12月唔好去北海道環道遊..13日環道遊

94 回覆
12 Like 5 Dislike
2019-02-01 09:18:27
謝謝資訊!我年後要去找雪褲,不過我只係札幌,小樽無樓主去到咁遠
2019-02-01 09:20:55
其實香港我有時都有著, 以前香港試過兩度, 都係靠佢
2019-02-01 19:26:25
札幌羊ヶ丘展望台唔錯喎
以前漫畫見過個銅像
同埋上網見有白之戀人雪糕食
2019-02-03 00:16:04
第十三日, 年末寒波箱館戦争

又年末, 又寒波, 仲要無買定車飛, 同埋得一日時間響函館

咁就好早起身, 6點出酒店, 拖定個喼去札幌駅
之後我就見到呢張表...

好彩...................
如果我無早起身, 按原定時間坐下班超級北斗...
我就車都上唔到..



就到之前車掌講左啲好搞笑既野,
去五稜郭公園既朋友, 請你去總站函館落車, 響函館坐巴士會比較方便...
聽完真係超級好笑





10點50分左右到...酒店其實響朝市果間東橫inn, 超級難搵..
因為年末寒波既關係, 出面啲車係咁變哂咁..

呢架車, 我睇完啲景點返黎佢仲係咁..

用盡全力拖左個喼入去之後,
就開始去第一個景點, 五稜郭公園.


上去有好多關於箱館戦争既歷史資料, 有睇銀魂(?)既話, 會有興趣多啲?


落返黎之後都開始大雪,

響我影左呢張相10分鐘之後座塔就唔見左..




公園中間係箱館奉行所, 本來既只係用左7年就比明治天皇拆左, 今時今日呢個新既, 係按史料用同樣既方法起返出黎, 不過呢到只係起左最中心既果一部份..



響公園入面既積雪好多都無人清理,
所以瞓落去啲軟身既雪到係超級舒服到唔想起身,



本來都想去埋函館山,
出去望下個暴風雪景...
我諗,
1. 上到去咩都睇唔到
2. 未上到去ロープウェイ已經唔開
3. 同香港比百萬夜景, 根本無得比..

所以....我棄左上山呢個念頭
咁唯有去搵晚餐..

講函館晚餐, 一定要去小丑漢堡Lucky Pierrot

睇落去好普通, 呢間野有啲特別,
每一間都有自己特色, 話就話係同一個名,
每間都好唔同..

夜晚搵左間浸溫泉既酒店去浸, 食埋飯, 聽日新幹線lo..


札幌, 旭川同函館, 真係好多香港人..
2019-02-03 09:58:21
2019-02-03 09:59:56
十二月尾誇年去咗十日
2019-02-03 12:51:10
樓主著咩鞋去?
2019-02-03 14:40:46
波鞋加厚襪
2019-02-03 19:21:06
唔跣咩
2019-02-03 20:12:44
乾雪就無事, 冰/壓雪/水 就會好撚跣
但係道央以外會跣既機會唔高,
係網走拖喼果朝因為回暖所以個地下超跣,
果邊便利店有雪爪賣
2019-02-03 20:43:39
聽日想去札幌睇雪祭
夢想幻滅
2019-02-03 20:44:33
人踩得多連冰都無
2019-02-03 20:45:37
人在函館
好多香港人
東北都唔少
2019-02-03 20:47:52
聽日天氣報告大風大雪好大機會

聽日北海道jr應該好多停駛
2019-02-03 23:29:04
之前好多道南既景點細個去過, 同埋今次係想環道遊, 所以有好多都無去..
(又無車牌呢...)
2019-02-07 15:16:32
走既第十四日

其實飛到東京果日係第0日

朝早, 寒波繼續

入左去酒店隔黎既函館朝市,
我自己有一堆海鮮唔食, 同埋唔識揀...
去返出面大堂到食,


食完就去駅走啦, 我張pass最後用埋呢程最貴又最遠既一程~

本身坐新幹線要去北斗果邊,
都知道JR北海道會有接駁既電車去, 所以唔太怕無位,
不過見到呢個掣,

坐得多鄉郊線既都知, 冬天到站要開車門既話係要自己開, 同埋要close返,
見好多外國人, 甚至係日本人都唔知呢個掣係用黎開門, 佢地跑去第二個車廂都唔識開門, 好笑到想喊.





想比起日本其他在來線/特急, 新幹線既位置係闊好多同大好多,
仲要有插頭...green車享受(北海道得u-seat/green車/宗谷號先有插頭)
北海道, 下次我應該會響夏天去多次...落雪係雪, 不過有啲地方真係要車同埋夏天先去到



不過都要坐5個鐘先到東京, 仲要係東京站真係超級多人..

以下係之後東京既7日, 想介紹既我再講










其實得45.8kg, 兩喼加埋, 不過手提行李應該都有7-10kg..

走果陣via PEK, 好野既係之後飛HKG果班走左,
我呆左響北京機場9個鐘, 去到凌晨3點先有飛機返香港,

佢轉左班KA比我真係好好坐, 比起CA....唉.
返到屋企果時係第二日9點, 下午仲要返工....之後就病左兩星期~

2019-02-13 11:14:29
去咗幾日旅行原來完咗post...

真係有

間嘢同隔離個間D野幾啱買
明明秋葉原仲大間...
另外想買小丑漢堡咖哩飯上車食
條隊排到出門口
我已經預咗成個鐘
但條隊排咗三個字都唔郁
落單唔知做乜咁好傾
最後頂唔順要趕車走
咁就帶著遺憾離開函館了
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞