有無人有復合既故事？

佢話佢掛住佢嘅ex

唔試下追番佢

同女朋友一齊左6年幾就黎7年了，前幾日佢同我講佢好大壓力，三年前佢都同我講過佢話對我有d 淡，想分開，但我係咁求佢再比機會試下。跟住前幾日佢話真係要分手啦，佢覺得呢兩年都係對我好淡，唔想再呃自己同我，所以佢講左出黎。
明明我地一路都計劃緊結婚，儲緊錢。但最後都係要完。
佢同我講我地可以做朋友，我仲係佢一個佢覺得重要既人黎，只係感覺淡了，想試下分開，認清自己既感覺。
之後佢同我講完分手過左幾個鐘後，我就不停約佢出黎見下傾下，佢都話唔可以，我仲不停chur 佢，佢就話唔好迫佢，咁樣迫佢佢只會對我反感。
咁之後我都係每日同佢講一句早晨同工作加油，佢都係hea 覆我，我忍唔住問左佢一句我係咪講咩佢都覺得好唔自在？佢話係，我就再冇wts 佢。
今日佢係ig story 到po 話一個人生活更開心，好多年未試過咁開心。個心好痛，之後佢仲del 哂ig 有我d 相。
我可以點做呀，好辛苦，好想同返佢一齊

巴打幾大

28 了

我32啦，一齊加油

唉，都唔知講咩好

加油，我同你一樣，尋日都仲出街好甜蜜，今日就講做返朋友，我由天堂跌左落地獄咁，我都有做你講分開左之後既野，佢好反感，所以，首先，我而家都做緊，唔好強迫佢，先斷聯唔好聯絡一兩個月，期間搵啲興趣分散時間，我就下星期開始跟個朋友去打拳，希望令自己唔好諗咁多，等到時間咁上下，希望再以朋友身份問下近況，如果佢有感覺，點都會一齊返，係好辛苦，我今日第9日啦，每日啲時間都過得好慢，每晚都半夜扎醒，滿腦子都係佢，一齊加油啦，我都希望大家能夠復合成功

睇下佢出發點，有人喜歡拍散拖，有人一開始就諗住到老，每個人既準則唔同，如果想復合就唔好咁易放棄

試過 但冇用， 有d 野 機會得一次 過左就冇

一齊加油，時間真係好難過，返工日子都還可以，但一到放假同夜籣人靜既時候就會不停咁諗佢d 野同我地以前d 野，今日我先第5日。我依家每晚都訓唔到，多數都係訓2,3個鐘就起身，但個身體好似唔識攰咁。
祝你地可以復合成功

成日明明都諗通左要點做，但一到夜晚啲回憶又再出返黎拉拉扯扯，個心就開始痛，喺呢到有一班差唔多經歷既人，能夠有抒發空間先無咁辛苦

今日放假都係睇呢個po 黎舒緩個心同消磨時間

加油啦，上面都好多人復合到，俾啲時間同信心自己

有感情基礎會好啲嘅 易啲撻返著
我同男朋友 識左9-10年啦 過第7年左右先一齊 算係細水長流
ex就拍得兩個月 但就愛得最深 傷得仲深 好轟烈

大家加油啊 呢兩個月我都諗通左好多
但愛唔係打工 唔係將功補過咁accumulative㗎
唔愛就唔愛㗎啦

又訓醒左啦，見到佢仲online
未分手前佢好早就訓左
我都唔想成日睇佢有冇onlline

我都會睇

呢幾日好苦惱 同佢散左半年 斷聯差唔多3個月 發現自己仲係好鍾意佢 好想同佢喺返埋一齊。但係對方完全不為所動咁 睇佢story仲好似日日過得幾開心 我應唔應該主動聯絡返佢？求巴絲打解答

同佢係因為「性格不合」而散 但其實我覺得係因為當時冇左新鮮感

諗住上個禮拜睇開咗，個人會好啲，點知前日有朋友結婚，即刻諗起之前話過想同佢結婚，但係而家乜都唔係，真係好難受。
仲要每日都仲要返工，根本連真正抖下既時間都冇。

反而想問有無對方決絕分手但喺復合嘅故事