召喚lihkg所有學神/P牌巴絲 (38)

就係見你地用吊完先放手制就係度諗咁調頭吊得高得濟點算 咪一野但出去

但係呢個我可以用brake 控制到架車慢過行路咁濟去調頭

不過個個唔同教法又無理由問個師傅 盞比佢屌

路票係1私家車，係咪學棍私同自私都得？

對，不過棍私真心難

如果係要慢嘅，咪右腳印住 brake 起步囉

學左兩堂，真心難諗緊轉唔轉好，利申手腳唔協調

個祖哥其實份人點 見佢啲片幾好聲氣咁
記得當年第一次都係考掃捍埔 考樂活道跟何師傅

學棍既話索性學貨van啦 應該易過私家車棍

通常學棍會學 van 係因為 van 大馬力啲又睇位好啲，例如起步 van 可以就咁吊極力子，但係私家車可能要和油先行得順
轉唔轉真係好難講，一係唔急嘅考完自私等三年上18囉

油塘

樓上又一個起步唔知踩迫力做乜
巴打你嘅做法絕對正確，唔駛踩迫力，就咁放手掣起步就夠。下面係解釋

以下我假設係棍van同埋係普通嘅斜路，太斜嘅斜路或者棍私我仍然強烈建議和住油嚟起步
原則上，只要機件冇故障，拉緊手掣已經足以喺斜路鎖定架車，「鎖力>地心吸力」，所以架車會停定
當你要起步，吊到磨擦點（提供動力俾架車行）而未放手掣時，就係「動力-地心吸力<鎖力」，架車就仍然停喺度。喺放手掣嘅一剎那，架車立即變成「動力>地心吸力」，架車就夠力起步，亦唔會溜後

如果乸住迫力，即係同冇拉手掣而淨係踩迫力冇分別，而乸住迫力只會阻住自己起步
呢個時候，假如極力子吊得唔夠/架車本身扭力唔高，喺放緊迫力嘅時間就變成「動力-剎車≦地心吸力」，架車就唔會行甚至溜後
（雖然好多棍波司機喺唔太斜嘅斜路都唔會拉手掣，因為佢哋已經熟哂點俾油點放極力子，溜一兩寸已經可以令架車再向前上斜，但始終考試絕不容許任何溜後。）
再者，乸住迫力只會令整體嘅動力降低，變相吊極力子嘅時間長咗，咁樣做會傷極力子

所以，拉穩手掣，吊好極力子，放手掣起步就夠，唔好踩住迫力嚟起。即使係慢車，都係建議吊低少少極力子嚟行，動力自然唔會高，車速亦唔會快，準備隻右腳喺迫力面，要停就踩落去就夠

努力練習，考好個試啦

棍私比起棍van的確係比較難，但大同小異

揸棍私最難係斜路起步，一定要和住油起，同時你要熟習左腳搵磨擦點同右腳控制好呼幾多油：

棍私本身扭力較低，磨擦點冇van仔咁易感覺到，吊得太高會死火；吊得太低又等同冇吊起唔到步
而右腳就要小心呼油，呼得太少，提高唔到扭力，架車唔夠力起步；呼得太多，就有機會燒極力子

不過，好消息係關於起步嘅要點已經講完（唔計望鏡望盲打燈嗰啲，嗰啲考咩牌都要），而且熟能生巧，練得多就得，最重要嘅係唔好氣餒

利申：過來人

冇咁易feel到係真，第二堂已經教我斜路起步，係咪算快？驚愈學愈灰心

進度良好，無需灰心

有兩件事可以喺平路練咗先：
1. 搵磨擦點：吊住慢行，放下踩弦，你會知道喺磨擦點架車點樣震
2. 拉手掣入空波呼空油：呼到1500~1800轉左右，你會知道需要踩幾深油門嚟達到呢個轉數，呢個轉數相當適合斜路起步

將兩者合埋，斜路起步成功！

3月中重考天光道丙部
有無tips可以操車注意下？
估唔到咁快過幾個月

有冇巴絲第一架車出第七代golf gti棍波?
架車多咗個auto hold搞到冇咗個hand brake
而家上斜開車好難習慣

頭先斜路停完紅綠燈開車
一放個clutch架車好似就快死火
嚇到我即刻踩個clutch然後溜後俾後面架tesla響長咹
然後佢即刻倒後俾我慢慢起步
有咩辦法可以克服？

利申：棍私 2 take pass

阿sir話澤安算易，叫我珍惜
因不會考L泊位，只考平行泊位，而且唔係斜路

琴日竟然1 take pass
覺得自己好好彩

追咗呢個post 好耐其實真係獲益良多
多謝各位巴打絲打嘅分享

星期五終於輪到自己 呢幾日緊張到晚晚瞓唔著

Pass 左 你地有冇俾茶錢師傅？ 如果有，俾幾多？

加油

無, 介紹學生比佢更有效益

剛剛掃桿埔 1 take pass, 今日d 考牌官都好好人

歡迎加入

呢幾日有冇機會再上堂
考試時專注路面，做每樣嘢諗定下一步，望埋附近路人，留心揸就冇得緊張