Super Junior 圭賢The Day We Meet Again 全員軍畢相愛相殺討論區(28)

應該係有anti搞事啦

我睇左台灣嘅討論區，意見可以參考下，始終我地同台灣人嘅道德觀念比較相似！
韓飯要求強仁晟敏退團唔係即興，而係堆積左幾年的憤怒傷心被背叛感！
強仁係罪犯，係有法庭裁定個隻！仲要唔係一次，係同一條罪犯兩次！ 第一次出事之後唔戒酒唔賣車，仲要再犯！我個韓文老師都話酒駕係韓國人心目中好大罪，害己害人！機會唔係無比過，然後每次有咩新聞同酒駕有關，SJ就會比路人酸！ 每次強仁有咩新聞路人要漫罵批評嘲諷，SJ又會比人諷刺埋一份！
我地海外fans始終感受無韓飯咁埋身，佢地要做前鋒行先死先親身感受網民路人甚至朋友屋企人嘅厭棄！ 有人可能會唔敢同人講自己鍾意SJ，細個中學生嘅fan可能會因為屋企人知道自己鍾意的偶像組合入面有個酒駕犯，而同阿爸阿媽有磨擦！你會問邊有咁誇張仲係7/80年代咩？！其實你諗下自已讀書個陣就會明！
我都明感情上好難捨棄，團員更加唔想放棄僅次於家人的兄弟！不過，而家呢位兄弟就好似自己一隻手一隻腳，係生左癌細胞的手腳，再唔切除只會蔓延去全身，最後全軍覆沒！留低我地elf日日傷心緬懷，個人飯就唯有祈禱自己鍾意嘅偶像有得繼續唱歌上綜藝，唔係做左幕後就好難再見到了
而晟敏，本來我都無咩所謂，如果佢肯同飯多d再溝通再努力工作，我都讚成佢返來！ 不過前兩個禮拜有人影到佢拖住手好高調咁行入SM，我諗佢都係戀愛大過天唔會關心fans感受，不如放過對方放過自己！
呢段說話我打左成個鐘，不喜求輕插！
最主要想講掂解我今次支持韓飯，因為大雲一句關心就係咁比人閙！佢做錯咩？錯嘅人唔係佢掂解佢無啦啦比人鬧仲要道歉！佢年年都同elf講生日快樂，今年無講係因為邊個！
韓飯因爲當事人唔主動退團，SM唔表態，成員更加唔會放棄兄弟，但係路人網民對SJ嘅觀感就一直不友善（睇下音源就知，希澈圭賢嘅音源都好過大隊，證明觀眾源好重要）所以丑人最後由韓飯做，希望佢以後只係強仁或者金永雲，而唔係SJ強仁！講起 Super Junior 都唔會再比人問你掂睇醉駕，仲係慣犯！

好恐怖 我已經睇唔到所謂「韓飯」做緊嘅嘢同anti有咩分別
以愛為名嘅傷害

睇到大雲果段睇到喊

講真我都讚成 咁多年啦
大眾觀感仲係咁差 冇可能為左佢地兩個搞到面臨團滅危機
當兵空缺捱過左十年
今年終於人齊我都想九輯個成績好好
唔想因為佢地而搞到一鑊泡

其實我都好想11人回歸但係事實就係韓國輿論唔會突然轉哂風向唔鬧sj
真係唔想努力左咁耐既成員再因為嗰兩個成員而比人鬧
佢地9個肯定比我地更想全體comeback
但係有啲野真係唔係想就得
韓飯今次做醜人可能已經係最好既決定
長痛不如短痛
情懷真係唔可以當飯食

其實我明白風頭火勢要強敏兩個回歸真係有啲難
我睇唔過眼嘅係韓飯嘅行為，抵制、杯葛其他成員/全隊而去換取佢地想要嘅結果。
係佢地一連串嘅行動將SJ推往風口浪尖之中，最先傷害佢地嘅唔係路人，而係一個一個話愛佢地嘅kelf

我覺得由強仁試水溫到廠牌一開始話唔確認回歸人數都顯示全員回歸係指11人。宜家都讓左步9人回歸，韓飯再搞落去又何必呢⋯⋯

全部係我心聲

睇返真係得啖笑⋯⋯
可能好多人都忘記左 最愛SJ嘅永遠都係SJ
今日頂住咁多壓力都要保強敏，都應該係佢地內部嘅共識
畢竟退左就真係冇得返轉頭⋯⋯
所以真係唔想kelf再咁鬧落去⋯⋯

我認同依家9人先係最佳回歸組合
但我絕對反對用咁極端既手法去威脅佢地退團
如果你係愛佢地既根本做唔出唔支持佢地 同見到佢地唔開心

韓網提起崔先生同大雲？？？？？？？

痴痴地
岩岩上微搏先知咁大件事
強仁同晟敏就算啦
我希望哥哥們開心 都想齊整
但現實唔允許都冇辦法
至於抵制馬始同大雲係做咩事？
成班Anti講既 係到扮晒路人？
收啦 藍家既事幾時到佢地指指點點

我覺得哥哥們唔完全割蓆都有考慮呢樣野
出事之後即刻退係最好做法 而家已經過左個時機
今日路人會因為強爸同晟敏而嘈 第日佢哋真係退左團 又會有其他人捉住以前啲負面新聞嚟叫其他成員退團
反正點都會有人玩嘢 我覺得而家咁已經係合理做法 我哋ELF唔係應該支持哥哥們嘅決定咩？
再咁嘈落去 路人只會睇到負面嘢 飯心會被消磨 連哥哥們都會好攰 特別係金鐘雲一定好自責⋯⋯

唔知金鐘雲回歸點算好
大家要幫手買多幾隻啊

最尾一句真係
討論我覺得佢地一定有討論
韓飯係「覺得」sj佢地唔好意思主動要佢地退，所以做醜人

其實我覺得有心要搵位入嘅過無論係隊友定前隊友都好都總會有位入
不過其實由勝利事件曝光之後外季對偶像嘅人格要求係高左嘅
強、敏兩個唔cb都算係避一避開
但我私心唔想一有問題就話退就退
認真屋企人出事你會想趕佢走家門定係俾佢改過自新？
離隊根本唔能杜絕後患
強爸最新果單唔係已經澄清左啦咩？咪又係被人無視
始源本身係自爆都被人講到話佢隻手遮天咁
敏..唉..其實李太肯出少句聲就冇問題架啦...
出面post話敏唔幫大隊冇為大隊應援依樣野我反而覺得佢性格本身就唔似會咁做嘅人
但有人唔鍾意佢咁樣都可以理解嘅
成件事大雲最無辜-完-

想問下始源係咩事

狗咬人件事

我想知點解會提到金鐘雲

我覺得無論點都好 飯唔可以咁樣玩要脅

好似係佢幫強仁宣傳

呢件事至於咩班人好on9

連飯都唔信自己偶像
重有邊個信
其實件事可以唔洗搞到呢家咁
又係啲飯自己搞大佢

我理解韓飯立場
但唔代表佢可以咁樣威脅sj
咁樣好傷害飯同愛豆之間感情同信任