《覆沒‧香港》 - (少甜+喪屍)
無音響子
150
回覆
27 Like
6 Dislike
第 1 頁
第 2 頁
第 3 頁
第 4 頁
第 5 頁
第 6 頁
蛋炒蕃茄
2019-05-15 16:19:19
好想屌
無音響子
2019-05-15 17:07:37
《覆沒‧香港》 【十九】
BEN慢慢退到牆邊遠離後樓梯門,希望可以令氣味減輕。
但喪屍似乎冇放棄探索樓梯「嗉嗉嗉…」聲不斷從門的空隙傳來。「咯…咯…」喪屍推門令門和垃圾桶碰撞發出了聲音更令喪屍為之興奮。
「咯咯咯咯…」碰撞聲越來越快越來越重。
「啪…啪…」傳入阿BEN耳中係垃圾桶膠邊破裂嘅聲音,垃圾桶似乎頂唔住,就快要爛掉…
「….」BEN望住下層突出頭嘅亨利。
亨利似乎知道阿BEN嘅意思:「走……」
亨利同阿BEN立即向下跑。
「嗚…….」喪屍從小窗口見到阿BEN跑過,立即大叫並不停向後樓梯大門衝擊!
「啪啪啪…」垃圾桶不消一刻已被撞破,喪屍因太大力撞擊後門而整隻飛撞到樓梯去。
「哇………..跑快D啊。」BEN才跑到樓梯轉角位置見到喪屍經已突破大門嚇得大叫:「隻喪屍入左樓梯啊…..」
亨利荒不擇路的拉開了1樓門走入。
「喂…吊你ON 9仔做咩入1樓…梗係返地下…」阿BEN見住亨利走入去1樓,立即拉門叫亨利出返黎。
「係….」亨利入到1樓大堂先醒起自己走錯路,立即走出黎樓梯!
「哇…」阿BEN同亨利兩人撞個正著雙雙倒地。
亨利跌到1樓大堂內,阿BEN則跌回樓梯內頭部更撞到樓梯:「啊….」因頭部撞擊而大叫一聲後便失去知覺。
喪屍從2樓跌跌撞撞的滾下來,看到BEN倒地立即嚎叫一聲飛撲下來。
「阿BEN……」亨利從正在關上的後樓梯門看著阿BEN例下喪屍從轉角位置飛撲下來。
同時地下的大舟三人聽到阿BEN慘叫聲,三人大為震驚。
無音響子
2019-05-15 17:30:46
《覆沒‧香港》 【二十】
「阿BEN….」大舟聲到撞擊聲及阿BEN大叫,立即跑去後樓梯想衝上去。
「喂…. 你唔好入去啊…. 有喪屍入上面叫啊….」Jolie拉著大舟阻止大舟開門上去。
「係啊… 好危險架… 你朋友大叫一聲…佢應該….」Bella趕緊上前幫忙阻止。
「點會啊…. 痴線佢地3個人點會有事………… 我要上去啊。」
「喂啊…唔好啊…」 Jolie出盡力拉實大舟。
「唔好上去啦!! 好危險架。」 Bella走到後樓梯門前捉緊大舟兩臂。「唔好上去….」
「唔得啊。 佢兩個係我兄弟黎架… 我唔可以比佢地有事,我要上去幫佢地。」
「如果佢地冇事自然會跑落黎,如果佢地唔好彩有事被咬,你上去又有咩用?」 Bella大聲的說。
「….」大舟冷靜下來一會:「唔得,我唔係親眼見到唔會放棄!!! 我唔可以失去兄弟!!!!」大舟發力將Jolie推開打算強行將Bella亦推倒走入後樓梯。
「哇..好痛啊…」Jolie被大舟蠻力一推跌在地上,腳踝扭傷了:「好痛…我隻腳…」
「…」大舟回望一眼在地上的Jolie:「對唔住…但我唔可以唔理佢地。」
「咁你就唔洗理我同Jolie? 你有冇過份D?」Bella說得澈動起來:「你上左去一陣死左點算? 我地兩個點算…..?」Bella兩眼通紅淚珠串串落下。
「…」大舟面對Bella的眼淚一時間心軟了:「對唔住….」大舟心裡明白眼前兩個女人只係識左唔夠幾個鐘,論關係點都唔及阿BEN同文仔兩個兄弟!
再加上自己從未來通過時光機來到現代後發生嘅事情,令到自己對阿BEN文仔嘅感情有著非比沉常嘅感受。兄弟長輩嘅雙重身份令大舟唔想失去兩人,但Bella所講亦不冇道理。
如果佢地冇事就會落黎,如果不幸被咬…自己上去亦無補於事…
「你唔係話仲要過海搵家人咩….? 咁你如果上左去有咩事點算? 仲點返去見家人啊?」 冷艷嘅Bella好少出聲,卻竟然可以如此冷靜的分析,令大舟另眼相看。
「….係…….. 我明…….」大舟轉身走向Jolie:「Jolie…對唔住…你隻腳點啊….?」
「好痛啊…衰人… 搞到我扭親…..」Jolie梨花帶雨的哭著向大舟抱怨!
即是咁
2019-05-15 20:55:04
《覆沒‧香港》 【二十】
再加上自己從未來通過時光機來到現代後發生嘅事情,令到自己對阿BEN文仔嘅感情有著非比沉常嘅感受。
無音響子
2019-05-17 15:40:50
《覆沒‧香港》 【二十一】
「啊… 好痛啊。 我行唔到啊。」Jolie對我說,因為我嘅衝動搞到Jolie扭傷腳。
「SORRY… 我幫你睇下。」 學過急救嘅我蹲下檢查Jolie足踝位置:「唔… 應該冇骨裂,只係扭傷。」
「唔… 但係好痛啊… 我諗我行唔到…」Jolie左腳屈曲為自己輕按足踝。
坐係地上穿短裙嘅Jolie將腳微微曲起,裙下春光完完全全的展露於我面前。 米白色的蕾絲底褲,一條白滑美腿,近看起來完全不被Bella的修長美腿比下去。
「咳咳….」Jolie乾咳幾聲。
【SHIT!... 被發現了。】我知道被Jolie留意到自己又偷睇了。
「啊…我扶你去坐係管員處度先啦…」我扮晒野。
「…好….」Jolie提起左手要我扶,同時Bella亦上前幫手扶Jolie右邊身。
「唔…痛啊。」Jolie起身試行,左腳一發力踏下就痛到大叫。
好衰唔衰,佢個身向左面嘅我壓來,我腹部先係被Jolie左手手肘重重一撞後心口再被一團軟軟的肉團壓來。
「嘩….」好耐冇試過被那種柔軟質感衝擊過,一時間我竟呻吟了一聲。「小心…」 我飛快的改了我的聲調叫Jolie小心。
「啊… 好痛啊….」Jolie講好痛…一邊呻吟一邊的說,令我有無限的遐想,在想像色色的畫面片段…
「最衰係你啊。 搞到佢受傷….」Bella責怪我嘅衝動:「Jolie行動不便,點算啊….」
「先比佢坐係管理員張凳先!」我認為講咩都冇用,索性比Jolie坐底先算。
「嗚…」 Jolie一坐下竟然又再喊起來…
「SORRY …. 對唔住啊Jolie….係唔係仲好痛….」我跪在佢腳旁,再輕輕按壓佢嘅足踝受傷處。 當然我將視線移開。
「少少啦…」Jolie抽搐地說。
「嗚….」突然轉來喪屍叫聲。
「哇…」Bella同Jolie又再大叫,叫聲震耳欲聾!
「冷靜…冷靜…」我先叫兩人安靜!
從後樓梯門口突然出現一隻喪屍…. 咁阿BEN同文仔佢地呢?
「喂….你唔好行過去啊…」Bella一手拉住打算行近樓梯嘅我。
「佢唔識開門嘅…放心!」我說。
「啪啪啪…啪啪…」 雖說喪屍唔會拉開度門,一下一下撞門嘅聲音卻令我感到極度恐懼!!!
我從地下大堂望入樓梯,只看到一隻喪屍張開口露出牙齒要咬我。 依一刻我先仔細的留意到喪屍,佢嘅牙齒唔係想像中尖銳不像野獸般,一D都唔似拍戲果一種。
如果要形容,喪屍只係神智不情,手腳扭曲抽搐嘅怪人。 面色有點青白同流好多口水。
「只係得一隻…文仔阿BEN地唔係度…」我說。
「咁你想講話你D朋友冇事???」Bella企在我幾呎之外離遠望去樓梯內:「又可能只係佢地被咬冇耐未變,又可能係佢地已經比喪屍咬死左,你點知啊?」
「唔知… 之前睇好多都係咬完等好耐先喪屍…不過我覺得有D怪,點解係胡忠停車場內果個中年男人會突然開左門比喪屍咬完就變? 你地見唔見到當時發生咩事?」
「我都唔知,我果時冇望果度。」Bella搖頭:「Jolie有冇見到變事?」
「嗚…我都….唔知…嗚…」Jolie 見到喪屍在拍打樓梯門,臉色變得青白。
「文仔~~~~~阿BEN~~~~~~~~~」我隔住大門叫,希望得到回應。
「嗚…..嗚….嗄……..」只有眼前喪屍嚎叫回應我。
「算啦…. 你唔好留係度啦… 我睇度門唔多頂到好耐……」Bella拉一拉我手臂:「我地不如離開啦….」
「唔得…佢地一定冇事嘅…..佢地唔會架….」我真係有衝動大力將門推開,將喪屍撞倒後上樓搵佢地。
但如果….如果真係….佢地已經死左或者變左喪屍呢….?
我跪在地上苦惱著….
「大舟哥…. 走啦。 依度不宜久留… 你仲要返去見你家人…. 唔係咩?」Bella隻手放在我膊頭上。
「唔…」係…. 我仲有家人…. 我仲有希望!!! 留係度都可能冇用!!!「好! 你講得冇錯,我地走,要快D過海!」
「咁就岩啦…. Jolie你得唔得啊….? 準備走人。」 Bella回頭回Jolie。
「我可能行唔到……..」Jolie的足踝有點腫脹。
「唔…. 你就坐係凳上,我推你啦。」 張凳係OFFICE果種有轆嘅凳:「張凳有轆,我可以推你。」
「好啊…..」Jolie滿意我嘅安排。
「好~ 咁快D走人。」Bella執起之前我地係外面拎嘅樹枝同石頭一馬當先爬上之前被爆開嘅窗走出外面。
我則抱起Jolie從窗口文比外面嘅Bella後再係管理處拎左張紙寫下。
【BEN 文仔,因為有喪屍我地要先離開! 中山公園見。】 我留下字條貼在大廈玻璃門上,希望阿Ben文仔真係可以睇到……
無音響子
2019-05-22 16:48:52
《覆沒‧香港》 【二十二】
我留下字條就推住Jolie同Bella一齊離開依個短暫逗留嘅地方,由於充滿不確定性,我地唔知道隻喪屍會唔會衝破到出大堂,更加唔知道到底仲有幾多喪屍係樓上,會唔會係上面落黎。
離開了身在外。 卻更感恐懼,四周只有我地3人,雖然四周無見到喪屍,但內心總係害怕會唔知係邊有喪屍襲來。我地都認為喪屍已經充滿於任何地方了,我地不能不提高警覺。
「前路亡亡,我地要點走法啊大舟哥….?」 Bella問我。
「放心,我要先去一個地方!!」 我早已經有決定!
我地3人行左15分鐘左右就由油站走到了堅尼地道上嘅港燈公司,港燈大門關上。 我地從停車場入口走入,打算向大廈內走。
「門LOCK晒….」 Bella試從則門打算由停車場入大廈則門。
「似乎因為停電,所以依一D電閘都lock左開唔到….」 我不感意外:「我諗就算比我地打爛大門玻璃入到去大度內,但我地唔知入面有冇喪屍,如果有我地要逃走可能都會因為其他地方被上鎖好難逃走,我地再去第二度啦。」
對於一個未知嘅地方,人總係會先考慮唔去搏。
「係啦…. 我地都係走啦…」 Bella說。
「唉….早知就留係岩岩座大廈大堂度啦… 出到黎好似仲衰過留底….」 Jolie有點氣餒。
「但你留底可以肯定係冇後路啦,我地離開仲可能有一線生機,你明唔明啊?」 我有點氣憤,點會考慮坐以待斃而唔去為自己著想離開!?
到底Jolie咩心態? 唔通佢以為喪屍見佢乖乖地留下就唔會咬佢?
「Jolie出黎搏一搏都要架啦… 我地冇可以等死…」 Bella說出一個事實:「雖然唔知出黎係唔係好事,唔知結果係點,但點都係要出黎架啦……」
「我明…..」 Jolie唔知係唔係真係明,反正我地都離開了,再向中環方向行。
再過左幾分鐘,我地行到去另一個半山的住宅。
「我地入唔入去…..?」Jolie問。
「唔…. 會唔會又好似之前果度咁,有喪屍….?」Bella等候我嘅決定。
「我諗唔好入啦…」我從幾個單位玻璃窗見到入面有人,但幾個單位內嘅人似乎都露出了敵意…「你地睇下果度,有幾家人都好似好唔歡迎我地。」
「啊…. 我諗真係唔好入啦,你地睇下大堂…..」Bella指住大廈大堂,我見到一隻穿起保安只制服嘅喪屍正係大堂內開餐,一啖一啖咬地上一個人嘅大腿…
「啊…好核突….」Jolie同Bella看了一眼後都別個頭來。
「我地走啦….」我拉住Bella手臂推著Jolie離開。
之後途經了中國外交部駐港特派員公署同另一D住宅。 情況同之前都差唔多。 大門開唔到,又或者係大廈內傳出喪屍嘅鳴叫或者係人類嘅慘叫。
一切一切都令我地3人異常害怕!!!
走著走著我地終於去到堅尼地道未段,亦都到達我要去嘅一個目的地 - 雍仁會館!
雍仁會館是一幢3層高的建築物,四面密封坐落於堅尼地道上,外形設計四四方方的非常平凡,一點都不顯眼。
即是咁
2019-05-22 22:13:55
過一過馬路就係禮賓府
睇操女教練
2019-05-22 22:14:50
幾時加多啲甜
e到奥巴馬
2019-05-23 18:50:20
即是咁
2019-05-23 21:26:13
飽暖思淫慾
即是咁
2019-05-28 22:23:52
響巴
西有味有西柚味
2019-05-29 10:18:36
推推
無音響子
2019-05-30 17:41:40
《覆沒‧香港》 【二十四】
「飲杯~」 Jolie兩杯到肚開始有少少HIGH
「飲杯…..」我同Bella都無奈地同佢碰杯。
「哈… 好酒。 D牛又好食~ 哈….真係開心啊。 嘻嘻~~~~ 」Jolie一口飲晒再自己斟。
「唉呀…Jolie你浪費晒D酒啦… 咁大啖飲晒…」 Bella細味著紅酒同時不滿Jolie浪費左咁靚嘅紅酒。
「唔~ 有咩問題! 今朝有酒今朝醉啊…哈…都唔知過唔過到聽日!!!」 Jolie又是一口氣將美酒吞下。
「…」我同Bella相對望,冇話可說。 我地3人邊飲酒邊品嚐美食,係會館內得到短暫的安全。
Jolie好快已經醉左。 我就將佢推上3樓頂層一個小會議室中的長梳化上休息。
「好… 你今晚都同Jolie留係度啦,我就留係對面間會議室度,你同Jolie冇咩事唔好四圍走,雖然已經確定左依度冇喪屍,不過唔知會唔會有其他危險事情。」放下Jolie後我同Bella講。
「唔….」Bella望住我,眼神有點憂傷。
「你怕就大叫啦,依度話大唔大,我會立即過黎。」我已走出門口。
離開Bella同Jolie間房後我上左去天台觀察四周,我留意到四周冇車冇人,大廈亦冇燈光! 月光映照大地。 視線冇想像中咁差,對於幾十米外嘅景物仍是可以看到的。
會館四周冇喪屍,可能偽高尚住宅區關係,冇咩人出入亦少喪屍出現。 反而我見到有人係附近大廈中,同我一樣望著街外情況。
偶爾會聽到少量喪屍從附近大廈發出的低鳴,但似乎對我地冇大影響。
不過從中環一帶卻傳來陣陣喪屍叫聲,數量似乎唔少…
但依一刻我亦冇法確定,只好退回會館內休息。
「大舟…」才回到3樓就聽到Bella叫我:「你去左邊….我仲以為你走左唔理我地啦….」
「我上左天台睇下四周環境姐,不過冇咩發現,太黑啦….哈…」我冇將中環中心地區有好多喪屍聲話比Bella知,為免嚇親佢。
「唔….我訓唔著啊… 你可唔可以陪下我….」Bella行近我,我先睇到佢神情擔憂的。
我心想,係依個周圍喪屍嘅香港點會唔擔心。 香港已經變到唔再係我地熟悉嘅香港啦… 更何況係Bella一個女仔…
「唔~ 我都訓唔到住,不如落去餐廳坐下食多少少野,反正野食好多都拎唔走會變壞,我地襯仲未壞食多少少啦。」
「好啊… 我地落去啦。」 Bella撓住我手係落去。「好黑啊… 我唔係好睇到路。
我提著仲有50%電嘅電話同Bella一齊落返地下。
即是咁
2019-05-30 18:27:46
落到去就食左家實你啦
即是咁
2019-05-31 20:14:33
加甜加甜
between 係咪得翻我追故啦響巴
蝶古巴特
2019-05-31 20:16:22
新讀者 lm
e到奥巴馬
2019-06-01 00:53:03
加速
無音響子
2019-06-01 02:44:34
舊人得你
即是咁
2019-06-01 10:34:12
好掛住同求其巴 米缸巴 同BBG幾條友吹水同埋笑響巴你d錯字既日子
無音響子
2019-06-01 22:02:47
即是咁
2019-06-01 22:06:16
召喚翻幾位巴打出黎啦
hellobyebye
2019-06-01 23:31:40
我都追左好耐架 不過好少lm
可愛有村架純
2019-06-03 01:23:58
新讀者留名
第 1 頁
第 2 頁
第 3 頁
第 4 頁
第 5 頁
第 6 頁
吹水台
自選台
熱 門
最 新
手機台
時事台
政事台
World
體育台
娛樂台
動漫台
Apps台
遊戲台
影視台
講故台
健康台
感情台
家庭台
潮流台
美容台
上班台
財經台
房屋台
飲食台
旅遊台
學術台
校園台
汽車台
音樂台
創意台
硬件台
電器台
攝影台
玩具台
寵物台
軟件台
活動台
電訊台
直播台
站務台
黑 洞