［長文連載］分享一年交友App經歷

無錯
所以真係話態度決定一切！
唔好驚去接觸一啲自己唔了解既野！

所以唔知點解個啲既唯一解釋都係緣份

話說我男朋友表達能力真係勁差
成日講野1999，
但我覺得佢個人諗野真係好有深度
呢啲都係慢慢識落先知

恭喜恭喜

其實我懷疑自己都有少少係
上網識舒服過現實識，
現實一大堆人咁識我係可以既
但如果無啦啦要同一個識既陌生人講野
（例如隔離team同事）
我會成日唔識俾反應
甚至俾左奇怪反應
淨係傻笑 講野走音之類

樓主 Ryan 最後點呀 現左形

都唔係單方面進攻 佢都會約我出街叫我陪佢同買手信送比我 不過可能真係唔夾都冇計 我相信佢應該冇識第二個嘅始終都keep住見邊得閒

無錯 所以我當下問完原因之後 feel到真係無乜機之後就冇再揾佢lu無謂作賤自己 休息下好過

Ryan呢？

等緊 Ryan 黎食豬

Case 4.5

「我淨係得唯一一個要求姐，31號岀完街之後，你可唔可以上黎訓啊？」

個時係我同Ryan岩岩一齊一個月。

對於佢同我提岀左呢個要求，我既內心係充滿住疑惑。點解呢個要求會係「唯一」一個要求呢？首先我覺得，上屋企訓唔應該係一個「要求」，而係當我地關係去到某個階段就會自然發生既「過程」，都唔應該係你「要求」，我就要去做既一樣野。其次，難道你對我既「唯一要求」，就只係關於性上面既？

但係我呢啲諗法，通通都冇講岀口，我唔想Ryan覺得我唔信佢，感覺講左岀黎就要鬧交咁。

「我覺得太快喇⋯」

「我應承你如果你唔想，我一定唔會逼你⋯我淨係想攬住你一齊訓，好似咁⋯」

然後send左張插畫黎，係一對情侶一齊訓係床上面睇電話，其實插畫入面既情侶個樣同髮型真係好似我同Ryan，但我冇辦法代入到。個一刻我心諗，我咁都信既話，上到去真係渣都冇得淨。但我又係冇咁同佢講。

「但你唔係同你屋企人一齊住既咩？我連招呼都冇打過，我就咁就上去訓，咁你屋企人會點睇我？」

「下大家都成年人啦？係屋企過夜好少事咋喎，以前我個ex都成日上黎訓嫁啦，佢地都冇講啲乜」

「佢還佢，我還我，我唔想你屋企人第一次見到我，就係朝頭早我係你間房走岀黎個陣⋯⋯」

「⋯⋯」

「同其實我都唔知點同我屋企人交代⋯」

話說樓主我其實係個乖女，平時好少唔返屋企訓，除左係學校通頂做野個啲，加上個日一早講左去拍拖（係，已經同左老豆老母講），唔返去訓實知係同Ryan過夜⋯⋯

「⋯⋯我只係覺得有愛都要有性⋯⋯有啲擔心我地呢方面唔係好夾⋯」

「俾少少時間我⋯」

相信大家睇到呢到，都已經估到之後係點。

Ryan後來成日話自己好忙，要考試想升職，一開始仲話係為左我地好，後來就解釋都冇，淨係話忙，中間我經歷左一個仿佛冇情人既情人節，又經歷左so call補祝情人節，但被佢無啦啦叫我請返佢食飯既「約會」。

「我覺得我地唔係同一個世界既人。」Ryan話。

「唔可以努力下？」我答。

然而其實我唔知自己想努力既目的係乜。

後尾有一日，
Ryan又send左一張相俾我，
就係個隻寫住I love u既杯，
係同之前佢send俾我個張係同一張相黎，
我就知道，
今次呢張相並唔係send俾自己。

我冇踢爆佢，
淨係同左佢講，

「我地都係算啦，多謝，再見。」

Sort of叫分手，但我冇傷心，反而有成個人輕鬆晒既感覺。

一直思考，自己點解遇到Ryan既冷對待仲係想試，我諗比起自己仲鐘意Ryan，更加多既係，對於自己既初戀咁就完結既個份唔甘心。

可能真係好似Ryan咁講，我地係兩個世界既人，或者我地從來都冇真正鐘意過大家。

以前細個睇《這個夏天有異性》，啊嬌同王傑講左一句說話，我好深刻，王傑同啊嬌講，我地係兩世界既人黎嫁，我地根本就唔夾，啊嬌話，「咁當兩個唔同世界既人係埋一齊，大家咪多左個世界囉。」

後來我先發現，兩個世界既人要係埋一齊唔係唔得，但首先你要有接通兩個世界既隧道。而原來呢條隧道，根本唔存在係我同Ryan之間⋯⋯

名為戀愛既隧道，
我仲未睇得見。

你地想睇既Ryan ar ～
有喇～
又係一路痾屎一路打的。

無人話過專家

其實你可以上一頁出返去
無人逼你留係到

屌你老母收皮啦

我係咪豬閪又關唔關你事？

從來冇人係到扮專家
都冇人係呢到教交友app必勝法

呢到得真心分享俾大家睇
了解同學習既過程

入黎睇啦岀左喇
睇下有冇食到

你係咪相片與實物不符合呀
block人好多因素，
外表，溝通唔到，真人出到離唔啱feel等等
見1次完結咪仲好
可以安心上路，next下一位

唔會放正面相
同埋我覺得blcok人好無禮貌

Ryan又名壞人。。。