有無人有復合既故事？

其實我已經叫好好了，但自己好想挽救，我都好貪心

自己要諗清楚當初分手既原因，俾啲時間自己去改變去成長，相信有緣一定會再一起，或者在成長之後都會遇到更加合襯既人，一起努力

點解可以咁理性 比著我比人飛一定過一排都仲諗得好灰

咩星座？

我自己搵低左本筆記
自己分析晒點解會搞成點、問題原因、點解要挽回、解決方法等等既問題
我都覺好癡線，但咁樣好似可以比自己正視每項問題

其實我都好灰好頹好痛
但同時知道我越早醒 越早振作，挽回機會會大啲...

你會feel 到佢說話入面，仲有無關心你
如果你仲有感覺佢係仲care ，可以試探下佢
如果佢主要update 你：佢近排既生活=佢想調整返自己生活=唔係講復合既好時機

我覺得唔好諗住為咗挽回而去振作，最怕個結果係由天堂跌落地獄 到時仲痛 不過都明講就易 做就食屎

Btw 加油

點解要講 我真係寧願自己唔知

其實呢家我行每步都係抱住失敗既期望，起碼無咁痛

講完都覺自己癡線

同巴打情況一樣
我就幾個鐘前分手 又係大家道別 講出個問題
原來係我令到對方好辛苦
個下自己都好自責 又好唔捨得
最終其實都係想大家有更好嘅生活

未來嘅野話唔埋㗎 提早振作 努力去改變
希望我同巴打你都可以成功復合返 搵到自己幸福

多謝 好驚星期六個日再見到佢

我年幾嘅感情 都要就咁結束 都好辛苦

正面啲諗啦 你努力緊對方都努力緊 就比大家move on啦

Detail?

哈哈哈哈 我地一樣啊我都搵左本筆記畫樹狀圖從啱啱一起到走到分手所有既問題，同埋當初點解會鍾意佢、依家還鍾意佢乜嘢，仲有寫左好多想講既嘢，但都係為了提醒自己要向前行，唔好犯一樣既錯。

癡線
不過自從分左手我就好信星座同塔羅牌個啲

我都係！！！笑死我唔信星座，因為佢同我一個星座塔羅牌就痴線咁去算，其實都係好結果，但我唔想俾自己太大希望，之後失望會更加難受

冇..佢想繼續當朋友，我接受唔到，堅持離開佢，有啲時候好想搵佢做翻朋友，但我自己會好痛苦

巴打，你放鬆d ，先會表現得自然d，加油
如果你太緊張，佢都會feel 到好尷尬，個氣氛會好差

岩岩見完了 我始終都無講挽回個啲
只係好自然咁同佢傾計，佢都有care我近況
希望下次見面會有進展

自然係好事 慢慢黎啦

同樓主一樣係分開前溝通過，開頭佢係WhatsApp同我講想分開下，但最後出嚟溝通算係我話放手，因為我覺得大家總係有好多問題解決唔到磨合唔到，而且我令到對方好辛苦好辛苦，所以我選擇左離開。但過咗幾分鐘之後我就後悔，佢係屋企樓下等佢，佢好決絕但係佢話會再考慮，然後在約咗佢下個星期再見多次面進行溝通，但可能佢都諗得好清楚，所以佢嗰日之後我哋就冇再見過面，佢亦都唔想再溝通，再同我講要講都講晒啦。
直到有一晚我失控WhatsApp語音佢，但佢一個錄音都冇再聽，我知道我要放低囉，我唔可以再令到自己俾佢嘅行為牽住我嘅情緒走，最後我block 晒佢所有嘢，因為我唔想自己知道佢嘅生活，所以我做咗一樣咁樣嘅事。後尾，因為想問佢攞返啲日常用品，所以將佢WhatsApp重新解block，而且同佢講希望我哋日後能夠做好朋友，因為大家經歷過嘅嘢實在太多。
分手至今已經兩個月，佢同我講你做到朋友嘅關係，因為佢未move on，而且佢仲覺得我好煩添，咁所以現階段來講我覺得自己增值自己，令自己成為更好嘅人，呢樣野係我依家要做到嘅嘢。
我希望我哋有機會復合，而復合嘅時候會係我同佢都有所成長嘅人，我唔會好似以前咁令佢成日擔心我，我會比佢知道我有因為佢已改過，好多人話性格冇得改變，但我知道隨着時間嘅過去一個人嘅性格都會有所改變，時間令我會變得更加堅強、成熟、勇敢，更希望時間讓我理清過往做錯過嘅一切，以及時間慢慢過令佢會更容易忘記我過往做過嘅錯，再同我裝備好自己為雙方未來向前。
多謝你哋復合嘅故事令我更有信心，希望遲啲我亦都可以同你地分享我同佢復合嘅故事，大家一齊加油俾心機呀！

多謝您阿！