［長文連載］分享一年交友App經歷

Case 0.5

終於download左個app。

身為一個正常港女，一定有幾張見得下人既相做profile pic既，而比起好認真打description，我選擇左直接連IG，我覺得連左IG可以令人更加了解我平時做咩多，同時如果對方係有連IG，係會大大增加令我swipe佢既機會。

順便講下我見到咩人會傾向swipe佢

1. 每個人心目中都會有個外表list，只要中其中一樣我就會swipe。

2. 係profile pic到表現到自己既興趣，行山咪行山，打波咪打波，咖啡咪咖啡，貓咪貓。

3. 連IG


又順便講下咩人一定唔會想同佢match

1. Profile pic擺靚錶靚車，講真我真係覺得好柒，好似以為有啲錢啲女就會埋身咁（拿咁我唔會質疑有人興趣係呢啲既，但最少我身邊既女性冇）

2. 係大合照到cut自己個頭岀黎仲要起格，冇相咪即刻影張，咁都懶。

3. 淨係影住自己個身show肌肉唔露樣 / 第一張相已經係谷行肌肉爽朗靚仔 / 堅靚仔。SP味甚濃啊大佬，就算唔係想搵sp都感覺自己handle唔到，靚仔可遠觀不可褻玩。

4. 擺任何同酒同酒吧有關既野，又係sp味濃，同好mk仔feel，以為自己識飲酒好玩得。

5. 打啲我睇唔明既英文。。呢個係我自己既問題，我垃圾我平民，但打太深奧既野好有距離感，如果你本身個人其實可以好貼地既，就唔洗懶有學識，只會盞俾啲女覺得高攀你唔起，溝通唔到。



之不過又咁，
其實唔同人既品味同要求
真係可以差好遠，
試過同朋友交換電話幫大家swipe，
點知大家一睇返都話對方揀啲人好柒，
所以各花入各眼，
最緊要都係表現到真正既自己。