[廣島出發] 山陽山陰10日9夜遊記

原來未寫完
可唔可以問定c打去鳥取 出雲用咩pass
你個5日pass應該唔包

順便想問下一日行唔行得曬 元乃隅稲成神社 角島大橋 秋芳洞+秋吉台國定公園
元乃隅稲成神社 行一個鐘
角島大橋 一個鐘
秋芳洞+秋吉台國定公園 兩個鐘?

諗住揸車去曬

呢排太懶update會有d慢希望唔會爛尾

Day 4~

今日既行程只有一個，就係宮島啦！！期待已久既日本三景之一
原本預計應該輕輕鬆鬆，不過都係唔好彩遇到少少阻滯


今日唔洗點趕行程，算比較遲出門口
搭10:30既JR由廣島駅出發，28分鐘之後就到達宮島口駅



我地搭既係右邊JR西日本宮島渡輪(用JR pass係包埋,唔駛再買飛)
佢個牌仲寫住大鳥居最接近!!

去到岩岩好有架船唔洗等(坐10分鐘左右就去到宮島)

望到個鳥居啦！！

然而以為架船會再駛近dd其實都係有點遠(建議帶部長焦相機!!)


好快去到嚕~

可愛既宮島鹿

個窿望到大鳥居



閉目養神~唔知佢地係咩關係呢



繼續行向嚴島神社出發






一路行一路欣賞水上鳥居(比想像中大好多)


買飛入去嚴島神社啦
男友話聽聞嚴島神社係日本傳說既「分手景點」之一
開頭都有d驚不過check返話係假既!!



呢個角度望大鳥居好靚


因為尋晚check左潮汐時間表~宜家係潮水最漲既時間
而想行落去大鳥居 退潮最低點要喺6-7PM果陣


留左神社一陣 影下相就出去行下啦

跟住就周圍行下~


棵樹好有型

神社隔離係望到有座五重塔~

整個大鳥居既原木材


12點幾左右 見肚餓就去表參道商店街食午餐啦




午餐當然係食宮島蠔啦！！！
非常肥美又鮮甜，推薦！！！


食完野就上去五重塔果度望下~

佢隔離既就係千疊閣 超大間!

入去要俾100yen 同埋除鞋~(推薦入去)
嫌麻煩既我地係門口望完就算


繼續行程 計劃下一站應該係搭纜車上彌山

經過間cafe賣雪糕~忍唔住
呢個咖啡雪糕超級好食！！好香好濃咖啡味

就到宮島空中纜車入口啦 滿心期待!!

點知。。。
遇到最大既阻滯。。。今日運休!!!!
本身既計劃係搭纜車上去，之後再慢慢行路返落山
不過旅行就係咁，好多野都控制唔到，當俾個藉口自己下次再黎過
依家去紅葉谷公園行下先




雖然無紅葉睇，但係風景都唔錯吖


一堆白色既patpat

有間四宮神社

好懷舊既投幣式求籤機，支籤出黎個陣會叮一聲

估估下唔係好識睇
小吉/吉應該都唔錯


繼續周圍行下 因為無乜人 幾舒服

行返出嚴島神社個邊啦 潮水退左少少

隻馬個樣好惡

俾人剪左角慘豬


要試下必食既紅葉饅頭


行行下見到有啲消防車消防員
搞笑一幕：消防員哥哥好配合鬼佬 俾埋個頭盔佢戴 再要求合照一張


望返去嚴島神社，原來啲水已經退左好多！

傳說中無人看守既出口

可以行落去少少影相啦


仲未退哂潮~
過左一陣 俾個消防員哥哥趕哂d人上岸 跟住有廣播~

原來撞正消防演習要清場，唔怪得頭先見到咁多消防員啦

成班駁哂喉對住個海射水

搞左一輪之後 開始收喉清場
咁我地繼續周圍行下先



行遠少少有個好高既千秋~



日落下既大鳥居，好靚



因為未退哂潮 行唔到去最近

正皮支持

差唔多係時候搭船返去嚕，最後望多大鳥居一次～
宮島，我～地～會～再～返～黎～架～


上左6點幾架船返去宮島口

落左船即刻想試埋－宮島名物之一既穴子飯！做晚餐(價錢都唔平 但值得一試)

我地覺得佢既質感好似白鱔，有彈性仲好有油香，正！！！

DAY 4 完~因為聽日係去兔仔島 返到廣島站去左超市買定個椰菜先

sorupdate係有點慢
我地頭1-5日係用岡山、廣島、山口地區5day Pass(13500yen)
跟住6-9日係用山陰&岡山地區4day Pass(4500yen)
松江+出雲果兩日仲買埋結緣完美車票(1500yen)<-3日任搭好抵

我地去果日 見d蛋蛋仲有人set up緊!!
原來係呢個光之祭 可惜睇唔到

夾埋先用左萬6
即係每人8000玩10日？！
機票唔使1000咁抵

呢個如果有買市內電車pass會有優惠價食

咁可能係少少趕喎
呢3個景點都有d距離
但有揸車方便好多 早d出發應該去得哂

我就覺得流流地純粹係一大堆蛋變下色同廣島城都係射燈會變色。

你去宮島有得行落去就好啦，我果日無得行落去朝早7點幾同夜晚11點幾潮退

係呀，好抵

長知識了

我覺得係team lab既特色啲野係咁變色，方便人打卡

咁你仲唔好彩過我地！！！完全行唔到落去

我黎緊5月都去7日米子&廣島襯嚴島神社大修之前去左先
過黎取下經先 第一次一個人去旅行～
我planning係先飛米子 玩晒出雲大社+松江+鳥取果邊再搭巴士落廣島 先再去吳市&嚴島 有時間希望去埋岡山倉敷 但係未諗到點買JR pass

原爆博物館唔係裝修緊唔開咩

幾時的事

係，本館去到4月25日先開。仲有另外細D既行

啱呀，行到咁上下仲要毛毛雨。之後拿拿聲食埋野就走

Day 5

原來已經黎到行程既一半，開心既時光果然過得特別快！！！
今日既行程係去三原搭船去兔仔島同生口島(未來心之丘)，之後就會向岡山出發～
Let's go～

一早8am去到車站 落緊微微雪雨！(電話影唔係好睇到)
趕搭8:13am新幹線 跟住去買d早餐上車食先~



咁岩搭到班Hello Kitty新幹線 坐35分鐘就到三原站


三原站到着


原來2月頭好似有個「神明市」祭典


鎖好件行李喼先晏d搭車去岡山要拎返



係祭典用既野


男友話兩隻兔似搞緊野


出發行去三原港搭船


經過條隧道 又見到佢地搞野


整到好靚既祭典壁畫


去到三原港碼頭 搭呢架高速船 三原港↔大久野島
注意:架船只係得星期六/日先有開


本身有部自動機賣船飛
不過我地去窗口同個姐姐買船飛時出示返JR pass可以平400yen(原價2400yen)


等左一陣上得船啦~我地係搭最早果班9:30am


尋晚係超級市場買既椰菜(聽講唔好餵紅蘿白)
見人買大一袋 建議想留得耐d既 可以買多d椰菜

出發啦~同船得6-7個人 唔算多人

有間造船廠

坐左30分鐘就去到兔仔島

埋岸啦~

可能我地係今日第一批黎兔仔島既遊客
啲兔仔應該好肚餓啦，一早係碼頭等人落船

見到有人表現得相當興奮，衝晒出黎迎接我地







等食既兔兔 好得意

我係唔會話俾大家知，我一開頭係有少少驚既咁多兔


同兔兔交流緊


愈黎愈多

呢度好舒服 一早無乜人 慢慢行下餵下兔子~正

見到有條山徑~上去行下



兔BB好辛苦先食到一塊椰菜成日俾大隻果d爭食

到左夕日之丘 落去望下


睇日落應該幾靚 不過我地留唔到咁耐

落返去時 d兔仔跟左上黎搵我地

呢隻好猴摛~

估唔到既係
其實佢地個身都好乾淨又無乜臭味

我鐘意單對單餵



跟住去左記載大久野島歷史既毒氣資料館
入面唔俾影相


周圍行下~有d歷史遺址

淨返少少椰菜 餵埋佢先

跟住我地就搭船返三原港嚕 繼續下個行程
回程包船無人好似我地咁早走 (total只係留左1個半鐘想玩耐d)
建議大家一定要留耐d~餵兔子好好玩

返到三原港~再買船飛去生口島

5分鐘後即有架船~岩哂

坐左35分鐘左右就到瀨戶田港


落船之後突然勁大霧!!


跟住刮起一陣陣風!!

突然落起雪上黎好正

影低個船期先

等候室擺左d居民整既公仔 幾得意

地圖~我地目的地係耕三寺同未來心之丘

d雪落左10零分鐘就無乜嚕好似過雲雨咁
時間1pm左右 我地首先搵間餐廳食午餐先


出發啦~途經商店街 D鋪頭拉哂閘


仲有少量飄雪




繼續行~一個人都無


前面一遍藍天 後面一大舊雪

到左間餐廳啦~叫 瀬戸田すいぐん丸 (google map見到)



叫左個八爪魚飯定食+天婦羅飯定食好大碗!!都幾好味