話說小弟今日去完How+Lim剪完, 整體覺得唔錯, 所以想分享下How+Lim同Salon Kagu(2月去過剪)嘅第一次體驗比各位巴打參考下:
首先係Salon Kagu嘅體驗, 果次預約咗3:30去搵Justin剪, 結果預約咗都係要坐喺到等個幾鐘先輪到我
等嘅過程中Justin都只係講咗1次唔好意思,要你等咁耐, 之後幫我剪嘅時候,我比咗幅相佢睇話想點剪同想有層次感, 跟著就開始幫我剪啦,過程中都有問我有冇聽過xxx嘅歌, 可惜我話冇之後就dead air
同埋喺剪嘅過程, 有一位女性客人入咗黎, 佢都係預約咗Justin, 跟著Justin就停咗冇幫我剪, 去咗安排果位女性客人就坐同問佢想點漂染
大約5分鐘之後先幫我剪返, 之後嘅過程中比我感覺佢好急住剪,想快快手幫我剪完, 剪嘅途中佢都有比1-2句髮型意見我. 最後剪完都有講幾句點gel同推薦用咩類型嘅gel, 不過成個剪髮過程唔知有冇15分鐘
最終嘅成果我都覺得好一般,可能係我原本髮型嘅問題剪唔到效果
總結黎講佢地比我嘅感覺係專注於女性同漂染服務, 如果好似我咁黑仔撞正人多嘅時候, 相信好難得到滿意嘅體驗.
之後就係輪到How+Lim, 因為Fb見有7折優惠(Louis),所以就網上預約去試下. 咁去到之後, 有位職員安排我坐低同有張飲品Menu, 可以揀杯嘢飲下(有凍熱飲), 之後Louis就問我想點剪, 我都係比幅相佢睇話想點剪, 佢就比咗d意見我, 之後剪嘅時候都好專注好認真剪, 原本預期剪短就係佢會用電髮鏟幫我鏟, 結果係佢用髮剪慢慢幫我修
到剪完幫我gel嘅時候我未開口佢已經主動教我點gel, 諗住gel完就比錢點知原來係未剪完, 要幫我沖返水
到吹頭嘅時候佢又主動教我點吹先有想要嘅感覺, 吹乾完個頭又繼續幫我輕輕咁再修返d位
跟著再幫我gel多次同講多次點gel
總結黎講, 感覺佢地個預約系統做得好好,約咗果段時間就係專注幫你剪
雖然唔排除今日少人剪髮關係
成個過程剪咗大約1小時15分鐘
以前小弟我剪開200蚊嘅髮型屋, 貪新鮮想試下d日系髮型屋, 所以先去以上嘅髮型屋剪完分享下個體驗