［長文連載］分享一年交友App經歷

每日上連登，
都會見到好多男男女女呻單身，
又冇渠道認識心儀對象。

當年自己都深感自己已經唔細仲係A0,
冇乜戀愛經驗，唔識散發available既氣場，
現實中淨係識同人做朋友。

於是膽粗粗試下玩交友App，
而係玩左差唔多一年之後，
終於識到而家男朋友。

係呢一年入面每遇到一個人，
自己既戀愛經驗值係都會有提昇，
唔係單單指同異性相處既技巧，
我認為更重要既係，
呢一年入面我更加了解自己想要咩，
唔再係以前連咩叫戀愛都唔知既A0狗。

所以希望係呢到，
同大家分享下自己係個一年既經歷，
一方面俾自己整理下回憶，
都好想鼓勵下咁多位
渴望搵到另一半既巴打絲打們，
唔好俾自己留係Comfort zone入面，
唔行出第一步，

女神男神係唔會係個天到跌落黎嫁！

有咩問題都可以拎出黎一齊討論下～

Case.0

首先講下我自己先。

我係讀呢樣個樣先入返U既Non-ju狗，
係我岩岩升返入U既時候，
有感自己自己已經唔細，但一直都係A0.

其實都唔係冇試過鼓起勇氣做主動。
係入返U之前識過一個男仔，成日見到佢昅我
（講真，一望返佢會秒轉移視線）
但係經歷左一個單獨出左好多次街
都係同佢撻唔著既暑假之後，
（Even自己係咪真係鐘意佢都唔係好清楚）
我覺得自己係時候襯住入U搵一啲新邂逅。

而點解會揀交友App而唔係現實中識呢？
一句講晒：怕柒！
同身邊人相處其實一啲都唔單純，
有太多考慮因素，
而自己極少戀愛經驗，唔知何謂戀愛，
我唔想當身邊既人係明愛暗戀補習社。

而交友App就唔同喇，
因為我相信90%玩得呢個App既人
都已經係Default左係黎搵同戀愛對象既
（係呢到我暫時將戀愛同性愛歸類一齊先）
唔需要怕表錯情，可以盡情了解大家
可以視所有素未謀面既人做潛在戀愛對象。
好傾就再深入了解，見面，唔岩就byebye
You have nothing to lose.

係呢個地方
竟然比起現實中既相處更加單純直接。

有諗過會唔會擺講故台
但我都係9打
又係真實分享
所以費事侮辱個邊開post既巴絲了


聽日先會講case 1
係第一個係交友app識
岀黎見面既男仔

好想睇

我會努力寫到唔好咁1999

求明燈，等你出

lm

Lm

總覺得交友apps好多人搵快餐食
你用左一年 呢種情況多唔多？
有無試過識到player/ 好謹慎識人最後發現條友係想呃蝦條之類

聽講好多人都係啱啱分手 想搵個水泡、搵人陪先玩交友app
同人拍咗陣拖就話未放低個ex 要分手咁仆街
你覺得係唔係咁

Lm

lm

講唔上明燈
但希望等大家多啲了解下交友App既環境

交友App就唔同喇，
因為我相信90%玩得呢個App既人
都已經係Default左係黎搵同戀愛對象既
唔需要怕表錯情，可以盡情了解大家
可以視所有素未謀面既人做潛在戀愛對象

講得好中

加速

我個ex 都係交友app 識， 拍佐就黎一年

留名

strong post leave name

褲都除埋你畀啲咁嘅...

我可以同你講
絕對有
我之後其中一個case會講到

玩APP玩到變左幾多手西?

但係咪好多？又唔覺係
講真，隱性毒撚最多
（以我自己遇到既黎講）

冇啊
我瘦返喇
瘦左10磅
繼續減緊