有無人有復合既故事？

我就係唔信，同唔希望係咁

巴打, 我都係散左無耐, 初時真係成個人癲左,
日日夜夜個腦都係諗住佢,
不過時間耐左, 做下其他野分下神,
你就會發現自己已經慢慢好緊

多謝，我唔係怕自己唔好，而係怕會因為時間而失去佢

我嗰陣都係拍左年半左右 好似都冇
6月-3月咁上下 但細分左兩三次
都係我叫佢努力 唔好下下唔鍾意就分（同佢嗰陣唔多鍾意我啦，有好多野比我重要，冇咩點理我、好少覆我同出街）
到3月左右，佢比好多佢覺得重要嘅野搞到爆左
走嚟爆我 覺得我幫唔到佢仲拖累佢 比負擔佢
所以要同我分手
咁我諗 本來就唔多鍾意我 仲爆粗屌我 佢份人對我又唔好 咪就算手分左
過左大半年（中間冇聯絡 ig fb咩都unfd左）佢用whatsapp搵我
傾左一個月 大家又好似有返感覺 一個月左右就一齊返
佢話佢分左手成日都諗起我 可能我以前成日煩佢 分左冇人搵佢掛
一齊返成兩年幾了 日日都好sweet 好過以前 好開心
希望大家係真愛嘅會一齊返

我都好似你咁，日日煩佢，愛佢比較多，而佢就好多野要做，成日都分唔到時間比我，覺得我好煩，我都希望佢都好似你而家另一半咁，會同我喺返埋一齊

嗰陣好慘 特燈早走喺地鐵站等佢
點知佢快啲 佢走左
一星期都見唔到一次
想見就等佢放學一齊坐車咁大把
又唔交代做乜 成日唔撚見左人
佢覺得冇問題 我交代佢都唔想知
佢直頭叫我收聲 唔好講咁多垃圾資訊/唔關佢事嘅野比佢知

真係好慘，我都係一個星期見唔到一次，有時想喺我放假，佢返工前搵佢見一面，或者去佢屋企，之後送佢返工，夜晚收工去佢屋企食個飯就走，叫佢早啲講定約左咩人，等我有預算如果我放假唔洗等佢，知佢去做咩，同咩人去，等大家有溝通，但係就係咁佢覺得好大壓力，好無自己空間，就咁同我分開做返朋友

我有時都會同上司講想早啲走，因為佢早過我收工，我會喺地鐵站等埋佢，同佢一齊返屋企，點知佢打返黎話有同事一齊，唔方便，屋企等咁樣

散左約2個月 一齊返半年 再散

因咩事？

以前就係咁 好似自己盡力想見一面 但都好難
約親都話 答唔到你 到時覆你
嗰陣好記得 我約佢就話忙 冇錢
過左幾日嗰見左成晚 凌晨12:30 WhatsApp我
佢：「我差啲撞車 上左亡命紅Van」
我：「你去左邊？」
佢：「同朋友食燒肉」
我都未嚟得切嬲
佢：「淨係關心我去咗邊 唔問下我有冇事」
我好記得
不過嗰陣我知道 我喺佢心入邊一直都唔係頭幾位

同一個原因？

小事...
佢話唔想嘈 好累好厭
對我失望心淡


曾經我對佢都好失望 好灰 但我唔會郁啲就分手
我會選擇繼續努力 感情要係大家努力經營
相反...同一件事 不同口中。不同結果

冇野係冇可能嘅 不過你都要畀啲時間佢冷靜下先 你都要趁呢段時間畀佢見到你嘅轉變 一兩個月後再試下搵佢啦

我都係咁，同我好似，約親都係話，睇下點，到時先算，有時個心好攰，但係因為太愛佢，所以都算，陪朋友既時間仲多過我，反而我排喺最後，我雖然係巴，但係痴身過女仔，想見多啲

加油，我都覺得自己機會唔大，不過有希望就好，唔好乜都唔做淡淡然，大家冷靜，諗下點面對，改變下自己

我都唔會輕易講，因為永遠講左收唔返

不開心

加油，我知道好難熬，因為我而家都係咁，我都唔識處理，唔敢亂俾意見你，因為我都係分開左第8日，不過我見大部份意見都話，先斷聯一到數個月，如果佢仲對你有感覺，佢都會喺呢段時間思考大家可唔可以喺返埋一齊