《即影即有遊記》 在日本小城市迎接新年號 － 令和

擺好Pose既日本人 六十路

01/5 甲

竹田城跡

無帶數碼相機，上面張相係前一晚同我跨元號嗰位日本朋友借部DC仔俾我影



如果上網搵「竹田城跡」你會見到殘城被雲海包圍，美如仙境。事實上一年來大概只有十幾日有如此完美天氣，大概係九月夜雨後既清晨，雲海剛剛形成，天色亦夠清晰。

立雲峽第一展望台

要影到竹田城跡，要行上立雲峽展望台影過去。由竹田站行到立雲峽山腳約三十分鐘，再行上最高第一展望台約四十分鐘。立雲峽登山處要買入場門票，200Yen。日本人本身都唔高，但唔知點解啲梯級咁高…帶住腳架相機上去真係行到腳斷。



上圖為第三展望台，由立雲峽登山處行五分鐘就到。如果下午四點前離開，門口會有打扮成武士既職員派禮物比你



行到大汗淋漓，結果手上既210mm鏡頭唔夠遠，相信要300mm以上既鏡頭，周圍亦矇矓大霧。不過無期望就無失望，起碼行山都健康。



落返山，再行返去車站，已近黃昏，唔夠時間上竹田城，但城下有條古城街。因為行到雙腳無力，見到有間餐廳門口有張長櫈就坐咗落去。餐廳係以什錦燒、炒蕎麥麵為主打既寿限無，坐咗陣就入去食飯。但調味真係太咸，叫咗枝大啤酒先可以餸咗份炒麵、什錦燒。

https://tabelog.com/hyogo/A2808/A280803/28038198/

欠欠

金龍

02/5 甲

出石 辰鼓樓

已經數唔到去過幾多個「小京都」，結果去到京都發現京都都唔似京都今次去既出石城下町，有「但馬小京都」稱號。由豊岡市中心坐巴士約四十五鐘就到，停站多，自駕會快一倍。



連登成日有人話唔鐘意去旅行見到香港人，嚟出石就幸福了，本地遊客佔九成以上，掃望周遭都係滿滿日本人，雖話撞正日本長假期，但商鋪老闆話一般週末人流都係咁多。



先唔講景點，出石其中一個特色係出石皿そば，即係蕎麥麵。日本周圍都有蕎麥麵，而出石蕎麥麵能夠吸引本地人專誠入嚟一嘗而排隊至少半個鐘，因為夠細碟



據聞以前攤口仔為方便運送，將蕎麥麵放入一個個「手塩皿」碟仔擺賣。一般以五盤為一份，唔夠再一份一份添。有店鋪門外會寫住「男人廿盤，女人十五盤」既字句。出石城下町有超過50間蕎麥麵店，有遊客可能會想試幾間，官方就推出1800Yen蕎麥麵幣。袋內裝有三個換領幣，可以到任何三間店食一份蕎麥麵，換領幣唔可以帶走，但個袋可以留念。



可惜遊客實在太多，食完應該唔夠時間玩，獨遊都係唔方便玩幣。剛好見到間蕎麥麵店彩蕎子saikyoushi剛剛開始營業，排咗半個鐘左右。


http://www.saikyoushi.com/

一份五碟好似無野落肚咁 最後食咗十碟。除咗體驗一下出石蕎麥麵，其實蕎麥麵本身唔算太特別，埋單都近二百蚊，要食飽銀包穿窿

留名

02/5 乙

車伕

出石景點有好多，亦好集中，預大半可以行哂，想增加氣氛可以坐人力車。揀其中幾個嚟介紹，先係辰鼓樓。辰鼓樓樓高十多米，故名思議就係以擊鼓報時辰，後代有位醫生捐咗個西洋鐘代替舊鼓。塔下有個鯉魚池，可以買糧餵食，不過佢地已經肥到痴線。



附近有唔少老店，其中一間賣複古擺設、唱片、貨幣，仲有農作物…蘑菇同黑膠擺埋一齊真係幾有型





原本見撞正午飯時間周圍都咁多人打算先去最遠既宗鏡寺，事後發現任何時候都咁多人


https://sukyoji.com/

宗鏡寺佔地唔細，園內包括數個文化遺產，本堂庭園 、開山堂、如來十六善神畫像。但當中最特別可能係佢既御禾印，住持會畫碌大根係上面…甚至仲有「大根戲畫」內頁既御朱印帳





環境幽美以外，仲有好多體驗活動，比如坐襌、寫經、茶道、煮飯…真係斬柴煮飯，一萬五千Yen，約兩個鐘，斬柴都玩半個鐘

lm支持樓豬

終於有D非大路遊記


下次去島根玩丫, 一樣冇咩人

留名

hello

想問巴打影完即影即有之後，係Scan返入電腦嗎？

又見到

G持欠巴

都會去熱門地方旅行，不過東京大阪好客易俾親朋戚友夾過去，到時都係走返一轉舊景點，不過行遠少少

尤其日本呢種提供豐富本地旅遊節目既國家，好多地方寂寂無名都有充足配套。記得有年去八ヶ岳，又係好少遊客，意外發現旁邊有個童話小鎮叫清里

用部普通三合一Scan返入電腦

咁多古老野賣

02/5 丙

出石 鳥居

出石城旁邊有37座鳥居，規模同京都稻荷神社相比當然差好遠，但沿路樹上綠葉茂盛，襯得朱紅色鳥居突別典雅。



行過三十幾座鳥居，到達有子山登山口，再上應該係有子山城跡，但因為前一日行傷左對腳，唯有就此止步





落返山腳見到一家大細係溪間玩好開心



最後去埋但馬信用金庫 出石支店，店前有座おりゅう灯籠，曾經係一座碼頭燈，而家就成為夜燈，最特別佢係座落係巨樹斷木上。



走前望過手信，當然有盒裝蕎麥麵，印上「令和」兩字又新產品。另外出石並係皮具重鎮，有自家品牌之餘，仲有即場皮具工作坊參加。



仲有一個重要景點叫永樂館，在明治後半期造的近畿現存的唯一的戲棚。被在1964年關門了，但是發揮昔日的東西的舞台場景，通道，地獄，轉台恢復原狀。因為時間唔夠，下次有機會再參觀。



買左杯雪糕等巴士，唔知咩味，只知同「出石」有關。嚟到出石都係一個意外，原本只計劃去竹田城，半點失望而回，估唔到第二日又搵到一個咁豐富又有意思既地方，消磨咗大半日。



嗰日心情好，係到影既相當Postcard寄哂出去

有張山口百惠海報3800Yen
驚整爛，唔係買走佢

G持