我想講通識科應該要徹底取消筆試

如果要講通識科嘅問題，我想由小弟背景開始提起。

小弟畢業於地區名校，我喺中學時期，通識科表現自問係班中頭幾名，咁呀sir都睇好我可以喺17dse拎5星，什至5星星返嚟。而我本身都有修Econ嘅，最後呢兩科都齊齊拎4。如果問我考到咁，我事後都完全唔知點解我通識會失手，連5都不補，至於經濟科就真係自己唔温書，結果得4。

然後我有retake 18dse LS同econ。呢一年其間，我LS當時有補Oscar ma，econ就無補習，靠自己温書。經過一年之後，LS依然係4，而econ由4變5星。經過呢一年嘅經歷，我開始反思通識科嘅問題。

首先，通識科可以分開「課程內容」同「考試模式」嚟討論。關於佢入面有咩應該教、有咩唔應該教、單元知識係咪太零碎等，唔係我想傾嘅嘢。我主要想講通識考試出左咩嘢問題。

如果為通識呢科性質下個分類，大概係類似大學嘅社會科學ie.社會學、政治學、國際研究等，可以話同dse嘅econ分類相近。所以如果將dse LS同Econ一齊比較，就可以睇得出前者欠缺咗咩嘢作為socsci考試嘅元素。

第一，LS考試欠理論back up

LS syallabus的確有教到部份socsci理論，eg馬斯洛需求層次理論、公民階梯之類等，但係就連我學校LS呀sir都認呢啲全部放喺考試度就顯得唔等洗，佢話「你幾可見人係paper2用理論包裝個答題framework?」。Ls考試唔會要求theory解釋單一現象，反而強調要「扣連日常生活」，所以下下就漠視運用theory嘅重要性，只係要學生合理地解釋，最後淪落成為吹水/所為貼地。相反，dse econ就連點解啲人prefer長途的士rather than短途都要人用law of demand去解釋呢個人類行為。所以dse econ符合socsci運用theory解釋現象嘅特色。

第二，考試模式唔應該包含價值觀判斷，什至係詮釋字眼嘅文字遊戲

通識科最興問人「你多大程度同意？」、「是否利大於弊？」等嘅問題，但係呢類問題其實好睇個人主觀地覺得係點。「我覺得一個利可以打低晒十個弊」，咁對我嚟講，佢就已經係利大/多於弊啦。然後最後淪落到數point咁用「三正一反」嘅數量式取勝，論證自己立場係啱。
有人可能會話要用「準則」嚟比較，然後得出判斷，如長、短期嚟講，一樣嘢分別有咩好同唔好。但咁樣其實從來只係「陳述」緊一樣嘢係時態上嘅變化，而唔可以從中得出什麼價值判斷。
其實問題已經係去到玩「解字」，尤其呢幾年情況係咁。單以18年要解釋「信念」為例，一個字點解係無標準客觀定義，最後講嘅係個考生點樣將呢個字無限延伸，盡可能fit條題要求，而唔似Econ問opportunity cost係乜咁有客觀、統一理解。去到呢到，我已經唔明白點解要咁考？究竟你係考緊中文、定係一科socsci為本嘅通識？

第三，考試範圍無限闊

Paper2話就話考學生extended knowledge
即係你知愈多嘢，就愈有利，所以不少學生狂背各類數據/ examples，再睇下可否用嚟impress marker。背一啲未必會考嘅嘢，而一出左，你背中，而人地無背中，可能已經係中品同上品嘅差距。咁樣嘅prep比傳統填鴨式一分耕耘一分收穫嘅方式更無價值。考試唔係應該有一個清晰可見嘅framework㗎咩？

第四，LS考試唔係標準化

通識考試係以issue為本，即係話年年考試內容可以係完全唔一樣。上年有出政治，下年可以完全唔出，相反問你eg少數族裔、國際義工嘅議題。而paper2就更講求你個人對個3條議題嘅認知。換言之，個人發揮係好睇你拿手咩議題。而咁就已經好違反考試邏輯。我曾經問過個通識呀sir「你覺得上年Ls拎5星星、5星嘅人有無本事考多10次LS都有呢個成績？」我呀sir都承認未必有。相反我相信econ拎開星嘅人，要keep住應該唔難。而呢個問題出於上面話LS欠theory back up、題型奇怪、考試內容無限闊等嘅問題。而咁樣係違反左一個考試公平準確測出一個人成績嘅功能。尤其一次定生死嘅考試制度下，仲要參與一個變數咁大嘅試，咁對於學生公平咩？

最後係一個時間有限嘅筆試底下，我好懷疑可唔可以測出學生嘅批判思考、多角度思考。你比得個幾鐘我答「某XX是否有效／應該xxxx?」 係欠缺足夠資料證據成立下，我講嘅嘢同維園呀伯講共產黨做過咩威水事，所以撐共產黨有咩分別?學生比維園呀伯叻嘅只係用所謂concept去嚇下人。當大學socsci papers 都要quote sources，而中學生答involve 中國綜合國力嘅題目時，竟然靠所謂logic嘅推論/少少未夠全面嘅fact去support，咁樣嘅論證一係離地，一係欠完整。所以我建議一個學生要搞幾個ies，然後得出幾次嘅分，最後去比個平均分。又或者加入更多理論為本嘅問題，兼且要一年考最少兩次LS，最後拉個平均表現出嚟。否則，呢科根本要睇「天時地利人和」。

利申：入左大學讀文科，先明白真正嘅批判思考應該係點樣

直接cut 撚左LS 佢啦on9 科

同意， 完全反映唔到考生能力

我一直針對嘅喺呢一科「應該點樣考」，至於「應唔應該存在」，我覺得要由「課程內容」著手討論。而無可否認嘅係，通識科教嘅嘢本身有一定作用，所以有佢保留嘅價值。至於係應該當做主科，定係選修科，定係好似教育局之前傳消息話改做pass or fail就可另外再傾。

政府嘅文宣工作真到位
睇嚟又有報告要出了

可以有得點考？做多幾份ies, 咁咪姐係鬥有錢？得罪老師既人永不反生？根本不設實際

其實好睇你對香港社會嘅理解能力
同鬥寫多字
認真講
我呢幾年睇連登 學到好多野
背返少少概念詞 LS最後5*

教緊LS 4個point 都同意

STEAM呢一年都謝左d,教育局應該好快又搵新野玩

垃撚圾 食撚屎

😱😱

樓豬垃圾冇能力就賴地硬
廢鳩唔係冇原因

利申：5

通識根本就係笑話，呢啲野日常生活就學到，有咩評分準則