成日講iphone無新意，咁以前有咩令你覺得創新？

創新的定義：創新是指以現有的思維模式提出有別於常規或常人思路的見解為導向，利用現有的知識和物質，在特定的環境中，本著理想化需要或為滿足社會需求，去改進或創造新的事物、方法、元素、路徑、環境，並能獲得一定有益效果的行為。

https://zh.wikipedia.org/wiki/創新

其實sj強嘅地方係佢對於點樣應用一啲新科技嘅眼光，而啲科技全部都唔係自己發明而係有人研發咗基礎然後佢睇到可以點應用或者諗到要改良到咩地步先可以sell到，而呢啲技術好多時係發明個技術嘅人/廠自己做咗但唔識應用，改良，包裝
例子：
woz所發明嘅嘢，包括apple I
mouse同gui
3.5"碟
laser printer
oop(透過next)
cgi
hdd based mp3
iTunes & Apps store
capacitive & multi touch
retina screen


其實會發現全部都一早有人發明咗，但係apple (尤其sj領導下）參與改良同設計應用後先發揚光大（有部份改良甚至變成apple自己patent), 因為sj係一個有眼光之餘又有嘅
而sj嘅獨特迫死人同執着性格就係負責做呢啲改良嘅人嘅背後動力。所以先至點解俾到人個感覺會有咁多劃時代嘅嘢同sj有關
至於tc, 佢唔係呢方面嘅人，佢亦明白自己唔係sj呢類型嘅人，所以佢必須倚賴其他人幫佢，所以會見到佢好強調team work同埋好樂意俾空間下面嘅人上，當然個結果就係下面發揮多咗，一啲响sj時代唔可能會俾sj批嘅嘢會出到街好似，又或者好似3d touch咁係一個好嘅技術但冇做好足夠應用同包裝結果冇人用咁。
其實技術創新依家嘅apple同sj年代係冇分別，做法都係發掘出面嘅技術然後買入整合應用甚至合作改良，依家都冇比以前少，但係依家嘅apple似乎冇人有sj果種眼光。好似face id咁，除咗解鎖之外得animoji就冇其他應用，sj在生實唔會咁輕易比佢就咁出街而要有killer app先俾佢過。劉海我相信以sj性格又係唔會出現，佢實寧願等（或者迫班eng)到做到真全屏先會俾佢出街

tc會係個好老闆，因為佢靠team work, 所以新意同埋應用都係來自佢下面嘅人，但係亦代表好嘅同壞嘅佢都要受晒因為佢冇sj果種篩選能力