[廣島出發] 山陽山陰10日9夜遊記

今次第一次開遊記POST做個分享同記錄，我地一向都對shopping興趣不大，但就鍾意去少人兼有靚景睇嘅地方旅行散心之前就去過南北九州，今次選擇咗同樣都有平機票嘅廣島上個月尾第一次去廣島，有成10日咁多就想去多啲地方，最後就計劃去晒成個山陽山陰。仲選擇左最凍嘅1月，諗住一嘗落雪嘅滋味，點知。。。

成個trip雖然發生唔少蠢事，但係每日行程都好豐富，可能會有人覺得churchur地，不過我地好enjoy～興幸咁多日天氣都算唔錯，大致都好順利，想睇既都差不多睇到晒，唔講咁多啦，正式開始遊記～

2人洗費(大約)
機票：$1,870
酒店：$4,150
交通：$3,800
其他洗費(食&買&門票)：$6,000

計劃行程:
Day 1 廣島
香港機場→廣島空港→縮景園→廣島城→原爆圓頂屋→住 新山口
Day 2 山口長門
新山口→元乃隅稲成神社→角島大橋→住 新山口
Day 3 山口
新山口→秋芳洞+秋吉台國定公園→湯田溫泉通→香山公園→廣島(驚安殿堂)→住 廣島
Day 4 宮島
廣島駅→宮島→巖島神社→紅葉谷公園→空中纜車→彌山→海上鳥居(日落)→住 廣島
Day 5 廣島岡山
廣島駅→大久野島(兔仔島)→生口島→岡山Aeon Mall→住 岡山
Day 6 岡山
岡山駅→岡山城+岡山後樂園→吉備津神社→美觀地區→住 鳥取
Day 7 鳥取
鳥取駅→浦富海岸→鳥取砂丘→鳥取駅→住 松江
Day 8 出雲
松江駅→出雲大社→稻佐之㳋→日御碕神社+日御碕燈台→住 松江
Day 9 松江
松江駅→足立美術館→松江花鳥園→宍道湖(夕陽)→松江駅→(500yen巴士)→住 廣島
Day 10 廣島
酒店→原爆館+和平紀念公園→廣島空港→香港機場

留名

原爆館去兩次？

應該得鳥取有小小雪

一個係原爆圓頂，係遺跡黎


另一個就真係原爆既博物館

Day 1


一落機就有件蠢事發生



見肚餓就係機場食左第一個拉麵午餐，跟住去買巴士車飛


但係無睇到機場巴士時間嘅我地就因為掛住食野，而miss左班出市區嘅巴士，下一班車係50分鐘之後(無留意到班次咁疏，真係蠢左)


於是我地就坐左係國內線到著個邊等，等得差唔多，咁啱有班內陸機到，好多人一落機就衝去巴士站排隊，我地先發現我地唔應該咁悠閒坐係度等，而係去排隊！！不過好好彩我地都上到3:05pm班巴士，日本巴士好靜，司機又揸得好定，成程都好好瞓，45分鐘左右就出到廣島市區嚕。


第一站：去車站換 JR PASS + 鎖行李喼係coin locker！
今次係出發前係kkday買左呢個5日Jr pass
岡山、廣島、山口地區鐵路周遊券(13500yen)
https://www.westjr.co.jp/global/tc/ticket/pass/okayama_hiroshima_yamaguchi/




由於今晚會去新山口要睇住時間搭6:27pm新幹線嘅關係，我地只會係廣島閒逛一陣。
睇下時間原來已經4:20pm，縮景園5pm就關門，雖然由車站行過去路程唔遠，但係唔知趕唔趕得切！

結果：

4:45pm去到都係趕唔到嘅，不過同場有班外國人一齊摸門釘，都好啲
去唔到縮景園，咁就去附近既廣島城啦～


途中見到個唔知乜鬼總理嘅雕像

行到護城河，有好多鴨仔！！！
超鍾意鴨仔嘅我即刻衝左埋去睇
最搞笑係我地扮揮手掉野食，啲鴨仔真係游晒過黎以為有得食，好蠢


廣島城內公園
唔知遲啲係咪有咩特別野，周圍都好多蛋蛋

見到啦 廣島城
夕陽下既廣島城變成橙色，幾靚



遊客竟然唔算好多 可以慢慢影下相


坐左一陣睇日落 好靚

欣賞完夕陽下既廣島城後，我地散步去原爆圓頂屋



經過廣島護國神社



果度見到好多樹經歷過廣島原爆，依然頑強咁生存緊，好厲害！


女神像同廣島城合照


經過呢棟紙鶴塔，本身plan行程時有諗過上去，最後當然無去到
佢就係圓頂屋隔離，有興趣可以上去(門票好似千幾yen)

行左十幾分鐘 到左圓頂屋啦




廣島最有代表性地標建築 保留得好好

留左一陣，原來已經差唔多6:00pm！！即刻好匆忙搭市面電車返廣島站拎行李先～真係跑住去，其實成個路程都成日跑，可以話係我地既特色黎


成功趕到，搭呢班6:27pm新幹線 30分鐘就去到新山口

去酒店check in完就去左附近連鎖居酒屋 白木屋食第一個晚餐，店員講左一大堆日文我地都估唔到佢想講咩，佢後尾去左背啲英文黎同我地溝通，最後佢講既係：「Age」原來係咁簡單！！仲要睇我地護照check成左年未，未試過會咁

かんぱい！




食飽飽就返去休息啦，聽日都要好早起身。
去我地好期待既元乃隅稲成神社&角島大橋！！！

DAY 1完～!

啲細機場本身班次唔多，去市區既巴士都係根據航班時間而開，所以真係唔應該係機場逗留太耐

係
好彩一個鐘後有一班車咋

跑checkpoint

就嚟去廣島岡山鳥取8日

算係我地既特色黎，完成哂啲checkpoint都好有成功感
雖然成日要趕車，但係每個景點都留到好耐架

正
你會鍾意呢幾個地方

留名

留名

未去過，Plan嗰時都上網睇左好多，都覺得好多地方都好靚，係衰在要瘋狂換酒店

你幾月去呀
夜晚返到酒店仲要執喼係幾煩既

4月尾
8日留喺廣島無野好做所以要上埋岡山鳥取，無計

Day 2

今日一早7點零就起身 首先去便利店買定今日所需糧食同水(早午餐)
出發啦！今日既景點係元乃隅稲成神社&角島大橋～
非自駕遊既我地兩個，係出發前研究左d交通，最後都係揀左搭的士呢個方法。我地準備左以下3句日文，方便同司機溝通：


今日既搭車路線：


去到厚狹轉美祢線

成個車箱都係高中生返學包車
得我地兩個好有違和感




到左美祢站，學生落哂車後就變左我地兩個包車啦，望住風景時間好快就過



到左長門市

跟住行上天橋過對面轉車去長門古市

呢班車同行遊客得一對台灣夫婦落車，應該都係去神社
呢個景點都好少人咁去，交通太唔方便，通常都自駕遊多


到啦！！！本身有啲擔心會搵唔到的士，點知好好彩，一出車站就有司機問我地係咪去神社。

今次係我地第一次係日本搭的士，上車後，當然即刻拎左個三句日文出黎同司機溝通啦～傾好晒之後就向元乃隅稲成神社前進啦，大概15分鐘就到嚕！！！


落車就望到一排鳥居
親眼望，同睇相個種震撼程度真係差好遠！！



神社入口




有個mark左影相位
天公做美，今日好好天啊！





行落去嚕



行到半路會見到個佛像




落到下面




呢度超大風又凍 吹到個人流哂鼻水

有個大叔冒住寒風係度釣魚咁寫意


當日係睇唔到龍宮之潮吹可惜

廣島真係少遊客

一睇相，遊記 就好懷念

正
去晒我之前去唔到既地方
Between
我都鍾意chur
有得揀緊係去多幾個地方

有得去多啲地方仲開心啦

呢樣真呀
你上次去左咩地方呀？

廣島 ，岡山，尾道果d

最好玩係兔仔島

有時吸引既景點真係好遠好辟
去之前真係要研究清楚啲交通

我同男朋友都係鍾意行景點既人黎

下次再挑戰之前未完成既景點啦