我想講通識科應該要徹底取消筆試

其實呢科無咩好溫嫁
成班人係到鬥多字鬥寫得快
利申5*

IES嘅問題其實係SBA嘅弊病
中文綜合同Phy chem Bio一樣玩死考生好多年
要cut IES就不如取消呢壇沙皇傑作
以考評局性格 冇返二三十年都唔可能殺科
而家中文科根本只係中化借屍還魂
通識最好嘅處理手法就係變做AS Level咁
同中英數一齊除一半分 畀考生多D心機谷Electives

我中學當年LS全級頭幾嗰啲全部拎4 反而我個frd裸考咁濟拎5* 根本無人知個俾分準則係咩 都係靠寫得多搏中point
搭單講句 補習不嬲無用 全部都係呃錢 得英文係補得過 點無用法都可以當接觸多啲
不論中學大學 我身邊讀得成書嘅人全部都係靠自己同同學 form下study group 營造下學習氣氛 唔識又可以問同學 啲同學自己讀番黎嘅有時仲解得好過啲老師

IES理論上冇中文SBA扯分扯得咁勁
好似係睇學校前一年表現 再根據考試調整
我IES搏到十分 最後5**但IES扣咗一分

先利申通識、Econ 5**
第一點
其實睇你點定位通識呢一科啦...見仁見智
其實睇多啲新聞、時事特輯、評論，通識唔會低分得去邊。通識未必係想你識一啲好theoretical嘅嘢，反而係想你有個時事sense姐，甚至有啲答案其實係常識，只不過睇下你present得好唔好。你要拉埋Econ講都唔係唔得，Econ的確有theory behind。順帶一提，我自己覺得DSE Econ根本弱智，反而以前張五常年代啲卷係有趣好多。

第二點
價值判斷方面，其實任何normative views講到尾都係normative，你點用positive findings去support你個stance都係唔能夠logically去解釋你個normative嘅立場。所以通識其實重點都唔係睇你立場，而係想睇你論證姐。果part就多數係positive。不過數points就真係on9嘅 解字方面其實可能係因為用中文讀通識嘅問題。用英文其實好少呢啲詮釋字眼嘅困難，起碼我冇遇過。有時考評局嘅出題文字由英文格硬譯做中文係有啲古怪。我強烈建議用英文讀。

第三點
係咪樓主你用錯方法讀啊 通識唔洗死記硬背嘅。你最緊要有個心態，唔好覺得樣樣嘢都事不關己，對身邊大小事有好奇心，咁你自然會吸收好多factual information。其實同背書嘅唯一分別係你會讀得開心啲，唔會覺得係「狂背」，真係要落例子嘅，其實都係信手拈來。我自己真係唔睇新聞唔安樂果種人咁啱2015考試果排新聞講標準工時，而Paper 2又真係出，結果就fat fat

第四點
其實又係心態問題。究竟你係想要一班考試背書叻，背晒一個框架入面所有嘢嘅人，定係一班有分析議題能力嘅人呢? 何況Paper 1已經有point 比你執，paper2又只不過係三揀一，容許你唔熟某啲topic。通識又只係有六個單元，係咪真係你講到咁困難啊。你呀sir講你係咪就信 ？時間方面，的確係好嚴苛，可以多返少少時間。欠缺足夠資料證據方面，唉其實有邊個唔知，最好實係好似大學咁寫paper，所以DSE要求真係好低 ，唯有去到大學最tune。

樓主文筆吸引唔到讀者觀看, 頂盡俾4

通識係一科測試你語文能力同思維ge科目，而呢兩樣能力係好難係一年內靠補習谷到出嚟
利申無溫過書LS 5**

樓豬自己考得差就話好cut 人

同樓主真喺似到 以為自己開po，分別喺無論學校 出邊mock 真Dse都話我喺3 ，自問字數有多無少 寫作表達能力幾好（作文5**） 數據又背返幾個大下個marker，就喺考左兩次dse exam都3，但係以前問所有改卷既都無人答到我，我可以做d咩黎高分d，都喺個d 呢度可以再擴充論述啦 寫多兩個point啦 個推論唔夠嚴謹，咁兩次都3我都認啦，喺我真喺唔知LS呢隻game點玩

同樓主一樣 Econ4 上5*

巴打心水清
明明個個留言屌樓主考得差賴地硬
但個post又好多正評

ls垃圾科黎，唔洗討論

考得唔好好多原因，唔一定係個科嘅問題，以下答下你文字推論嘅問題啦：

1. 又話有理論backup，然後又話唔駛背。咁你卷二無論據支持，又咩都唔背，論證自然低分啦。老師唔係絕對權威，有好老師亦有教畜（連登仔話大部分都係教畜），同學其實可以上網自己睇到考評要求。

2. 唔係十個pts打低一個pt，你的確可以一個pt解釋點解呢十個都唔掂，變相都係多角度。前提你真係十個向度先⋯⋯

「信念」有無定義？邊會無，中文差唔識解有咩計，唔好鬧人無定義，字典會幫到你。識唔識解信念，如同識唔識機會成本一樣，只係你對信念無概念，亦即中文差⋯⋯

3.自己一起首排除話唔討論個課程，但第3點就話個課程無framework，考咩都得，自相矛盾呀⋯⋯

4.第二點又話人用框架，但第四點又話無準則，好亂呀⋯⋯上返網睇返d學生samples，或者你就發覺人地考到5**同你有幾大差距了，而唔係係度情緒發洩，咩都阿sir話啦⋯⋯

5. 我都學你利申。
兩屆自修5**，你所講嘅無標準，但我又重複考到，點解呢

睇完一大輪，如果你考試都係咁上下寫法，markers俾4都好盡啦
隔離post免費教緊人點寫有邏輯嘅推論


認真答完，希望你唔係政打手啦

其實依家諗返LS 根本唔難
自己識基本knowledge + 少少答題技巧就可以4以上係拎5**要啲運氣

試過做法國BAC哲學題，屌香港LS根本垃圾

利申Engine仔 LS 5*

如果樓主Ls有5**，此post 已完

如果你通識5**再黎彈LS會有說服力好多
好像上面有個通識econ都5**既巴打咁
利申: LS係垃圾 + 5**

其實有一個補習老師試過連續考3年ls都5**..

只係你唔識考姐 唔好咁多廢話啦

睇樓主篇野睇到好辛苦

首先，攻擊我個人背景，話我拎唔到5星星，所以葡萄個班人麻煩justify個人背景同point嘅validity嘅關係。否則就唔好盲目攻擊我拎4，所以出呢個po

第二，我見有人利申話自己，或者補習名師可以連續幾年都拎5**，不過咁只可以證實你識得去考一個有問題嘅考試模式。咁並唔代表呢個模式冇問題。

之後，我返返去傾返我想帶出嘅嘢。
第一，社會科學要有理論backup，個用意係用嚟解釋universal嘅人類行為。如果下下話靠common knowledge，又或者靠普通推論，turn out出嚟就係會吹水。即使你帶出嘅理據有logic，不過整個推論後果只係建基於你所創出嚟嘅premise，咁所以成個推論咪看似係valid但實際上離地。

第二，解字方面，個問題咪就係出喺有不同嘅解釋囉，我作為考生自然有一套看待「信念」嘅理解。而考試係講求清𥇦統一嘅答案，尤其對於字眼嘅理解，就更加要求歸一嘅定義。用econ嚟比較，起碼eaa睇opportunity cost為the highest-valued option forgone，而opportunity cost係dse下係無第二個理解。

好啦，你可能話「咁係你中文差，解釋得唔好咩叫做信念」。如果係咁，我又會想問一個咁general嘅term「信念」嘅定義分析，係咪dse LS嘅工作？

第三，我都要認「課程內容」多多少少同「考試模式」相關。但係通識科考試模式就係無一個固定嘅概念framework，例如econ考試就係以concept為主、現象為輔，用嚟解釋人類行為，所以你可以話econ考試係萬變不離其宗。相反通識科考題就係以議題為本，然後學生唯有呑一大堆議題精選去「貼題」。呢種情況常見於paper2

LS考試唔係標準化《〈《睇呢個標題都知樓豬係死讀書
批判思考就係要你有獨立分析力，梗係無標準
Econ就係教你用張五常(我個年代唔知依家）、經濟學家個腦分析社會現象，兩樣野嚟架wor
利申：咁岩al as有考Econ LS,一科b 一科細grade A