有無人有復合既故事？

分手無耐佢好快識到第個仲一齊咗
當時hurt到仆街 發誓唔會再搵佢
後尾有一日sd咗段野俾佢係講分手期間嘅我
本身話做朋友
但後來真係按捺不住就同佢攤牌
之後就一齊返

本來大家都應承大家要努力做好，但佢既態度明顯冷淡左啲，但見到面佢都會好開心，會拖下我攬住我。

係有日我頂唔順我同佢講野淨係覆 Sticker比我，打左篇野比佢，隔左成日佢無覆過我...

第日收工我忍唔住打比佢，我問咁大家即係點呀，佢話：都係睇你架咋

個下我好心急想解決問題，想大家好似以前咁，係咁問我地可唔可以好好講下，解決下。佢話唔好問佢問題，我唔知原來佢忙緊實習啲野，突然爆左句：你可唔可以呢啲時間打黎啊，我好已經好忙好多野做，我唔係淨係合格就算，你已經幫我唔到，可唔可唔好煩我啊？

我即刻係條街到喊左出黎
到第日我再打個電話比佢，佢話我地仲可以點，分手仲可以點個啲，之後既野我都唔係好記得，淨係記得好痛
之後既事，就係我開左呢個post

幾日前，我好對唔住咁多位巴絲，我都係忍唔住打左一大篇野比佢，大概係話你有新目標，咁我都要走了，但好可惜最後，佢都無選擇同我講多兩句，好好講個時發生既問題，淨係講左句：過左去既野就算啦，早啲休息啦。

後黎我發現佢同我朋友講，話原來我咁做佢會覺得我係癡漢，好痛，但我留唔低了

對唔住呀咁多位巴絲

離 合 再離
復咩合 唔喇 愛同掛住既 都係最初既佢
人會變 你唔變唔代表佢都一樣
無言了 很累了

約 一開始只保持朋友動作
慢慢接近佢再拖佢手 佢鬆你都唔好放
直到佢停止反抗 你先放
之後再拖會容易好多
走前錫佢面 佢問點解 你話好難講
佢追問你 你話下次帶佢去一個地方
之後三日唔主動搵佢 再約 示愛 完成

我明既巴打，唔洗咁自責！呢個時候好多人都係咁，點都會搵一搵既！一定唔會忍得住！你地一齊幾耐先？如果都有一啲時間、有啲經歷，應該有機會。女人要冷淡、要淡冇人可以改變佢既想法！我女朋友之前都係咁，好似變咗一個人咁！我地之前亦都分開過一個月（完完全全冇再搵大家，但我心係仲掛住）。亦好似你地咁，之前係乜都唔講出嚟，淨係識爆！

復合未必係一件好事…
感覺就係以前發生過既嘢無限循環
一開始復合的確有熱戀嗰種feel
但係後尾又係嗌交
有時仲提番分手嗰時啲嘢

其實我都唔知有無機會 好累

一齊咗年半散咗
半年後再一齊返到而家
大概一齊咗差唔多三年

散過3個月左右 再拍翻
直至依家第5個年頭
又散 今次散的原因同第一次唔同

咁先係有機喎我覺得，證明佢未放底，一個人好地地朋友點會咁

用一個理想化嘅方式去諗，如果雙方都好鍾意對方冇理由打風都打得甩！如果佢係講得出呢啲說話，可能佢應該係暫時唔想理你！或者佢都唔知自己想點，唯有拖住先。如果佢真係好鍾意你，佢唔會講得出突然淡或者冇咗感覺。最大可能佢就真係唔想同你一齊！

不過我諗男女都係，如果對方突然間有呢啲想法，其實你做啲乜嘢都暫時改變唔到對方！雖然叫你唔好理佢或者唔好理呢件事係好難，但係有時候有啲嘢真係冇辦法諗得咁多。反而有時候順其自然，冇咁着緊、佢又突然間出現。

Sorry1999

學你前面咁講，搵啲嘢做住先！過下日子先！如果你哋段感情係有價值的話，我相信佢自己做完所有嘢之後、一個人嘅時間應該會突然間諗返起你！之後再諗下你哋之間嘅相處或者經歷！慢慢慢慢可能佢就會主動搵返你。

我女朋友係一個好硬頸嘅人，之前都係自己大細路、唔嗲唔吊！所以佢要分手，我哋之後真係分開咗一個月！呢一個月入邊我都冇乜點搵過佢，直到有一日佢突然間Whatsapp我，問我係咪真係會改！？(當然我到而家都仲未改得晒)我亦都有問佢點解你會突然間搵我，因為佢話仲鍾意我！但係之前個刻真係好憎我(因為我係咁chur住佢，又要即刻解決！個啲)。跟住我就明白，特別我哋呢啲被動式分開既人，其實真係做唔到啲咩！唯有繼續裝備自己好好咁生活，我相信佢會睇到！

巴打你講得都好岩，其實我有機會發展新關係，我都拒絕左

因為真係仲未放低同reday好接受一個新既人

呢刻唯有既真係做好啲 希望佢仲有感覺

我分開左十年
又一齊番😂
年尾結婚