係加拿大讀書 你問我答

同意樓上。無本地經驗同語文能力點都差少少。唔揀擇行業職級，咩都肯做住先唔會話搵唔倒
一般藍領（水電工，燒焊修路個d）會多機會過白領好多。另外聽過day care幼兒教育都成日話唔夠人，不過可能要讀d cert

多謝巴打指敎

餐廳 零售 什至跟香港老師父做裝修都得
整路 維修燈柱呢啲就應該做唔到
Day care要有cert

如果你好耐冇嚟過 你最好黎望下先
旅行同移民唔同

最好有車牌

我咩都冇呀，係叫做得個加籍係手，岩岩grad白紙一張，過到去所有野都要重新黎過，其實如果唔係香港既政治經濟形勢係今年急速轉差都唔諗走住，但宜家只好返去搏一搏，希望過返啲正正常常既安穩生活

安穩真係冇問題
只要你唔介意一開始乜工都做
幾時黎溫哥華？

暫時未有實質日期，但大致暫定2020年內，今年內考埋ielts報埋學校，儲多少少錢，完成埋手上既手尾就會走，始終重新開始越早越好

你有passport應該可以唔一定要IELTS
睇你讀咩 有d考個英文assessment都得
愈早黎愈多時間適應

介唔介意講你幾大？

小弟今年24，但其實我都未决定好讀咩，暫時睇緊bcit既course，考ielts都係為左報學校，本身又廢u文科加低gpa，想話報master都難

另外巴打我想問下，如果我都係諗唔到讀咩好，會唔會直接過到黎生活住一排，邊搵工邊直接搵學校比較好，因為我人在香港，我又比較想要其他人既意見多，唔想on99咁行咁多冤枉路，但email去學校問全部一律官腔回答，我怕我而家plan得太遠，去到未必好似預期咁適應

edmonton留名

回樓上
第一年讀咩都無所謂
第二年先諗想出黎做咩
我發覺係度做野
經驗同自信係搵工最好條件

絲打可唔可以分享下你既經歷，你係係果邊大定香港大？

巴打係讀咩方面有冇咩建議，因為我睇到眼花撩亂

睇完咁多位巴絲嘅意見之後，搵工方面我唔係太擔心，我比較擔心如果我過到嚟同時要兼顧讀書同返工，份人工會唔會唔夠應付日常使費，睇到好多新聞話呢邊啲租丶物價都好貴，加上我而家手上嘅積蓄又唔多，所以都幾擔心

絲打你就好啦係果邊大，生活安穩，有時我都好葡萄我嗰啲係嗰邊大嘅表姐表弟

其實情況無你諗得咁差 我睇你話13.85一個鐘 我過嚟van兩年 而家中學未畢業做下cafe沖咖啡同埋daycare個啲工都有15一個鐘重有tips食飯 加埋英粵普都fleunt到native咁就更加容易搵倒好工 加油

多謝巴打指教，最好就梗係冇我想像中咁差啦，我最怕係我依家想像得嗰邊太美好，一過到去原來完全唔係嗰回事，到時高不成低不就就麻煩啦

有讀書/打工問題可以tg我 盡量答

巴打可唔可以留個tg

老實講 過黎讀書都係為左有本地education 洗下底同有時間做part time叫識下人同攞經驗
唔使諗住讀啲咩高級course 除非你諗住讀返個master或者專業資格 否則你只係浪費緊錢同時間

我係香港都係文科畢業

建議你最好諗清楚回流加拿大嘅原因
究竟你係為咗讀書定返嚟落地生根

同意
經驗同埋network 好重要