋長相紙走出嚟，無人用嚟偷拍架



除非用Instant Magny 35，可以將主流菲林相機換成Instax背，到時用300mm影咩都無人知，不過暫時只有方形Instax背

好多時係未知擺咩表情
所以就會有古怪反應
唔想影既實會避