「妳見點?」
「無嘢。唔舒服。」
「邊度唔舒服,有無去睇醫生。」
「一陣睇。」
「我陪妳睇啦,好擔心妳。」
「我唔想見任何人,你唔好迫我,我咩人都唔想見。」
一整個早上都在線上,就知道她肯定沒有去上學。
「你放棄啦,無用架。」
「我點可能就咁放棄,妳好清楚如果我唔救妳我會過意唔去。」
「你唔需要責怪自己,唔係你嘅錯。」
在百分百肯定她真的不和芙水京聯絡前,還是先繼續騙她事情未解決好了。
「妳去邊度睇醫生?」
「商場個邊。」
「妳咩事唔舒服。」
「可能流感掛。」
「我過嚟陪妳一陣喇。」
「我老豆一陣就返。你唔好逼我好無。」
「我已經係妳屋企門口。」站著等了十多秒,她打開門讓我進入。我尾隨她走進她的房間。
「點解你成日都咁。」我把房門關上,她坐在床上,劈頭第一句就是責備的語氣。
「對唔住。」
「我唔係一個人住,你都知我有我嘅難處。」如果妳是一個人住,芙水京就不用花錢去和妳開房了,這裡就是一個免費的炮房。
「我知呀。」房間淺窄,唯一的椅子堆滿了衣服,我只好也坐在床上。「但妳話妳唔舒服嘛,妳知唔知我有幾關心妳。」
妳當然不知道,我可是關心得連實習工也丟了。
「我只係想上嚟陪吓妳,等妳唔好亂諗,亦都當妳陪吓我。