有無人有復合既故事？

最緊要解決左，唔好又重複，真心恭喜你能夠搵到個真係愛你既

順其自然，增值自己，我都係怕呢樣野，因為我果個真係多人追，但係無辦法，要相信自己

咁睇其實有機，不過可能係佢未準備好

我覺得如果進展得咁好就唔好

曾經上一個都放棄左 原本都係熱戀中
無啦啦 話淡左 不了
問又唔講 直接一句冇咩feel 都係算啦 咁就完左
起碼同現任 仲會想成日見 又會掛住對方
感覺復合前拍嗰一年 作都冇鍾意過我/唔識表達

可能佢有野擔心 不妨問下
嗰陣傾返一個月 佢都有啲唔想傾復合
純粹覺得而家相處幾開心（朋友咁）
問返佢就驚我太痴身 驚做咗男朋友會成日痴住佢 煩住佢
最後我話 好多女都痴 鍾意你咪痴你，唔鍾意你話之你去邊我都唔想知，鍾意就大家改下努力下，一係唔好再搵我
結果 冇聯絡兩日 我都有啲失落 始終佢搵得你 仲會同你出街睇戲食飯 以佢性格來講唔鍾意你根本唔會做咁多嘢
過左兩日佢就叫我落樓 話買左野比我 就問我可唔可以做返佢女朋友

我果個咪又係，半年前先去完旅行，上個月先送個好貴既銀包俾我，之後就同我話做返朋友

分手->復合 ->分手->復合->分手

我都係咁，呢個時間，最好搵其他野做，分散注意，我知好難，因為我而家滿腦子都係佢，尋晚又過左一晚難熬既夜晚，但我只要相信，要有信心，同樓上有人講過，吸引力法則，只要你有心復合，自然會吸引返佢

男仔咪好啲，女仔點會咁主動

加油

其實我真係好想知做返朋友係咩事囉
你真係好鍾意好鍾意會接受到做朋友？
佢嗰陣同我講 我會以朋友嘅身份睇住你 照顧你
我話唔洗 佢就問我做咩咁硬頸 非黑即白 唔係愛就係恨 冇中間位架咩？
有嘗試過做朋友 但睇住佢Hea你 唔應你 好冷淡
喂大佬 我真係接受唔到囉

一陣就話 試過唔見12個鐘
經常發生 唔見成日 佢食飽飯柯埋屎都仲有時間先會覆下我
以前搵佢又話我煩 訓下都唔比 我咪唔理佢
佢就話 佢病左 做咩唔關心下佢

我都想我男朋友主動搵翻我最斃係佢分手後好似冇乜野咁 ig又冇乜po話唔開心 po旅行相就日日po

好鍾意我都會咁做 睇下佢咩性格姐
當初我都係不顧一切咁追佢
軟硬兼施 因為佢好被動 想就自己爭取
但唔好逼人答咁 探下口風 問佢有咩顧慮咁會唔會好啲？

唉，我果個就由乜都覆，到最後睇得出唔想覆，次次我打完野，見佢在線上，之後就offline，其實覆個表情，覆一句有幾難，我日日都會同佢講，我瞓醒，返工，食飯，收工，瞓教，有時會講下返工啲野，又叫佢講完黎緊幾個星期有乜做，等大家好就啲，其實呢啲都係好基本既野，但係佢就覺得好似乜都要報咁，無自由，迫到佢抖唔到氣

表面姐 可能我係我男朋友初戀掛
係你就係你 嗰陣都冇諗過佢會返嚟
以前好憎佢 諗到要一直對住佢就不了

其實我好唔好搵返佢？

其實。。。佢想同你講自然會講
我初戀都會逼我講 嗰陣我覺得好煩
點解咩都要講 一直佢講我間唔中講下
直到第二任 我好鍾意佢 唔想佢搵唔到我 唔想佢喺度估我做緊咩 好想咩都同佢講晒 自然自己就會主動講
想就會做 逼唔嚟 逼佢仲反感
初頭我現任都係唔會報到 咁我都唔報
我去邊做咩佢都唔知 有問過佢你唔想知嘅咩
佢：知嚟有咩用？
我真係唔識答
我試過嗰陣返咗大陸 佢去到夜晚先問我一句 你去左邊
等左成日都唔搵我 可能去到夜晚終於發現我唔見咗

搵嚟做咩 都好明顯
搵佢都係冇好下場 我覺得
唔通禁錯制咩
朋友試過 睇完戲就比人同佢講
對唔住 我鍾意自己一個多啲88

唉，我就係想俾佢知我去左邊，唔想暪佢，等佢有安全感，點知，其實唔係個個岩岩用，而家咪換黎呢個教訓

我同我男朋友都係初戀分手前我問過佢仲愛唔愛我 佢話愛 但性格夾唔到 我呢幾日都諗梗其實會唔會係佢唔知點做先畀到我想要嘅野我 分手前每次想同佢好好地傾下佢都會避