［長文連載］分享一年交友App經歷

介唔介講下點解最後會揀咗佢做你男朋友？

而家心態轉咗 唔對人太上心 當識個朋友 傾下計就算
咁樣對方又人間蒸發果陣 都唔會太sad

可能亦因為咁 令到自己更難出pool

我match左咁多次都冇人係想騙我財
（做仔真係慘）

其實冇話唔得嫁，但做朋友係要雙方都由衷、真心地想做朋友先成立

當你開左口話做朋友，佢應承左，但原來佢心入面仲係覺得自己有機會，咁呢段友誼都只係單方面既一廂情願

而我都幾肯定，其中一方話做朋友，另一方九成會話好，但佢心入面點諗根本冇人知。

個個人唔係我都得<< 好中
玩app 最大既心理障礙
你case 0.5 所講既優越感會無晒 然後唔知自己做緊乜

迫自己用hea 玩既心態去傾 但奈何自己又唔係player 底
一上心就輸了

你係巴定絲啊？

只可以鼓勵下你再俾啲耐性match多啲人
眼見身邊有玩既人，同樓上成功搵到另一半既巴絲們，有人好快就搵到，有人要好似我咁一年之後先搵到。

岩岩都有個朋友，前排仲係到呻話好煩唔想玩，呢頭就係app識到個女仔終於變o1。

時候未到，緣份未到，
增大自己個機會就冇錯嫁喇。

會啊！
遲啲會講，
不過要啲時間，
有排未講到哈哈。

一個唔識同人傾計嘅毒撚可以點

我都用左一段時間先overcome到呢種感覺

但希望你唔好俾呢種感覺主導左，會令你變得冇自信，自己呃自己，有所謂都同自己講冇所謂。

真心想搵另一半，但自己都唔上心，或者表現得唔上心，又點可以搵到一個對你上心既人呢？

我第一個交友app識到嘅女仔，佢太進擊令我有顧慮，但到我想去馬佢又縮沙😢
10日內嘅事

同我老婆Tinder識 拍左拖兩年 今年年頭歐洲求婚 早兩個月註冊埋

進擊係點進擊法？
一般女仔開始個時都唔會太主動喎⋯

好正，恭喜晒！！！！
呢到都有好多成功例子

如果真係連你自己感興趣既野都傾唔掂，可能交友app未必好適合你

其實想像自己係連登9up會唔會好啲啊？我都係次次開連登mode乜都講下，所以啲人通常覺得我好好傾

Case 2.0

都玩左交友App個幾星期，Swipe人變得謹慎左，因為真係冇咁多時間個個都傾得咁深入，仲試過俾人話我點解Swipe完又唔講野，其實有啲委屈，就係覺得唔好傾先唔想浪費大家時間⋯

咁不如花時間係更加合眼緣既人上面。（唔淨指外貌，仲有興趣個啲啦，唔講喇，睇返上面Case 0.5)

而第一個係App識再出黎見面既人出現左喇！就叫佢All back Ray。（係啊假名黎嫁）

All back Ray其實profile冇乜相，得張側面相比較清楚，其他係用單反遮樣影鏡，仲有幾張自己既攝影作品。我本人既興趣都係影相，老實講啊Ray啲作品唔係幾靚，但有共同興趣已經加分，第二野就係佢會gel起啲陰，我喜歡露額男子。

有共同興趣，本身就比較易打開話匣子，加上我連左IG，佢都好快add左我（我IG本身就公開）。

我想講，ig story真係溝仔溝女一大助攻，見到大家post啲咩都好容易就搭到嗲。然後有一日，我地終於講到戀愛話題。



「下？你A0？有乜可能？」

啊Ray好似好驚訝。但對於我黎講，我已經聽慣，因為新認識既朋友都成日咁同我講。

「真嫁，我成日同人frd zone左」

「咁你又估下我拍過幾多次拖？」

同啊Ray傾左一段時間，又唔似毒撚，睇相好似著衫都ok啊⋯

「2次？」

「哈哈」

「」

「我都係a0嫁」

一句我都係a0，
就好似再一次拉近左大家既距離咁。

「不如下星期食飯？」

Ray問，而我都冇拒絕既原因。

「好！」

。
。
。

深夜岀一篇

瞓醒再睇

lm

你主要玩咩app多

未見面已經講晒家庭背景俾我聽，又講明肯捱窮，每日會自拍俾我
利申：毒L樣

玩呢啲app最大障礙係要調整期望值
有時好岩傾嘅人出到嚟見面未必好似文字上咁岩傾
有時樣又可能有落差
話樣唔重要就呃人嘅 係我自己嘅擇偶條件點都佔20%左右

相反亦然 對方可能係text緊嘅過程對自己有好多期望
然後自己又驚好似呃咗人咁明明已經係用緊真相（無P過）但真人同相片點都會有少少分別

樓主點克服呢樣野
同埋其實一般傾幾耐會見面

Match 100個 可能有20個會傾
當中可能得10個傾得埋
當中可能又得一個會出來見
所以千期好太上心
當係識下朋友

好勵志