[廣島出發] 山陽山陰10日9夜遊記

既然一路都無人，就慢慢影下相啦




見到洞口嚕比像想中大

穿過條橋就正式入去啦


入面真係好大好高！！
由於入面都幾黑 得iphone影相既關係 畫面會無真實咁靚



入去就見到個秋芳洞冒險，好似好好玩咁！難得黎到Challenge accepted
每人只要放300yen落錢箱就可以拎支電筒上去挑戰爬岩石



爬上去啦~

有少少凹凸不平 電筒要照住地下慢慢行



行下行下就爬到好高啦～
雖然有啲射燈照住啲鐘乳石，不過都幾黑，真係有種探險既感覺
同埋岩石有d濕 要好小心 好好玩～


按完聽到把普通話女人聲好難聽即閃左(成個洞咁廣播)


個洞比想像中大行極都未行咁完
遊客唔算好多 但keep住有一堆韓國團
(原來係另一面入口黎~ 即係同我地行既方向相反)




似唔似富士山


終於行到盡頭 通去另一個入口既隧道
因為慢慢行既關係 時間比我地計劃中用得多左
跟住就要趕住上去秋吉台

果次去廣島有諗過下去唔去山口浸溫泉
結果只有一天鬆動時間就算了
同井倉洞比
你呢個都幾廣闊下

秋芳洞行左幾耐?

推

慢慢行影下相大概一個鐘
記住去埋秋吉台呀

係呀 真係好大呀
井倉洞我地反而無去過～

下個月去廣島
但玩瀨戶內海
松山 香川
山口要放棄

我諗住兩樣預3個鐘

同我果陣去山陽山陰一樣咁濟
係差岡山同鳥取同幾日我無去
個人覺得山陽山陰係不過不失既程度

其實係睇返巴士時間
印象中出返去既巴士都唔多

但個半小時會否急得濟

之前一個人去左9日山陰山陽
廣島 山口 宮島 兔島 尾道 岡山 倉敷 鳥取
原本都想去角島大橋 元乃隅稻成神社 太遠又唔方便所以無去
睇倒樓主D相好靚 後悔了

推

Day 3 繼續~



跟住係呢度可以搭lift上去秋吉台，慳返好多時間



出左lift，仲要行一段斜坡先



終於到啦，一大片黃色芒草好靚！！



今日係有d多雲！！

由於呢度實在太靚既關係，又無乜人！好舒服！
原本計劃搭11:50am巴士走 依加已經11:10am 出返去都要行一段時間 咁就留唔得耐
我地就決定留多1個半鐘，搭下一班車(1:30pm)係秋吉台慢慢行下~(所以應該就skip左香山公園呢個行程)


個牌話需時30分 咁就岩哂啦 去行下先

全程一個人都無 好好行 呢度真係好大好舒服!! 想行哂真係有排行

岩岩就係對面展望台行左過黎



留左一陣妙見原


跟住行返去展望台

原來同台灣野柳地質公園係姐妹公園

上左去望下


留左一陣就走嚕
跟住又係沿路去搭lift落返秋芳洞行出去

時間12:30pm左右 想食埋個午餐先搭巴士走
但條街好似無乜鋪頭有開 就諗起巴士站對面

大嬸果然企左成朝~一於入去幫襯下

仲有呢個自製既河童牌俾人影相好搞笑
老闆一家應該住係餐廳樓上，周圍都放左孫女既相同勞作

有家庭味道既日式咖哩豬排飯幾好味

食完野就過返對面等巴士
3個餐廳大嬸都企哂出黎
呢個景點好似真係好少人黎(可能淡季) 希望佢地做得住

exactly要睇返巴士時間去計劃行
呢班係秋芳洞去新山口既時間~好疏下

啲風景好靚喎

高質遊記
正評支持

下次要去返角島大橋 同 元乃隅稻成神社！！！
現場睇再靚好多

下次去返
有藉口下次去旅行

多謝你呀
寫遊記好似再去一次旅行咁 再開心一次

Day 3 繼續~


搭巴士返到新山口站，搵到有架巴士可以直接去到湯田溫泉通！


坐左20分鐘左右 就到左湯田溫泉通

行左一陣見到日本某詩人既記念館
而佢既對面就係我地既目的地-狐之足跡


俾200yen就可以任浸佢3個足湯
佢有提供拖鞋 毛巾仔 locker

呢兩日行左好多路!! 特登過黎浸下腳 抖下岩哂啦



呢度環境都唔錯 無乜人 我地包場左呢個池

今日既下午茶～一邊嘆住咖啡，一邊浸足浴，真係好寫意

係狐狸仔既腳印呀

有教人正確浸足湯既步驟好得意

留左1個鐘左右就走左 去附近周圍行下


去左井上公園散下步


湯田溫泉一共有6個呢d公共免費足湯



散左步30分鐘左右 就去搭巴士返新山口


返到新山口 差唔多日落嚕 去locker拎返行李先

跟住就搭新幹線返去廣島

返到廣島 即刻去check in 擺低行李 今晚住既係APA

跟住行出去搵野食嚕 決定食呢間廣島燒總本店

例牌啤一啤

好大碟~都幾好味!

真係食到好飽!!

要散下步消化下 就慢慢行去新天地果邊間驚安殿堂


行左成個鐘 買得少少野食同手信咁就返去酒店嚕

DAY 3 完!!

咁睇黎留3個半會好一點..秋吉台仲可以行咁遠

我覺得野食方面,山陽山陰真係輸俾其他地方
無咩特色野食, 就算有都唔好食
岩國壽司,鐵板麵都好普通
景就真係都OK既

我去果次係6月, 無乜野睇
朝早去,行一陣行到悶, 就食飯
好似搭飯後第一班車出返去