係加拿大讀書 你問我答

溫哥華人？

巴打可唔可以講下你由香港文科畢業到個邊既經歷，而家又做緊邊行？小弟想參考下條路可以點行

我係想落地生根呀，所以先想係果邊讀返個學歷方便搵工，始終我而家既香港degree 果邊都唔知認唔認受，加上而家係香港作為一個冇父幹既窮撚，我睇唔到有出路，所以，除非衰到要訓街，如果唔係都係打算係果邊長住

個人認為唔好為讀而讀，諗清楚自己未來想做咩先去得。最怕讀埋d唔等駛嘢，或者以為自己鐘意但後尾唔係就好無謂。呢度其實好多人肯請學歷稍低嘅人，讀書未必係唯一出路，甚至半工讀。不過你話讀BCIT d實際技能course都唔錯嘅 (好過求其一個master)
好多人想像呢度係天堂，點差都有政府養云云，實際來到先知搵食艱難，自己又高估適應力，結果搞到好辛苦。不過唔介意工種, 唔係超高生活指數區住都唔會餓死人嘅 (我自己就係搬去低生活成本地方住，舒服好多，又儲到錢)
不過你有國籍? 咁煩少好多野，有d咩隨時返香港又得

東西岸兩邊走 but 宜家留溫哥華多

咁巴打會唔會覺得我個人過左黎先睇學校會好d，因為我而家上網睇完就盲中中走去報，我怕我到時連個course係讀咩都唔知，加上我見到bcit啲種類五花八門，我又怕揀左d伏科讀，另外想問下其實依邊𠄘唔承認香港既degree嫁，會唔會海外大學當你冇讀過，同埋巴打係邊生活緊，想參考下

過來睇學校就幫唔到你揀科嘅，不過可以睇下個環境啱唔啱你。d巴士鐵路系統你預咗同香港無得揮，不過Vancouver整體好靚。實際揀科你問local溫哥華巴絲啦，我依家住細省間中先返去van放假，無乜最新資料。我都想搬返來:sosad:不過住唔起
香港一般大學degree都ok嘅，多數唔會當無讀過。不過同本地univ比點都差dd。其實語言比學歷更重要最緊要唔怕講，講多d
依家好似報唔到9月入學? 1月又太早。可以考慮過來住一陣，好似d人working holiday咁搵住工玩下，甚至唔同市住下再決定後路。不過帶多d錢

九月入學太遲啦 除非你入summer course但係好浪費錢同埋張cert無價值 可以過黎打工體驗下係咪真係自己想要嘅生活 btw我都搵緊溫哥華暑期工：）政府reception有26加幣（152 HKD）一個鐘

Service Canada? 唔使法文咩?

普通city of xxxxx （唔自爆） registration clerk/receptionist幫手book下場 搞下membership咁 中學畢業就得

咁低門欖嘅city工好搶手...我幾年前apply過city engineer (入門級)，後尾先知請1個位收到400份resume

咁我本身都有一份兼職 不過想儲錢比大學學費啫😂

city工好正，一般私人工司一定無咁高，Admin/corporate assistant都未必有26/hr，仲有3星期假

多謝各位巴絲指教

讀咩真係好睇你自己
我見好多人讀econ做銀行

我自己鐘意電腦咁岩有間請我做support

你讀書勁可以試下business

黎住下 望下先啦
都未知自己鐘唔鐘意 適唔適應

計劃緊20年內但未有確實日期，但依期香港政局動盪，越來越不安，可能會提早了

另外，有冇Vancouver 巴絲可以比下意見，過去最少需要帶幾多錢做日常生活費，我最近見到有個大陸youtuber話一個月四千加紙係最低消費，想參考下其他意見

cls平既話2000-2500已經好好

多唔多靚仔

唔多

係咪即係個大陸仔吹大左，佢係話4000只係最低水平，5000以上先可以有尊嚴既生活，我就係睇到半信半疑，下面啲留言又一面倒大陸人

https://youtu.be/wgwlxGAYWqo

痴線啦佢地咁樣生活法 四萬都唔夠

小弟真係唔識，就係想知道返啲貼地既意見，多謝指教