[愛情] 三世書不會記載的事 03

post1: https://lihkg.com/thread/1037051/page/1
post2: https://lihkg.com/thread/1053154/page/1
紙言: https://www.shikoto.com/articles/179934.html <—方便大家追故

多謝大家嘅關注同支持，個故最後係要出到第三個po，真係當初都無諗過嘅事，當然希望可以有第四第五個po啦！

你哋每一個正評同留言都對我好大鼓勵

呢到開始會進入故事嘅主線，咁循例都要講：

故事部份內容純屬虛構，如有雷同，實屬巧合。故事中劇情和圖片僅用作推進故事發展，無意影射任何人物。

最後大家都知小弟去咗留學，有時悶到出汁都會影吓相亂打吓隨筆，唔介意嘅希望大家可以follow吓

https://www.instagram.com/heyamigikabetan/
(雖然都有唔少巴絲已經搵到我)

睇返第十四章嘅嘢 諗諗吓都係開新po好過
打緊後記 八點半左右開始今晚

正評支持

繼續支持
出幾多個POST都會BOOKMARK

終於live左 代入感好重

第一身寫嘛

可能最近分手 好似回憶過去咁

十卜

開post又唔出14
想點 期待左好耐

Push，支持樓主啊，你既文筆睇得出有足夠墨水支撐，連登就係需要你喱d作者

可惜你已經預告左sad end

「我行呢邊啊。」在民宿附近的拉麵店吃過最後一餐，我在店外和她們分道揚鑣。由第一天就發現這間拉麵店應該甚有名氣，每天未開店就排滿長長的人龍，趁著走之前來一嘗到底。

「你唔跟我哋行？」她接過我一直幫她拿著的手抽袋。

「你哋去機場個特賣場嘛。我去東邊都唔順路。」我一心只想著盡快離開，好好享受自由自在地在日本。

「咁...你小心啲啦。」我走了不遠，回頭一看，她一邊向前跟著她父親走，但頭卻一直看著我。我對她揚了揚手，再次和她道別。

有朋千里來相會。其實我亦沒想過接下來兩天有甚麼行程，只是覺得難得一場來到大阪，帕爺又在這兒生活，一場朋友不見過面怎麼也過意不去。說起來諷刺，雖然說她們的行程就只有購物，但我除了去大阪城外，也一樣只有購物。但可以和朋友一起無愁無憂的東扯西談，不用怕講錯說話的暢所欲言才是重點，做甚麼所而是其次。

兩天時間話過就過，而命運真懂得算好時間和你開玩笑。剛離開帕爺家不久，才踏上往機場的列車，手機就傳來她的訊息。

加速

好緊張 加速

推

鄭裕彤樓

其實我只係講咗戲肉摘要
個到唔係結局

lm

new po lm

「我阿爸話唔俾我以後搵你。」

口不對心我最勁，她父親很應該去挑戰，肯定贏大獎。

「做咩事。發生咩事。」

「我都話咗我阿爸嬲緊你。」

「妳覺得我同妳哋去呢次旅行開心咩？好多嘢我又唔想係妳老豆面前講。」

「其實無人開心，我明，我都知你呢幾日辛苦，但你哋真係相處唔到。你對我嚟講係好重要啊，但我無可能唔理我老豆感受。」

「我已經做曬我可以做嘅嘢。妳話唔想我去睇兩日音樂祭，想我陪妳一齊，我照做。妳話妳想夾公仔，我叫帕爺幫你夾。妳老豆點樣我都係細細聲同你講，再唔係我自己忍咗佢，依家到仲要我受氣。」

「我想去夾公仔，唔係想要隻公仔，係想我哋之間有啲共同嘅回憶。我鼻敏感根本唔放得公仔係床。你話妥協只係去一日，其實我一日都唔想你去。你話你忍，但就寫曬係塊黑面到。」

「我都唔係黑面，我係真係好攰。連續幾日訓得幾個鐘，前一日先曬到幾乎中暑，扭到膝頭又要係咁行，我邊有咁多體力。」

「你對住我咁我無所謂，但我老豆點諗？」

「我帶妳哋去睇嘢，去睇火車博物館，妳哋又好好咩？」

「你同我去行無所謂，但我老豆腰痛，啲字又全部日文。你係咪咩都要計姐，你知唔知我夾係中間有幾辛苦。」

我把手機駁上耳機播音樂，讓音樂幫自己稍為冷靜下來，再繼續爭吵下去對兩人都沒好處。

「你覺得我真係捨得以後都唔搵你。」我直到上飛機前才看到這條訊息。

對，你真的捨得。

老豆正仆街 男人老狗麻撚煩
腰痛咪撚去旅行啦 要個個就晒你

博物館點會無中文翻譯啊

Push

「又話以後唔搵我。」一如往常的時間，家的鐵閘響起。

「咁你係咪想我唔搵你。」她笑了笑，從門後取出矮桌開始自己的複習。

「中六就唔係搞咁多嘢專心溫書啦。」放下心頭大石，我真的以為她從此就不再來找我。

「有咩搞姐。我遲吓會幫個師妹補習囉。」她不知何時跟我一樣，養成了溫習時會轉筆的習慣。但她的技術不純熟，筆不斷跌在枱上。

「妳唔係仲有幫山大個教授手咩。」

「係啊，我老豆同你講過？」

「都唔會有第二個講啦。妳大學聯招諗好點排未。」

「未喎，我都唔識排。」

「唉妳上嚟。」她從地上站起來，湊到我電腦前。我把上一年學友社的聯招指南開出來給她看。「妳頭三志願就放啲放榜之前有面試嘅科。」

「其實我想去外國讀書。」

「去外國？妳屋企好多錢咩。」說人家時，但自己也選擇了最貴的日本作交換留學。

「咁我哋間學校有獎學金可以申請啊嘛。」

「哎呀，咁妳都要排大學聯招嘛。」

「咁...咁你睇吓山大經濟係咪放榜之前面試。」

「山大？點解山大。」正常人都會先說港大。我照幫她查閱，順便多口問道。