[廣島出發] 山陽山陰10日9夜遊記

爛？

我好期待樓主既山陰之旅架，求吓你唔好爛呀

Same here我仲等緊樓主講出雲大社果日
吾知5月去之前睇吾睇到

唔！會！爛！
我呢排返工有啲忙，所以好少時間打
我會督促下男朋友努力自己寫

我地留左係湯田溫泉兩至三個鐘咋
晏晝近黃昏個陣剩係得啲居民唔係好見到遊客

唔會爛架
呢排有啲忙，希望今個假期可以出多幾日
等！我！

吳市主要係睇軍艦，你有無興趣呀？
你可以宮島一日 廣島一日 加多日去兔仔島

係會睇到既放心
除左出雲大社，你仲諗住去邊呀

出雲松江追神社攞御朱印仲有一日去鳥取
所以等緊樓主出Day7&8

睇完你Day5 我plan左去未來心之丘 btw應該係尾道港定三原港上船
好驚搭錯船我果日plan定幾密 去完就直落岡山(岡山城/後樂園/吉備津神社)

唔好意思遲左咁耐update未爛住

DAY 6~
今日岡山行程主要有3個：岡山後樂園+岡山城、吉備津神社、倉敷，夜晚會直上鳥取

9:00am係酒店check out擺低行李，跟著就由酒店行路過去岡山後樂園，大約3-4個字既路程啦

一路上見到好多好靚既桃太郎渠蓋，好得意


行過呢條橋就到後樂園啦


有架巴士直去岡山站 一陣會搭佢走


買門票入場啦400YEN~隔離有間博物館

入去第一件事又係CUP返個印仔先


由於冬天去既關係，所有草都係黃色既



不過好彩天氣好好，所以景色都唔錯啊



樹都光禿禿唔知係咪櫻花樹

周圍行下影下

櫻花園幻想下開滿應該會幾靚

不過冬天仲有梅花可以睇下

隔離就係岡山城
由於時間關係我地就無行過去睇(因為要去吉備津)
離遠影左d相就算嚕


係後樂園留左大約1個鐘多少少啦幾大下值得去行下(如果開滿櫻花仲靚)
跟住走出門口就岩岩趕到架巴士返去岡山站

返到岡山站 第1件事 換左個4日JR pass先
黎緊幾日就係去 山陰&岡山地區:
https://www.westjr.co.jp/global/tc/ticket/pass/sanin_okayama/

跟住我地就係搭桃太郎線去吉備津~11:08
(要留意班次好疏下~miss左就等成粒鐘先有)


坐15分鐘就到吉備津好靚仔既桃太郎車身

跟住要行10分鐘去神社 一個幾鄉郊既地方

去到嚕


有小攤檔賣小食

吉備津神社入口






桃太郎故事起源地 所以好多桃太郎野


由於今日星期日關係 比想像中熱鬧 好多本地人黎 遊客唔多




跟住去行下果條好出名 有幾百年歷史既木造迴廊
全長360公尺 有高低起伏

參觀完吉備津神社~大約一個鐘左右
就順便行去對面睇下呢個細神社



見時間差不多有車要早少少行返車站等車(如果miss左要等成粒鐘)




返岡山都係搭返呢架桃太郎

桃太郎線朝早10點前密好多，20-30分鐘一班車，所以嗰陣我一早就去咗吉備津彥神社同吉備津神社先

返到岡山即刻轉車 好快黎到倉敷啦




出發啦!!



第一站係食午餐先
揀左呢間食烏冬



食完野正式出發行去美觀地區

去到啦 景觀都唔錯啦 不過冬天黎d樹就係咁禿

其實d屋幾靚


好多打卡位

整返兩串燒丸子

呢度好多街可以慢慢行
特別多牛仔野賣~岡山出名製造牛仔褲



呢度有間桃太郎博物館 好似有d野玩有d野影
入場費600yen 掙扎左一陣我地最後無入到去 (有時間可以入去玩下)


有條倉敷牛仔褲街 都係集中賣牛仔野


男友係都要食個牛仔雪糕

留左2個鐘左右 呢個景點都幾好行 遊客都算多~對比之前幾日
值得黎行下

行返倉敷站搭JR


好快返到岡山啦~要行返酒店拎喼 準備直上鳥取!!

又經過地下街
男友:原來架妹真係咁鐘意排珍珠奶茶

經過個公園燈飾未著


好~訓左一陣~話咁快坐左兩粒鐘JR 終於到左鳥取!!!

即刻去酒店check in先  今晚又係住APA

放低行李出去搵野食
原來夜晚既鳥取係好冷清 成條街都無乜人

本身計劃想食呢間鳥取和牛火鍋!!
可惜8:00pm入到去老板娘話岩岩過左last order 真係超級sad
見有枱人食緊 好似好正 唯有下次再黎食
(btw 因為班JR途中好似積雪停左一陣所以delay左 搞到食唔到和牛)


咁唯有去間仲有開門居酒屋醫肚啦

每人叫左個set 都唔錯
仲係好想食鳥取和牛!!

Day 6 完 ~~

たくみ割烹咁早last order？
我見tabelog寫佢營業時間係17:00至22:00，last oder係21:00

係囉

呢日行程都幾趕

睇完你Day5 我plan左去未來心之丘 btw應該係尾道港定三原港上船
好驚搭錯船我果日plan定幾密 去完就直落岡山(岡山城/後樂園/吉備津神社)

建議三原港上船好似近啲（船程半個鐘）
不過你行程可能有啲趕啵

Day 6好chur

繼續update~
Day 7 鳥取

今日行程得2個~鳥取砂丘+浦富海岸(成個trip天氣最不似預期既一日但都係難忘既一日)
本身既計劃係上晝先去浦富海岸，下晝去鳥取砂丘～點知一起身發現個天濛濛，睇天氣預報全日都會落雨所以就決定慢慢嘆個早餐先啦今日輕鬆少少

酒店check out完 拎低行李就出門
有少少毛毛雨

兔子！鳥取神話故事因幡之白兔

Q版

揀左車站既DOUTOR嘆早餐


兩款包同咖啡都好正～如果香港都有就好啦
食早餐既同時，我地都研究左天氣同行程，決定改變策略，去左砂丘先，等下晝好天少少先去浦富海岸，原本我地諗住行山架

嘆完早餐就去搭巴士去砂丘
時間10:40am~正式開始今日行程


到左砂丘會館，首先要換左雨靴~有locker放鞋 (100yen)

除左雨靴，仲可以免費借用雨傘(落緊細雨)
(請無視街市大媽造型)

行去對面上樓梯

砂丘地圖

就見到砂丘啦！

好大個砂丘



天氣關係~遊客真係唔多~可能加上冬天淡季

爬上「馬之背」



望返轉頭，原來已經行左好遠


呢度好大海風 不停吹埋黎~有d凍!!

啲風紋好靚




係日本海啊～

沖左好多垃圾係岸邊


好多雲~係砂丘留左個半鐘就離開了
可能天氣關係駱駝都無出黎俾人影相同騎
同埋滑翔傘都無開 (唔知係咪冬天無?)
所以下次夏天有機會都想再黎多次

係砂丘返落黎 先去後面間屋仔 有水龍頭沖走對靴d沙先 再返會館換返鞋

開始已經無乜雨 都唔算太差

午餐就係砂丘會館食方便就腳

原先計劃係喺浦富海岸食猛者蝦，原來呢度都有喎

仲叫左個暖笠笠既鍋燒烏冬
食飽飽就出發去浦富海岸啦～

幾時寫到出雲
5月尾去，出雲大社→稻佐之㳋→日御碕神社+日御碕燈台一日行得晒？應該原本我都有咁嘅打算，但見去日御碕巴士比較疏，同埋我排埋出雲歷史館。

食完野 就行出去大路等巴士 出發去浦富海岸

見到砂丘纜車 係無人坐既

天氣好似比今朝好喎

途中經過今次無緣參觀既砂之美術館(1月尾-3月係休館時間)
真係下次要再黎

相入面呢個著黃色褸既哥哥仔！之後會再提起佢(佢比我地早左一個站落車)
搭巴士半個鐘左右到網代站落車，本身打算：網代港>千貫松島>網代展望台>觀音浦>水尻洞門>鴨磯>城原海岸>網代隧道 (行得幾多得幾多)

陣間要搭既回程巴士(16:15)返鳥取站
照計依加有個半鐘時間行下浦富海岸自然探勝路
不過計畫永遠趕不上變化

出發行去浦富海岸啦～GO


又俾Google map點左去行d捷徑小路
途中當然唔少得要穿過一大推樹林

望出去網代港



行左入民居巷仔

望到啦

千貫松島!!
比想像中大座~現場望係比相靚好多壯觀好多
同埋完全無遊客 得我地兩個人 好free可以慢慢影相


要行少少山上展望台

上到去展望台 呢度景色好靚
跟住頭先巴士個黃衫哥仔都行左上黎 原來佢係一個人黎行浦富海岸

遠望觀音浦

高炒千貫松島

繼續行去下個point






好鍾意行日本啲山路！路既設計同大自然融入得好好，好靚

網代港



繼續行~不過.....

行行下覺得天氣開始唔對路，好似越黎越大風，同個天開始好暗
我地feel到可能行唔哂就決定行返轉頭(慶幸可以咁果斷) 回程路要行4個字左右


回程既時候，望到海有個漩渦埋緊黎唔通係水龍捲！！好大風 好似愈黎愈近
之後天氣越黎越差，開始落大雨，我地好快急步咁衝返落山，又要好小心行d山路，當時大風到好似打8號波咁

行到返落下面仲開始落冰雹，好大粒，打落個身度有啲痛!!
當時太急 無影到好多相 又大風遮都無開 成身濕哂
太大風大雨關係 要搵地方避雨 好彩醒起巴士站有個等候室(真係幫左大忙)

狗衝左入去避雨 出面打仗咁
跟住醒起個黃褸哥哥仔一個人好快咁行遠左我地好多路
唔知佢仲係山上有無事呢~仲未見佢落黎

身上得返既糧水 不過頭先真係幾好玩好難忘既一次經歷 雖然未行得哂
有機會夏天真係要再黎玩!! 因為遊纜船/獨木舟 冬天都係無開(冬天好似唔太岩黎鳥取?)
陣雨落左幾個字開始細左~應該吹走左陣過雲雨~
呢個時候終於見到遠處馬路 個黃褸哥仔行過
原來佢都平安無事落返黎~跟住佢又行去前一個站等巴士(似乎唔知呢邊都有個站)

搭45分鐘巴士左右 返到鳥取站
返去酒店拎左行李 補給少少糧水跟住就去搭17:42特急JR去松江啦

坐左個半鐘JR到松江站

先去酒店check in 黎緊兩晚都係住Super Hotel ($500/晚) 包埋早餐好抵

跟住出去食野啦
夜晚松江條街道有d黑


搵左呢間おでん庄助 間鋪係宍道湖邊 可以望住湖景食野~

係食關東煮~~
不過最後好似唔夠飽 我地就係便利店買左袋宵夜返酒店食

Day 7 完!!