［長文連載］分享一年交友App經歷

完全冇match應該真係你profile岀左事

女識男就話易姐

同意
但有左另一半都仲繼續flirt
真係好難受

一手都雞
咩標準

Crazy



好開心
多謝Pika巴

明啊

其實都唔知人地點睇自己
又冇人話人地同你岀街就一定係對你有興趣，無啦啦講覺得大家唔夾，好似以為自己好重要咁

其實個句野講岀口都好怪
解釋咁多好似反而係自己諗多左咁

音樂果版差好多隻
雖然好多隻都唔好聽(得幾隻好

現實咪一樣（係大部分人眼中）
但平時連識人既機會都冇

其實睇性格同環境
想去識，除左App/上網真係唔知咩門路好(等朋友介紹會等到佛誕，如果就到佛誕就講聖誕

咁你呢隻唔係fade out喎
你呢隻係遇到player喎

其實朋友介紹仲尷尬

一陣晏少應該會有Case 4 （上）

無咩，唔岩就散，無面比

連登仔邏輯
唔係處就係雞

終於追晒POST 樓主快D更新啊~

多口問句，你經歷左幾多個case先到而家男朋友

玩左CMB 一個月都MATCH到唔少人
好多傾左一陣 自己唔夠上心冇主動D搵人傾就慢慢斷左
但有時真係唔知可以傾乜, 唔想冇野講 都硬傾落去
有D話題如果見面傾可能會好D...
都感覺到對方願意覆SMS 了解下
但大家圈子有唔同 有時過左最一開始 某D話題好岩KEY
之後唔知點繼續...依家都係IG見到story 回幾句 叫做唔好斷左連繫炸

其實都有合眼緣又志趣相投既
對方有提過出黎一齊行山架,
話約出黎 不過成2個星期都未係好夾到時間,(對方放假時間比較固定)
之前我未返到香港, 依排又成日天氣唔好,好多阻滯
依家卡住左
冇法再升下溫 仲有D慢慢消磨左D熱情 降溫咁
點算呀

Case 3. 後記

所以話我真係唔係好建議大家一次同超過一個人Date，除非你真係有好多心力，或者你只係想for fun。

Btw 係我同男朋友一齊左之後，我係IG見到啊俊好似突然冇晒人生目標，好多放負Post，然後有一日啊俊覆我IG story，我地傾左陣計，似係佢工作唔係幾順利，本身都想關心下佢鼓勵下佢，似但佢講左句，「算啦，你而家都有男朋友啦。」然後就單機左我，撳入佢IG先發現原來佢將所有follower del晒。

其實我都真係冇關心佢既資格，同原來見到曾經有好感既人變到咁頹，個心都真係唔係幾好受，希望佢可以振作啦⋯⋯

打舖機再po埋case 4上

聽住打case 4

其實你有冇諗過工作唔順利只係籍口
真正令到佢頹個個係你
你係咪有比啲假希望人

Case 4.

「同你傾計令我有返以前岩岩初戀既感覺⋯」

Ryan都大我好幾年，個樣好似韓國眼好細個隻熊（所以我就叫佢Ryan啦）。Ryan戴眼鏡、個樣老老實實咁，雖然佢只係高我少少，但因為有做開gym，所以個身型都ok，興趣其實無話特別相近，但同Ryan傾計既過程中，佢勝在會成日針對我既愛好同讀個科發問，而佢都會分享返類似既經歷，令我地Keep住都有好多野講，自自然然我地開始出黎見面約會，出左兩次街之後，夜晚都開始講電話，當Ryan同我講我俾到初戀既感覺佢個心都真係有啲飄飄然。

「其實我係真係想認真搵一個對象，我唔想再受傷⋯所以如果你唔係認真既話，咁你就唔好⋯⋯」

「我都係好認真嫁！」我答Ryan。

Ryan話，原來佢之前有個中學開始拍拖既女朋友，拍左好多年，點知個女朋友去Working holiday個時帽左Ryan，佢女朋友仲要同Ryan講個第三者俾到佢新既性體驗佢，Ryan用左好多時間先Recover到。

「玩玩下個啲我覺得⋯我覺得自己今次真係會好hurt⋯」

「如果係work既，我一定會好認真⋯⋯」

當下我都唔知點講好，我只可以同Ryan講呢句說話，表達自己都係希望認真對待感情，同時都係對自己既告誡，唔可以令人傷心，Ryan講呢番說話既時候，帶住淡淡既哀傷，我到而家都仲記得。

然後再下一個禮拜，我同Ryan睇戲既時候，佢拖住左我隻手，而我亦都冇鬆開。

。
。
。