[新光戲院] 粵劇特朗普 現場圖片轉述

屌你老母

每次一講粵劇我又要講，好多人都單單攞住汪、羅嗰班八和人，話佢哋投共，唔識玩，事實上咁多年嚟粵劇界仍然可以玩到今日，一嚟有班大老倌頂住，二嚟就係八和做緊嘢。咁多年啲場地爭取，油麻地戲院，甚至之前新光單嘢，都係要八和斡旋做嘢。成日話粵劇老屎忽，八和搞咗咁多屆粵劇新秀，訓練演員，編劇人才，連登共鳴極少，戲曲中心亦不在話下。汪羅阮佢哋始終做大老倌咁多年，係非常大牌，甚至私德有誤，但一句車埋嚟話佢哋點點點，我覺得有欠公道。

至於李居明，佢頂新光嚟做簡直功德無量，一嚟佢有好多錢，可以搞起新光。事實上最初嗰幾套新編劇，的確唔錯，例如金玉觀世音，重搵埋好逑姐出山，非常難得。蝶海情僧故事都好新鮮。主要係當年嗰幾套新劇都古今交融，最重要曲詞合理。但自從毛澤東，唉，你話佢創新佢的確係創新，但擺明以搞gimmick為上，曲詞幾乎亂嚟，情節唔算離譜，但當然避重就輕，但係李居明就咁用情史帶過。唔係話毛澤東不能入粵劇，但如果為編而編，或者打個名出嚟話我咁樣就係振興粵劇，我極其量同意佢拓闊到觀眾群，能唔能夠令更多人真係識得欣賞粵劇藝術係另一回事。但我覺得，新光一定要繼續做落去，因為個場雖然細，但歷史冇得改

講

邊度有碟賣，想要

上面唔係話非賣品咩

所以雖然Liza姐係人大
但係佢係做人嘅態度對粵劇嘅堅持真係好好
雨革之後都無怕同hocc 阿澤嗰啲做朋友 依舊新年送年糕畀阿澤
粵劇方面又係不斷希望可以保留 有更加多人認識 用唔同方法保育粵劇

李居明就直頭用錢買起新光 咁又係用自己嘅力量去幫手保育粵劇
所以佢哋真係對粵劇有好大貢獻

多謝梁同志免費賣廣告

戲曲中心明明應該有責任做推廣粵劇呢樣野， 偏偏就變左個支那團體/ cap 本地團體水的場， 反而新光搞得仲好

起碼都叫吸引到多啲觀眾入場，目的都達到咗，今次咁搞都係為咗想多啲人接觸

戲曲中心上年年尾開台嗰日我有去現場，阿姐當住一堆權貴面前大聲屌柒戲曲中心租金條件苛刻，單單呢一點已經全場拍掌支持。西九嗰邊話要養場，講到要分賬（我聽講好似要三七分），咁班主開台又難道唔使皮費？香港粵劇商會之前舊曆年喺戲曲中心上咗十幾日戲，真係賺到幾多？就算全院幾乎滿座，好老實邊會多。所以阿姐、家英哥、輝哥不停重複又重複全港戲曲表演場地租金都唔應該咁苛刻，包括高山、油麻地、大會堂、文化中心，乃至而家戲曲中心

另外，再講起粵劇，之前香港粵劇學者協會終於同英國大學合作，搞得成粵曲分級考試，我好開心，背後都係大老倌做嘢。而家搞埋個標準，新丁想入行，或者曲藝社嗰班要攞專業資格都叫做有張沙紙。呢個實在德政，如有機會我都想考下

家英哥喺某個有線訪問講過，話幾十年前已經有人同佢講粵曲粵劇十年後會收皮，結果十年後又十年，佢自己到而家都重做緊，重要開埋戲曲中心。其實粵劇觀眾一路都有，重點當然係點加大觀眾群。李居明的確係有好多新鮮想法，固然應該支持。但我更加覺得，觀眾群增加之餘，更加應該同時增加觀眾觀劇質素，呢個質素源於對粵劇基本認識同埋點樣欣賞一套戲曲，呢一點輝哥成日強調。不過我同意，粵曲粵劇始終都要多啲宣傳。無論如何，一有粵劇嘢我就基本上都忍唔住出聲，畀更多連登仔睇到都好

其實可以搞多D現代劇目, 唔一定要係好似呢個series咁cult

cult野得閒玩一兩次就好

睇完未 等影評

PS4

上個月香港藝術節就有套毛Sir毛俊輝新式改編唐叔《百花亭贈劍》，好正，希望佢再重演
https://www.hk.artsfestival.org/tc/programmes/opera-pavilion-of-a-hundred-flowers-reboot/

唔識粵劇但想了解下
巴打黎緊有咩可以推介比年輕人睇

李居明條神棍咁都有人吹奏

江阿姐會不會講：「成個粵劇俾你搞彎晒！」

平時都好多舞台劇

買左尾場

其實點解龍貫天佢哋會肯陪李居明癲?

其實睇大戲冇分年齡嘅...你識聽廣東話基本上已經得
咁我又唔敢話推介，因為個個人口味唔同。如果想睇啲好傳統嘅劇目，例如唐叔戲寶同傳統戲，各大表演場地個個月都有唔少

不過當然可以支持嘅就去睇下每年八和粵劇新秀演出系列
http://www.hkbarwoymt.com/?a=group&id=home
但係每年演期唔係個個月有，所以要留意下

LM

勁過偽毒坤