有冇人唔知自己想點？

工作就冇目標架啦，非專科，唔趕住升職搵錢，人工極低，唔會有未來。但係會keep住做同一行業嘅工作，等人賞識。

空閒時間就諗住搵啲野學，上堂。最緊要自己開心/有興趣/有朋友一齊/對工作有幫助。

我見有方向既人唔係讀專科就做政府，個d偏科好勁攪art攪music 賺到錢既論外啦，總知中學時期已經plan好條路。唔知想點多數都係無讀專科入唔到政府，出面行行都唔掂only，根本唔係人問題係香港社會出路太窄。咩都好想考政府就考政府，返去讀書都無所謂，做廚做水電都叫有一技之長，試過都叫搏盡無悔。
打份咩admin assistant 唔使死既，但唔知幾時比ai，比人淘汱，咪到時人到中年一事無成黎後悔

佢講到出聲咁你正正經經認真諗下前路啦
唔好以為佢唔會走

或者問下你同科既同學有咩好路數?同埋有D職位應該唔洗一定讀過相關學位先做到，另外做sales搵錢會快好多

發現唔知想點嘅人
8成都係非專業學歷

接受到人地退休個時自己仲要計住計住要搵幾多手停口停，咁梗係無問題

由細到大差唔多日日都聽呢啲說話
「要努力」、「要計劃將來」、「要搵錢」、「要有儲蓄」
呢啲說話令到幾多人唔係為自己而生活？
我肯定好撚多人每日打份牛工
儲埋儲埋雞碎咁多連食好少少都唔敢
佢地為嘅只係滿足身邊嘅人對佢地嘅期望
為嘅只係fulfill人地口中上面呢堆說話

有幾多人係我地細個嗰陣會同我地講
「要認識自己」、「唔好令自己後悔」、「要行自己嘅路」
至少係我嘅人生入面冇人同我咁講過

我話你知我為左人地嘅期望而生存得好痛苦
痛苦到我根本唔在乎我退休生活係點
因為我睇唔到我有邊一刻係做緊人而唔係一部機器
而且我相信入得黎呢個post嘅人好多都有同感

任何背景嘅人都啱用
「唔好令自己後悔」
你開心同接受到咪得

我睇返你上面嘅reply
首先你唔好先入為主
我做緊建築相關嘅專業
身邊亦不乏律師、工程師朋友唔知自己想點

另外就係搵到自己人生目標係一件好幸福嘅事
可惜呢股福氣唔係人人都有

如果到我死嗰日
我攬住舊錢但係我從來冇搵到自己真正鍾意做嘅事的話
我會後悔到不得了

絲打我好佩服你既堅定決心，
但係，當係啦，你既夢想係做老闆，
營運左幾年，結果生意收皮
要出返黎做野，收入變返萬幾蚊

到時生活困難，你又會唔會覺得後悔呢？

定係一直打工升職，生活富足，但始終心入面都有啲野un住你，原來自己一直都想做老世，搞屬於自己既生意。但係又要養仔女，最後都係唉一聲早啲訓聽日起身返工呢？

捱多兩年 就好大機會升職 個陣都係 27 28歲
人工應該有大增長 不過都要繼續學好英文

未到35歲 仲有機會

正常 因為讀專科 如會計 醫 法律 工程 老師
一係要考牌/讀書
所以尼班人只需要專注學業/工作
唔需要諗其他野

GBUS個Level唔同 唔係個個都入到